दादा जशन वासवानी
Introductory
सिंध जी पवित्र सरज़मीं ते केतिरिन ई सिंधियत जे सरतजान जन्म वरतो आहे इन्हन मां हिकु अहमियत वारो नालो आहे असांजो पियारो दादा जशन वासवानी। दादा जन जो जन्म कृष्णा देवी ऐं पहिलाज राय वासवानी जे सुपुत्र जे रूप में 02 अगस्त 1918 ते हैदराबाद सिंध में थियो आहे।
बायोग्राफी (जीवनी) - दादा जशन वासवानी
मशहूर सिंधी लेखक -संत कवी – एजुकेशनिस्ट
शुरुआती स्कूली पढ़ायी जे डींहन खां वठी खेसि होशियार, ज्ञानवान ऐं आला दरिजे जो विद्यार्थी लेखियो वेन्दो वयो हो। 13 सालन जी नंढी उमर में तमाम सुठियिन मार्कुं मैट्रिक जो इम्तिहान पास करे दादा जन “स्केटरिंग ऑफ़ रेज ” इहा थीसिस लिखी जेका भारत जे मशहूर विज्ञानी सर सी वी रमन जाची हुयी ऐं जहिंजे वास्ते दादा जन खे मास्टर डिग्री मिली। पढ़ायी खतमु करे दादा जशन कराची जे डी जे सिंध कॉलेज में नौकरी करण लगा।
परमपिता परमात्मा असां खे धरतीअ ते असांजे जन्म जे मकसद बाबत समझ डींदो आहे पर के थोरा भागन वारा ऐं प्रभुअ जा पियारा ई इन खे समझी सघन्दा आहिन। दादा जन पक ई पक इन्हन थोरन खुशनसीबन में शामिल आहिन छो जो दादा जन न सिर्फ पहिंजे काके मशहूर मानवतावादी फिलॉसॉफर साधु टी एल वासवानी जी राह ते हलण जो फेसिलो कियो पर साधु वासवानी जन खे आध्यात्मिक राह ते पहिंजो गुरु ऐं रहबर करे लेखियो।
1962 में मीरा मूवमेंट सां जुडिया। सागिये साल में पुणे में बरपा थियल सेंट मीरा कॉलेज जे ऑनररी प्रिंसीपल जे ओहदे ते दादा जन कमु करण शुरू कयो ऐं 1978 तायीं ओहदे ते रहिया। दादा जशन वासवानी न सिर्फ साधु वासवानी जे कम खे साधु वासवानी मिशन पुणे मार्फ़त अगते वधायो आहे पर दिन दुखी दुरिबलन ऐं गरीबन जी हयाती खुशहाल बणायिण में का कसर न रखी आहे। दरिद्र नारायण जी सेवा ऐं मांसाहार छड़िण जो ऐं शाकाहारी खाधो वापिरायिण – मीट लेस डे – सन्देश हर हिक इन्सान तायीं पहुंचाईण जे मकसद सां दादा जशन देश विदेश जा केतिरा ई दोरा कया आहिन।
दादा जन जी करिश्माई शख्सियत भाषण डियण वक़त – आमु माणुहुन सां रूह रुहाण करण वक़त वधीक चमकन्दड रूप में नज़र अचे थी। दिल खे छुअन्दड मधुर आवाज़ ऐं हिक आम इन्सान जी रोजाने ज़िन्दगी मां खंयल मिसाल हर हिक जे मन में प्रभु डान्हुँ लाडो पैदा कन था। आम माणुहुन खे बि इन्सान रूप में जन्म वठण जो मकसद समझण में सवलायी ऐं मदद मिले थी। संदन मन मोहीन्दड पुरसुकून आवाज़ अहिडो असर कियो जो हू हर दिल अज़ीज़ दादा जशन बणिजी विया।
गुजिरियिल कुछ सालन खां दादा जन समूरो वक़त पुणे में रही साधु वासवानी मिशन वसीले मानवता जी हर मुमकिन सेवा करे रहिया आहिन। हयाती जा सउ साल पूरा करण खां कुझु डीन्ह अगु तबियत जी नासाजी सबब कुछ थोरो अरसो अस्पताल में गुजारिण खां पोय 12 जुलाई 2018 ते सुबूह जो 9 बजे दादा जशन वासवानी जन पुणे जे साधु वासवानी मिशन आश्रम में आखिरी सुवास खंया। दादा जन जो अंतिम संस्कार पुणे जे आश्रम में 13 जुलाई 2018 ते थियो।
जे पी वासवानी - हिक लेखक तोर
एक्सेलसियर पत्रिका जो एडिटर थी दादा जन पत्रिका खे आध्यात्मिक मयार डियण शुरू कियो। साणु कमु कन्दडन ऐं बियन दोस्तन खे इहा गालिह न वणी। उहे हिकु हिकु करें पत्रिका जो कमु छड़े विया। नतीज़े तौर पत्रिका जो हर हिक कमु चाहे लेख लिखण हुजे या जाहिरात कठी करण, चाहे छपायी हुजे या पत्रिका पोस्ट करण, अकेले दादा खे करणो पवे पियो।
दादा जन सिंधी तोड़े अंग्रेजी में केतिरा ई किताब लिखिया। जशन वासवानी जन जे ज्ञान ऐं अभ्यास सां गडु विषय खे आम गालिहायिण जे नमूने लिखण जे हुनर खेन बियन सभनी लेखकन खां जुदा ऐं आला दरिजे वारो बणाए छडियो।
हिन लेख जो लेखक पाण खे खुशनसीब लेखे थो छो जो मुखे दादा जन जूं लिखियिल “बर्न एंगर बिफोर इट बर्न्स यू” जहिड़ा के लासानी किताब पढ़ण जो मोको मिलियो आहे। इहे किताब इंसान जे नासु कन्दड़ ऐं सिरजन करण वारिन भावनाउन जो आइनो आहिन। मथियें ज़िकुरु कयल किताब समझाये थो त किरोध जी हालत में, असांजे जाब्ते खां बाहिर वारिन हालतुन में कीयं पहिंजो जिसमानी मीज़ान बरकरार रखन्दे किरोध जहिडि बाहि ते बि जाबितो रखी सघिजे थो।
श्रध्दाजंली - टीम TSW पारां
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.