कमल निहालानी
Introductory
AIR आर्टिस्ट: सिंधी लर्निंग: सिंधी रेडियो नाटक
गुजरात जी भुज कच्छ ऐराजी में रहन्दड कमल निहालानी सिंधी समाज जी बहबूदी – वाधारे सां लागापो रखन्दड हलचलुन में सरगम बहिरो वठन्दड जे रूप में मशहूर शख्सु आहे। AIR (आल इंडिया रेडियो) भुज जे सिंधी प्रोग्राम पेश कन्दड तोर पहिंजे कामकाज़ी जीवन जी शुरुआत करण वारे कमल भुज रेडियो तां फौज वासिते जेके प्रहरी ऐं जय भारती जहिड़ा गानन जा हिंदी प्रोग्राम हूंदा हुआ से पिणु पेश कया आहिन। सिंधी साहित्य तोड़े सिंधियत जे वरसे ऐं सिंधी भाषा जे वाधारे जे रुख में कमल निहालानी पहिंजो खासि, बियन खां जुदा अमोलक योगदान डिनो आहे। 300 खां बि वधीक सिंधी रेडियो नाटक जे प्रोडयूसर डायरेक्टर कमल निहालानी खे रेडियो वसीले सिंधी लर्निंग जा 52 एपिसोड्स तियार करण जो जसु हासिल आहे। इहे सिंधी लर्निंग जा प्रोग्राम ऐतिरा असरायिता ऐं मशहूर साबित थिया जो भुज रेडियो इन सिंधी लर्निंग जा 52 एपिसोड्स वरी प्रसारित कया।
बायोग्राफी - कमल निहालानी
कमल निहालानी आज़ादी खां पोय भारत में जावल ऐं तैलीम हासिल कयल सिंधी पीढ़ी जो नुमाईंदो आहे। संदस जन्म 29 जून 1952 ते आदिपुर गुजरात में सीता देवी ऐं डॉ रामचंद निहालानी जे पुट्र तोर थियल आहे। कमल पहिंजी आर्ट में ग्रेजुएशन जी पढ़ायी जे विच में हुओ जो खेसि वाणी सर्टिफिकेट पास करण सबब आल इंडिया रेडियो जे भुज रेडियो स्टेशन ते सिंधी प्रोग्राम पेश कन्दड तोर नोकरी मिली।
आल इंडिया रेडियो जी 44 सालन जी नोकरी दोरान केतिरा ई अलग किसम जा प्रोग्राम जीयं त सिंधी शख़्सियतुन जो इंटरव्यू, ओबी वेन इंचार्ज तोर कुझु लाइव इवेंट्स, औरतुन, बारन ऐं नवजवान सां जुडियल विषयन ते रेडियो टॉक शोज। सिंधी भाषा सां लागापे वारन प्रोग्रामन जो विचार कजे त कमल अटकल 300 खां वधीक रेडियो नाटकन सां बतोर प्रोडयूसर या डायरेक्टर जुडियल रहियो आहे।
सिंधी भाषा जे वाधारे – उपयोग वधायिण जे रुख में कमल निहालानी भुज रेडियो स्टेशन तां प्रसारित थियल सिंधी लर्निंग जा 52 एपिसोड्स तियार करे बेमिसाल लासानी योगदान डिनो आहे। भारतीय सिंधु सभा, गुजरात सिंधी महा सभा, सिंधु सेवा समिति (भुज) ऐं बियन केतिरिन ई सिंधी सामाजिक, सांस्कृतिक ऐं तैलीमी संस्थाउन सां जुड़ी, सिंधी साहित्य, सिंधी भाषा जे वाधारे जे रुख में लागीतो कमु पयो कन्दो आहे। कमल निहालानी जनवरी 2016 खां सितम्बर 2018 तायीं बतोर डायरेक्टर ऐं सेक्रेटरी तोर इंडियन इंस्टिट्यूट ऑफ़ सिंधोलोजी वासिते बि कमु कयो आहे। इन दोरान खेसि संस्था जे पब्लिकेशन जी ऐं इन्तिज़ामी बंदोबसतु जी जवाबदारी डिनी वयी हुयी। कमल NCPSL जे तोड़े राज्य सिंधी अकादमी जे सेमीनार्स में पेपर प्रेजेंटर तोर पिणु शामिल रहियो आहे।
17 अगस्त 1973 ते गांधीधाम जी प्रेमलता चैनानी सां शादी करण वारो कमल निहालानी जडहिं 2012 में आल इंडिया रेडियो जी नोकरी मां रिटायर थियो त सीनियर प्रोग्राम पेश कन्दड जे ओहदे ते कमु करे रहियो हुओ। रिटायर थियण खां हिन वक़त कमल पहिंजी धर्मपत्नी प्रेमलता, बारन ऐं पोट्रन डोहिट्रन सां गडु भुज में खुशहाल ज़िंदगी गुज़ारीन्दे सामाजिक कमन में रुधियिल आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.