संत कंवरराम
Introductory
“नाले अलख जे बेड़ो तार मुंहिंजो “
भगत साहिब जे सभ खां वधीक मशहूर गायिकी जी हिक तुक
सिंधी बोलीअ में चइबो आहे
“शाल अहिड़ा लाल जमन जेके जमन्दे जामु बणी जग खे रोशन कन “
[may the such kids born, who virtue of their character and quality not only bring the pride for the parents and nation but the whole world may get shined with them.]
अहिडी हिक शख्सियत हुआ साईं संत कंवर राम साहिब।
बायोग्राफी: संत शिरोमणी भगत कंवर राम
शुरुआती जीवन
सिंधु जी सरज़मीं खे धर्मात्मा शख़्सियतुन, रुहानी रहबरन, सुफिन, संतन, दरवेशन ऐं फ़कीरन जी जन्म भूमी हुअण जो लक़ब हासिल आहे। 13 अप्रैल 1885 ते इन पवित्र भूमीअ पहिंजे लक़ब खे हिक भेरो वरी साबित कियो, छो जो इन डीन्ह ते सखर जिले जे ज़ारवार गोठ में माता तीर्थबाई ऐं पिता ताराचंद जे घर बालक कंवर जो जन्म थियो।
कंवर जी जडिहिं पहिरियों भेरो साईं सतराम दास साहिब जन सां मुलाकात थी तहिं वक़त हू फ़क़त 9 सालन जो बालक हो। साईं सतराम दास साहिब ज़ारवार गोठ में आयल हुआ ऐं कंवर संदन सतसंग वारे हंद जे बाहिरां कूहर पे विकिया। साईं सतराम दास साहिब कंवर खां कूहर वठी खाधा ऐं मोट में पैसा डियण चाहिया पर नंढड़े बालक कंवर पहिंजी ज़िन्दगीअ जो वड़े में वडो सोदो कयो। कंवर चयो “साईं जे तव्हां कुहरन जे ऐवज़ में कुछ डियण चाहियो था त मेहरबानी करे पहिंजे शागिर्द तौर मुखे कबूल करे सेवा जो मोको डियो।”
साईं सतराम दास साहिब जी रहबरी में कंवर राम साहिबन रुहानी राह ते तरकी कयी पर गडोगडु थोरे ई अरसे में सजी सिंधु में मशहूर पिण थी विया। भगत लाय हिक गोठ खां बिये तायीं मुसाफिरी कंदे भगत साहिब आमु इन्सानन खे , मशहूर संतन दरवेशन , मीरा, कबीर, शाह लतीफ़ ऐं बियन जा लिखियल भजन गाये , सचे मालिक सां जोडीन्दा हलन्दा हुआ। भगत साहिब जो मिठो सुरीलो ऐं दर्द भरियो आवाज़ न रुगो माणुहुन खे वडा मुफ़ासिला तय करे भगत साहिब खे बुधण लाय अचण वास्ते मज़बूर कंदो हो पर गडोगडु उन्हन खे साईं कंवर राम जो मुरीद बि बणाये छडींदो हो।
संत कंवर राम - रुहानी रहबर
भगत कंवर राम साहिब जन जी हयातीअ में अहिडियूं बेशुमार गालिहियूं थी गुजरियूं आहिन जेके संदन लासानी रुहानी ताकत जी गवाही डियन थियूं। चवन पिया हिकु भेरो जडहिं भगत साहिबन भारतीय रागु – “रागु सारंग ” , जहिं खे बरसात जो रागु सडिबो आहे , गायिण शुरू कियो त उस सां भरियल आसमान में कारा कारा बादल कठा थियण लगा ऐं भगत साहिब जे रागु पूरो करण खां अगु ई तेज़ बरसात शुरू थी वयी।
हिकु भेरो हिक गोठ में भगत कंवर राम साहिब भगत पिया कनि। उन गोठ में हिक मायीअ जो नंढो बारु मरी वियो हो ऐं हुन उहो मुअल बारु भगत साहिब जी हज़ में डयी लोली डियण लाय वेनंती कयी। बार खे खणण सां ई भगत साहिबन खे अहसास थी वियो त बारु मुअल आहे। भगत कंवर राम सोचियो त मुमकिन आहे त के माणुहू इहो सोचिन त बारु भगत साहिब जी हज़ में मरी वियो। बस इहो सोचे भगत साहिबन पहिंजे रुहानी गुरु साईं सतराम दास साहिबन खे याद कंदे लोली डियण जी शुरुआत कयी ऐं चमत्कार थी वियो मुअल बारु लोली पूरी थियण खां अगु ई रुअण लगो। इहो डिसी बार जी माता अची भगत साहिबन जे पेरन ते अची किरी ऐं समूरी हकीकत बुधायी।
भगत साहिबन जो नियम हूंदो त कहिं बि गोठ मां भगत जे दौरान जेको मिलन्दो हो सो सभु भगत साहिब उते ई गरीब गुरबन ऐं घुरजाउन में विरहाये छड़ींदा हुआ। जहिं सबब भगत साहिबन जो जसु डीन्हो डींहुं वधंदो पे वयो ऐं इहो डिसी भगत साहिब सां साडु कन्दडन जो तादाद पिण वधे पियो। भगत साहिबन जो जसु ऐतिरो वधी वियो जो आम इंसान उन्हन खे सचो सतराम चवण लगो। सिंधु जे इतिहास में 1 नवंबर 1939 खे कारो डीन्ह करे लेखियो वेन्दो आहे छो जो इन डीन्ह ते किन सिरफिरन रुकरी गोठ जी रेल स्टेशन ते भगत कंवर राम ते गोलियूं हलाये भगत साहिब जी हयातीअ जो अंत कियो हो।
मुल्क जे विरहांङें खां पोय भगत साहिब जे पोट्रे साईं मनोहरलाल अमरावती शहर में हिक ट्रस्ट बरपा करे भगत साहिबन जे कमन खे अगते शुरू रखियो आहे। 2016 में 100 करोड़ रूपया खरचु करे भारत जे महाराष्ट्र राज्य जे अमरावती शहर में कंवर धाम ठाहिरायिण जे रिथायिते कम जी शुरुआत कयी वयी आहे।
भगत कंवरराम साहिबन जी गायिकी
HMV कंपनी, जहिं वटि अजु भी भगत साहिब जी आवाज़ जा रिकॉर्ड आहिन, तहिंजो रिकॉर्डिंग स्टुडिओ उन वक़त कराची में हुओ। जीयं त भगत कंवर राम कराची में रिकॉर्डिंग करायिण लाय तैयार न हुआ तहिंकरे लाचारीअ में कंपनीअ जा माणुहू पाणीअ जे जहाज़ रसिते रिकॉर्डिंग मशनियूं खणी सखर आया ऐं भगत साहिबन जे दिलोदिमाग खे सुकून डीयन्दड आवाज़ जी रिकॉर्डिंग कियाउं।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.