हूंदराज बलवानी
Introductory
सिंधी अदबी दुनिया में हिक मकबूल ऐं मशहूर शखिसियत आहे डॉ हूंदराज किशिनचंद बलवानी। उची तेलीम हासिल डॉ बलवानी खे हिक आला दरिजे जे सिंधी, हिंदी, ऐं गुजराती भाषा जो गहिरो गियानु वारे अदीब जी, जहिं खे बाल साहित में बि खासु चाहु आहे, जी सुंञाणप हासिल आहे। सिंधी साहित सिरजन सां गडु खेनि तरजुमो करण में बि महारत हासिल आहे ऐं 2005 में गुजराती भाषा में लिखियल नॉवेल जो सिंधी तरजुमो मीरा यागिनिक जी डायरी वासिते साहित अकादमी तरजुमो अवार्ड सां नवाजे संदन कदरशिनासी करे चुके आहे। 250 जे आसपास छपियल किताबन जे सरमाये जे धणी डॉ हूंदराज बलवानी जे जीवन ऐं साहितिक सफर जी जानकारी शामिल कंदे टीम TSW फखुर महसूस करे थी।
हिक मुरक ब लुड़क खणी घुमण वारी, कैद थियल रोशनी जा टुकड़ा डिसी हुअ रोयी वयी
इरादन जो अड़ो, पेसन जो वणु हुयुस इरदि गिरदि, आजाद सचल खे छितो माणुहू चयी वयी
(रंगीन अखर छपियल किताबन जा उनवान आहिन )
डॉ हूंदराज किशिनचंद बलवानी: जीवन ऐं साहितिक सफर
हूंदराज बलवानी जो जनम देश जे अंग्रेजी हुकूमत खां आजादी हासिल करण खां लगभग डेढु सालु अगु 09 जनवरी 1946 ते लाडकाणे सिंध में श्री किशिनचंद बलवानी जे पुट्र रुप में थियल आहे। बेहद नंढी उमिर हुजण सबब देश जे विरहाङे सबब सिंधी समाज जी भोगियल तकलीफुन जो चाहे खेनि ओतिरो अहसास न थियो पर उमिर जे पहिरियें ई डहाके खेनि समझाये छडियो त सिंधी समाज जी इनहन तकलीफुन जे दूर थियण जी चाबी सिंधियिन जे तेलीम हासिल करण में आहे। नंढी उमिर में ई डॉ बलवाणी खे पहिंजे अंदरुनी साहितिक लाडे (literary attitude) जो अहसास थी वियो हुओ सो उनहन कालेज जी पहिंजी पढ़िहायी में आर्टस विषयन खे पसंदगी डिनी। अठें दरजे में हूंदे पहिंजन उसतादन श्री हेमनदास मनचंदा ऐं श्री रामचंद भागचंदानी जी प्रेरणा सां पहिंजी पहिरियीं रचना हिकु बाल गीत मुहिंजी मोटरकार लिखी जेका उन समे जे मशहूर रिसाले फुलवाड़ी में छपिजी। अगिते हली डॉ बलवानी इन सागिये रिसाले फुलवाड़ी जे एडीटर तोर कमु कियो।
बलवानी परिवार सिंधु मां लदे अची देवलाली कैंप नासिक में रहण लगो हुओ पर थोरे अरसे में ई परीवार अहमदबाद लड़े आयो जिते हूंदराज तेलीम हासिल कयी पर इहो महसूस थियो त तेलीम हासिल करण वारे अरसे में इहो लडु पलाण जो दोर कायम रहियो। हुन B.A. पूना मां, जर्नलिज्म (अखबार नवीसी ) जो डिप्लोमा जयपुर मां ऐं Ph.D. मुंबई मां पास कयी। ग्रेजुएशन पूरो करण खां पोय हूंदराज बलवानी प्राइमरी इसकूल टीचर तोर कमु करणु शुरू कियो। सरकारी नोकरीअ मां रिटायर करण वकत बलवानी साहिब गुजरात राज्य शाला पाठय पुस्तक मंडल जे ऐकेडेमिक सेक्रेटरी जे ओहदे ते हुआ। खेनि हसिल ओहदन मां हिक अहमियत वारो मुकाम आहे गुजरात साहित्य अकादमी जे चेयरमेन जे ओहदे ते कमु करणु।
डॉ हूंदराज बलवानी जो पहीरियों किताब देश पुकारे थो 1966 में छपिजियो हुओ। इहो किताब हिकु कहाणी सांगिरह (मजमो) हुओ। बिज सला ऐं बूटा संदन ताजो 2019 में छपियल किताब जो उनवान आहे। कहाणी, मजमून ऐं मकाला लिखण खां सिवाय हिन साहिब जो कलम नजम या कविता लिखण जे खेतर बि असिरायितो रहियो आहे। संदन हिकु कविता संगिरह जिंदगीअ जो हिकु हिकु पल (2013) आहे। बाल कविता ऐं बाल साहित जे खेतर में संदन मशहूर किताब आहिन बाल साहित जो विकासु , जादू नगरी, पपूअ जो पियारो मोती, चौथों बांदर, आखाणिन जो दुकान, पेसन जो वणु, खटमिठडा, हिकडो हो राजकुमार ऐं नओं निरालो जंगल।
डॉ बलवानी जे तरजुमो किअल किताबन में (में असुल लेखक जो नालो) के चूंडि किताब आहिन नॉवेल शराबी निगाहूं (अमृता प्रीतम) , मीरा यागिनिक जी डायरी (बिंदु भट), नाटक में नाटक (प्रकाश लाल ), राजा जी बुलबुल, नानीअ जी अजीब कुरसी, सत जादूगर ऐं वीर नारियूं। संदन अवार्ड हासिल करण वारा के किताब आहिन सुखी संसार (1979) भारत सरकार जे समाज कल्याण खाते तरफां अवार्ड, मासतर मोकल ते (1980) नेशनल कॉउन्सिल फॉर एजुकेशनल रिसर्च एंड ट्रेनिंग तरफां अवार्ड ऐं भारत जा महान साइंसदान (1982) भारत सरकार जे बालिग तेलीम डायरेक्टोरेट तरफां अवार्ड। खेनि मीरा यागिनिक जी डायरी (बिंदु भट) वासिते साहित अकादमी जो 2005 जो सिंधी भाषा तरजुमो अवार्ड बि मिलियो आहे।
अदबी योगदान
हूंदराज बलवानी साहिब जन जे अदबी खजाने में 250 खां बि वधीक किताब आहिन के चूंडि किताब आहिन :
गरम मास जा सोदागर – सागियो शहर – बि मासो – हूंदराज बलवानी जूं चूंडि कहाणियूं – अखर भूरी – पिरीअ में – जमानो बदलियो आ – अदबी जाइजो – तक तोर – जिंदगीअ जो हिकु हिकु पलु – पालिश वारो – टंग जेड़ो छोकिरो – अनमोल मोती – हुअ बेपरवाह हुयी – मुहिंजा मन कबूतर – पहिंजो पराओ दरदु – टॉम हिकु छोकिरो हुओ – हिकु गुनाहु माफ
किताबी झरोखो
अवार्ड ऐं सनमानु
साहित अकादमी तरजुमो अवार्ड : सालु 2005
किताब जो उनवान : मीरा यागिनिक जी डायरी
बिया अवार्ड :
अखिल भारत सिंधी बोली ऐं साहित सभा पारां इंटरनेशनल अवार्ड
गुजरात साहित अकादमी पारां गौरव पुरसकार
राइटर्स एंड आर्टिस्ट फाउंडेशन तरफां साहित शान अवार्ड
दादा शेवक भोजराज अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.