पदम श्री डॉ जी एस सैनानी
Introductory
MD (Nag), FRCP (Lond), FRCP (Edin), FRCP (Glasgow), Hon. FRACP (Aust), Ph. D (Pune), D.Sc (Pune), Hon. D. Lit (MUHS), FACC (USA), FAMS (Ind), FACP (USA), FCCP (USA), FRSM (Lond), FAIID, FIAMS, FMASC, FISE, FICP (Ind), FIMSA, FICN, FICA (USA), FICC, FIACM (Ind), FGSI (Ind), Hon. FISC (Ind), FCSI
पहिरियीं नज़र में त इहो महसूस थिये थो शायद असां कंहिं मेडिकल कॉलेज में जिन कोर्स जी सहूलियत आहे उन्हन कोर्सेस जी लिस्ट डिसी रहिया आहियूं पर हर हिक डिग्री सां गडु ब्रैकेट में डिनल शहर / देश जे नाले ते धिआनु वञण ते खबर पवे थी त इहे सभु डॉ जी एस सैनानी जूं हासिल कयल डिग्रीयूं आहिन। पदम श्री डॉ जी एस सैनानी सिंधी कौम जे कम वास्ते वफादार, सख्त मेहनत करण जे ज़ज़्बे ऐं कामियाबी जी बुलन्दीअ ते पहुचण जी इच्छा जो बेहतरीन मिसाल आहे। इहो तमाम तमाम विरले थींदो आहे जो को हिकु शख्स केतिरन अलग अलग खेतरन जो ऐतिरो माहिर हुजे जो उन खेतर जो सभ खां वडो अवार्ड हासिल करे सघे। मेडिकल खेतर में रिसर्च कन्दड़ फिजिशियन, हार्ट स्पेशलिस्ट ऐं नेशनल अकादमी ऑफ़ मेडीकल साइंसेज जो प्रोफेसर डॉ जी एस सैनानी अहिडो ई शख्स आहे जेको शायद त पहिरियों सिंधी आहे जहिं खे ऑनररी ब्रिगेडियर जे लक़ब सां नवाज़ियो वियो आहे।
बायोग्राफी - डॉ गुरुमुख साजनमल सैनानी
फेमस सिंधी डॉक्टर – पदम श्री – ऑनररी ब्रिगेडियर – मेडीकल बुक्स
डॉ सैनानी जो जन्म 28 मार्च 1931 ते लाड़काणे में थियो पर हिन जे बालपणे जो वडो अरसो कम्बर गोठ में गुजरियो हो। गुरुमुख पहिंजे माउ पीउ जी सभनी खां नंढी औलाद आहे ऐं हुन उमर जा चार साल बि पूरा कोन किया हुआ जो संदस बैक मैनेजर पिता जो स्वर्गवास थियो। कंबर जे ऐ वी म्युन्सिपल स्कूल में पढ़हन्दड गुरुमुख मैट्रिक जो इम्तिहान तमाम सुठियूं मार्कुं खणी ऐं लाड़काणे जिले में पहिरियों नंबर अची पास कियो। जून 1947 में हू वधीक पढ़ाई वास्ते डी जे सिंध कॉलेज में दाखिला वठी कराची अची मेठराम हॉस्टल में रहण लगो। ऑगस्ट 1947 में हॉस्टल खे बाहि हवाले करण बाबत अफवाह फैली त गुरुमुख माउ खे वठी भारत अचण जो फेसिलो कियो। सांगे सां संदस एयरपोर्ट ते कमु कन्दड़ सौट्र हिन खे बुधायो त पंज हवाई जहाज़ भारत पिया वञन ऐं जेके हिंदू भारत वञण चाहिन था उन्हन खे मोफत वठी वेन्दा बस हू माउ वठी हवाई जहाज़ में चडिही पयो।
नागपुर पहुची गुरुमुख कुछ महीना त उते सिंधियिन वास्ते ठहियिल कैंप में गुजारिया पर जल्दु ई बालानी कुटुम्ब जे बंगले जे सर्वेन्ट क्वार्टर्स में हिकु कमरो भाड़े ते वठी माउ सूधो उते रहण लगो। इन वक़त तायीं 1947 जो आखिरी महीनो दिसंबर बि अची वयो हो पर तहिं हूंदे बि मंत्री जी सिफारिश ऐं कॉलेज जे वरतल इम्तिहान पास करण जे ज़ोर ते गुरुमुख नागपुर जे साइंस कॉलेज में दाखिला वठण में कामियाब थियो। हुन इंटर साइंस जो इम्तिहान डिस्टिंकशन ऐं केमिस्ट्री में सभ खां वधीक मार्कुं खणी पास कियो। भारत अचण खां पोय इहो पहिरियों ख़ुशी ऐं फ़खुर जो मोको हो छो जो भारत जे प्रधान मंत्री जवाहरलाल नेहरु हथां हिन खे इनाम मिलियो।
मारकुन जे ज़ोर ते गुरुमुख खे मुंबई जे मेडिकल कॉलेज में बि दाखिला मिली पर घटि खरच जो खियाल करे हिन नागपुर रही नागपुर मेडिकल कॉलेज में पढ़ायी करण पसंद कियो। इन समे तायीं संदस शादी कियिल भेण कला छुगानी जहिं जो मुडुस पोस्ट ऐं टेलीग्राफ खाते में कमु कन्दो हो सा बि कराची मां लड़े अची नागपुर रहण लगी हुयी सो हीउ बालानी कुटुम्ब जो भाड़े वारो कमरो छड़े भेण घर रहण लगो। गुरुमुख ऐतिरो ज़हीन होशियार हो जो दाखिला वठण जे छहन महीनन जे अंदर ई कॉलेज जे वरतल इम्तिहान में सुठियिन मारकुन सबब कॉलेज पारां खेस स्कालरशिप मिलण लगी, हू नेशनल स्कालरशिप हासिल करण में बि कामियाब थियो ऐं इन ज़ोर ते 1954 में M.B.B.S जी ऐं 1958 में M.D. जी डिग्री हासिल कियायीं।
M.D. पास करे डॉ सैनानी बतौर प्रोफेसर कमु करण शुरू कियो ऐं 1959 में मुंबई में रीडर जे ओहदे वास्ते पब्लिक सर्विस कमीशन जो इम्तिहान डिनो। इन इम्तिहान में संदस ब टीचर्स बि शामिल थिया हुआ सभनी खे अज़ब लगो जो उहे बयी टीचर्स त पास कोन थिया पर हिन खे इहा नौकरी मिली। पहिंजी नौकरी जे दौरान डॉ सैनानी खे ग्रांट मेडिकल कॉलेज ऐं जे जे ग्रुप ऑफ हॉस्पिटल में कमु करण जो मोको मिलियो ऐं सिर्फ 32 सालन जी उमर में खेस मेडिकल डिपार्टमेंट जे हेड जो ओहदो मिलियो। इन दौरान 18 मई 1963 ते ग्रांट मेडिकल कॉलेज मुंबई जी डॉ पुष्पा दुधानी सां हिन जी शादी थी।
मेडिकल डिपार्टमेंट जे हेड जे ओहदे ते पहुचण ते डॉ सैनानी खे पहिंजी तैलिमी क़ाबिलियत वधायिण जो खियाल आहे ऐं हुन 1968 में लन्डन मां MRCP जो इम्तिहान पास कियो पर इन खां अगु ब साल शिकागो अमेरिका में बतौर विद्यार्थी ऐं विजिटिंग प्रोफेसर रही कार्डिओलॉजी – दिल जी बीमारियूं – जो अभ्यास कियो। पहिंजी नौकरी जे दौरान डॉ सैनानी पुणे जे बी जे मेडिकल कॉलेज जे डायरेक्टर प्रोफेसर तौर ऐं पुणे यूनिवर्सिटी जे डीन ऐं फैकल्टी तौर बि कमु कियो आहे। 1979 में हिन पहिंजी मर्जीअ सां नौकरी छड़े 1975 में मुंबई जी जसलोक हॉस्पिटल में कमु [जुलाई 1979 खां] करण शुरू कियो।
पुणे में कमु करण (1973-1979) जे दौरान आर्मी वारा जेके पोस्ट ग्रेजुएट कोर्स कनि पिया तिन जी काफी मदद कयी ऐं बतौर डीन मिलेट्री मेडिकल कॉलेजन जो दोरो करे उते पोस्ट ग्रेजुएट कोर्स शुरू करण जी सिफारिश कयी हिन इन निसुवारथ सेवा जो फलु इहो निकितो जो हिन खे ऑनररी लेफिनेंट कर्नल जो लक़ब बहाल कियो वियो। मुंबई में बि कमु कंदे डॉ सैनानी अश्विनी हॉस्पिटल ज़रिये मिलेट्री सां जुडियो रहियो ऐं वक़त बि वक़त सलाह डियण सां गडु मिलेट्री हॉस्पिटल में फ्री सेवा बि डियण लगो। 2000 में हुन खे ऑनररी ब्रिगेडियर जो लक़ब मिलियो।
जसलोक हॉस्पिटल में कमु करण खां सिवाय डॉ गुरुमुख सैनानी नेशनल अकादमी ऑफ मेडिकल साईन्स में Emeritus Professor तौर, आल इंडिआ हार्ट फाउंडेशन जे डायरेक्टर तौर ऐं दुनिया भरि जी मेडिकल संस्थाउन सां बतौर fellow जुड़ी कमु कियो आहे।
डॉ सैनानी न सिर्फ मेडिकल बुक्स लिखिया आहिन हिन जा पंज सउ खां बि वधीक लेख दुनिया भरे जे मेडिकल सां लागापो रखन्दड रिसालन में छपिजी चुका आहिन। हू भाषण करण जी कला में बि माहिर आहे ऐं अटकल पंज सउ सभाउन।/ सेमीनार्स में हुन खे मुख्य गालिहायींदड या गेस्ट स्पीकर तौर घुरायो वियो आहे। डॉ सैनानी RCP London जो Emeritus International Adviser पिण आहे।
भारत सरकार डॉ गुरुमुख सैनानी जो सत्कार करण वास्ते 2000 में हिन खे पदम श्री सां नवाज़ियो आहे। गुजिरियिल 37-38 सालन में केतिरा ई भेरा न सिर्फ डॉ सैनानी जो सत्कार कियो वियो पर हिन खे अवार्ड्स [20 खां वधीक] बि डिना विया आहिन जिनमे मेडिकल कौंसिल ऑफ इंडिया जो मानवारो डॉ बी सी रॉय अवार्ड बि शामिल आहे।
हिन डॉ गुरुमुख सैनानी कुटुम्ब सूधो मुंबई में रही डॉक्टर हाउस, सैनानी मेडिकेयर किलिनिक (पेडर रोड ते) ऐं सैनानी मेडीकेट किलिनिक (हाजी अली ) में कमु करे रहियो आहे। संदस डॉक्टर धीउ रेणु शादी करे मेलबोर्न ऑस्ट्रेलिया में पयी रहे त पुट्र राजेश ऐं नूहं जेके बयी डॉक्टर आहिन से मुंबई में पिया रहन।
डॉ सैनानी - मेडिकल बुक्स
Clinical Cases and Pearls in Medicine
A Primer of Cardiac Diagnosis
Manual of Clinical and Practical Medicine
Medical Therapeutics
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.