पदम श्री दादा हूंदराज दुखायल
Introductory
फेमस सिंधी फ्रीडम फाइटर ऐं सामाजिक कार्यकर्ता राष्ट्रीय कवी पदम श्री दादा हूंदराज दुखायल जहिं पहिंजी लेखणी जी ताकत सां सिंधी कविता ऐं सिंधी साहित्य खे हिक नयें आलीशान मुक़ाम ते पहुचायो खे जे अजु जी मॉडर्न सिंधी भाषा जी बुनियाद चयिजे त गलत न थींदो। कवी हुअण सां गडु हूंदराज लीलाराम माणिक हिकु नामवर फ्रीडम फाइटर पिणु हुओ।
टीम TSW जी पको अकीदो आहे त दादा हूंदराज दुखायल जी बायोग्राफी सिंधी युथ वासिते न सिर्फ राह रहबरी कंदी पर पंहिजे मकसद हासिल करण, सामाजिक कमन, समाज सेवा वासिते होसिलो ऐं जोश डियण वारी पिणु साबित थींदी सो सिर्फ दादा हूंदराज जी बायोग्राफी वासिते असां रिवायती बायोग्राफी लिखण जे तरीके में बदिलाव करे दादा हूंदराज जे जीवन सां जुड़ियल अहमियत वारा साल ऐं उन साल जे अहमियत वारन वाक़ियन खे – वक़त जो फीथो – साल दर साल जी लिस्ट जे रूप में डियूं था।
बायोग्राफी - हूंदराज लीलाराम माणिक (दुखायल)
फेमस सिंधी फ्रीडम फाइटर – सिंधी अदीब – पदम श्री
16 जनवरी 1910 ते जावल दादा हूंदराज महात्मा गांधी जो पको मुरीद हो, ऐतिरो जो महात्मा गांधी जे चवण ते मुल्क जे विरहांङें वक़त बि हुन भारत अचण जी जगह ते सिंध में रहण कबूल कयो। इहा अलग गालिह आहे त अगते हली खेस अण वणन्दड हालतुन में ज़ोर ज़बरदस्ती हेठि मज़बूर थी भारत अचिणो पयो। हिन जे सिंधी भाषा, सिंधी साहित्य, तहज़ीबी विरसे खे महफूज़ रखण ऐं वधायिण जी सिमत में कियिल कमन ऐं मुल्क खे आज़ाद करायिण जी हलचल में संदस बेमिसाल बहरे वठण जी इज़त कन्दे 1983 में भारत सरकार हिन खे पदम श्री अवार्ड सां नवाजे सत्कार कियो।
दादा हूंदराज दुखायल जे जीवन जा कुछ अहमियत वारा साल ऐं वाकिया (साल दर साल जी लिस्ट)
1910 – 16 जनवरी ते लाड़काणे सिंध में जन्म
1921 – महात्मा गांधी जी “नॉन कॉपरेशन ” हलचल में बहरो वठण
1924 – कविता लिखण जी शुरुआत
1930 – नमक सत्यागृह दौरान बांदर सेना ऐं स्वराज सेना जी संभाल – हफतेवार सिंधी “हनुमान ” शुरू करण
1931 – अंग्रेजन जे राज जे बरख़िलाफ़ लेख लिखण सबब गिरफतार
1932 – गांधी – इरविन समझौते सबब जेल मां आज़ाद थियण
1934 – लाडकाणे जे हिक हरिजन स्कूल में बतोर टीचर कम करण
1937 – हिक बी सिंधी हफतेवार अख़बार शुरू करण
1941 – सिंध जे लाडकाणो जिले जे गोठ रतोदेरो में गांधी सेवा आश्रम बरपा करण
1942 – किविट इंडिया हलचल सबब बिन महीनन जी जेल
1948 – रतोदेरो आश्रम में पाकिस्तान सरकार खे कमज़ोर करण जी मुराद सां हथियार ठाहिण जे इलज़ाम हेठि बिन महीनन जी जेल या पंज सउ रुपिया डंडु
1949 – भारत अचण
1951 – आचार्य विनोबा भावे जी “भू दान ” हलचल सां जुड़िजण
1953 – आदिपुर गांधीधाम में थाईंको थी सर्वोदय प्रेस ऐं सिंधी में “धरती माता ” छपिण जी शुरुआत
1955 – भाई प्रताप खे गांधीधाम मैत्री मंडल बरपा करण में मदद करण
1983 – पदम श्री अवार्ड मिलण
1986 – गांधीधाम मैत्री मंडल जे प्रेसीडेंट जे ओहदे ते कम करण जी शुरुआत करे 2003 तायीं कम करण
2003 – 14 जनवरी ते सिंधी साहित्य अकादमी दिल्ली पारां “मिलेनियम अवार्ड ” सां नवाजे सत्कार त 21 नवंबर ते सुरगुवास
2016 में संदन जीवन ते हिक डॉक्यूमेंट्री फिल्म “Hundraj Dukhayal: A True Sindhi Poet ” बि रिलीज़ थी चुकी आहे।
दादा हूंदराज दुखायल - अदबी जीवन
नामवर फ्रीडम फाइटर ऐं सामाजिक कार्यकर्ता हुअण सां गडु हूंदराज लीलाराम माणिक सिंधी अदबी दुनिया जो हिकु फेमस सिंधी कवी पिण हो जो “दुःखायल ” तखलुस सां सिंधी कविताऊं ऐं लेख लिखन्दो हो। पहिंजे मिठे सुरीले आवाज़ में हिन केतिरा ई देश भक्ति जा गीत ऐं कुछ सिंधी भजन बि गाया आहिन। हिन केतिरा ई साल “धरती माता ” ऐं “गांधीधाम समाचार ” जे एडिटर तौर बि कमु कियो हो। दादा हूंदराज जा लिखियिल कुछ चूंड किताब आहिन: –
अक जूं फुलिडियूँ
हो त हिरदे में विञायम
मुशायिरो
संगीत अंजली
ज़िंदगी हिक रूप अनेक
हूंदराज लीलाराम माणिक (दुखायल) : अवार्ड
कुछ अदबी अवार्ड जिन सां नवाजे दादा हूंदराज जो सत्कार कियो वियो से आहिन: –
2003 – मिलेनियम अवार्ड सिंधी साहित्य अकादमी दिल्ली पारां
1992 – इंटरनेशनल लतीफ़ अवार्ड सदायीं गडु संस्था पारां
1990 – मॅन ऑफ़ द ईयर – ईश्वरी बाई बक्शानी फाउंडेशन पारां
1984 – सिंधु रतन अवार्ड राजस्थान सिंधी अकादमी पारां
1964 – साहित्य अवार्ड एजुकेशन मिनिस्ट्री भारत सरकार पारां
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.