पदम भूषण कृष्ण कृपलानी
Introductory
फेमस सिंधी फ्रीडम फाइटर – पदम भूषण – साहित्य अकादमी – राज्य सभा
कृष्ण रामचंद कृपलानी जे सामाजिक कमन तोड़े तैलीमी ऐं साहित्यिक खेतर में संदस योगदान जी क़दुरशिनासी कन्दे भारत सरकार साल 1969 में पदम भूषण अवार्ड सां नवाज़ियो। घणे भाङे कृष्ण कृपलानी पहिरियों सिंधी आहे जंहिं खे इन आला अवार्ड सां नवाज़ियो वयो आहे। कृष्ण कृपलानी खे 1974 में राज्य सभा जे मेंबर तोर नॉमिनेट कयो वयो ऐं हुन 1980 तायीं बतोर पार्लियामेंट मेंबर देश तोड़े समाज जी सेवा कयी। 12 मार्च 1954 ते जडहिं साहित्य अकादमी बरपा थी त अकादमी जो पहिरियों सेक्रेटरी थियण जो मानु पिणु हिन साहिब खे मिलियो। कृष्णा कृपलानी 1971 तायीं इन ओहदे ते कमु कयो। टीम TSW हिन बेमिसाल सिंधी शख्सियत खे श्रध्दाजंली डीन्दे सिंधी युथ जी होसिला अफ़ज़ाई वासिते कृष्ण कृपलानी जे जीवन जी जानकारी फ़खुर सां शेयर करे रही आहे।
बायोग्राफी - कृष्ण रामचंद कृपलानी
फेमस सिंधी फ्रीडम फाइटर कृष्ण कृपलानी उन्हन थोरन विरलन सिंधियिन में शामिल आहे जिनखे पदम भूषण अवार्ड सां नवाज़ियो वियो आहे। कृष्ण रामचंद कृपलानी जो जन्म 29 सितम्बर 1907 ते कराची सिंध में थियो हो। कराची ऐं हैदराबाद में शुरुआती तैलीम हासिल करे ऐं मुंबई यूनिवर्सिटी मां ग्रेजुएशन पूरो करे कृष्ण कृपलानी 1928 में वधीक पढ़ायी वास्ते लंदन रवाना थियो। 1931 जी पछाड़ीअ वापस कराची मोटण तायीं कृष्ण लंदन इन् स्कूल जे विद्यार्थी तौर कानून जी त लंदन स्कूल ऑफ़ इकनॉमिक्स में इतिहास, इकनॉमिक्स, पोलिटिकल साइंस, कानून ऐं मानव विज्ञान [Anthropology] जी तैलीम हासिल कयी।
कृष्ण कृपलानी जे लंदन मां मोटी अचण तायीं मुल्क में अंग्रेजन जे राज खां आज़ादी हासिल करण जी हलचलुन जो ज़ोर वधी वियो हो। इन माहोल में कृष्ण कराची में वकालत शुरू करण सां गडु आज़ादी जी हलचलुन में बि बहरो वठण शुरू कियो नतीज़े तौर संदस वकालत जो कमु वधीक अरसे तायीं शुरू न रही सघियो छो जो जल्दु ई अंग्रेज सरकार हिन खे गिरफतार करे जेल मोकिलियो। शायद त इहो जेल में रहण दौरान थियो त कृष्ण में बंगाली सिखण जो चाहु पैदा थियो ऐं जेल मां निकरण खां पोय हू बंगाली भाषा सिखण वास्ते शांतिनिकेतन वंञी पहुतो।
कृष्ण कृपलानी जी सियाणप ऐं ज्ञान ते रबींद्रनाथ टैगोर ऐतिरो मुतासिर थिया जो हुनन कृष्ण खे वापस कराची वञण बदिरां पहिंजी बरपा कियिल विश्व भारती यूनिवर्सिटी में अंग्रेजी लेक्चरर तौर कमु करण बाबत चयो। 1933 खां 1946 तायीं कृष्ण इहो कमु कियो इन दौरान कृष्ण जी शादी टैगोर जे भाउ जी पोट्री नंदिता सां थी चुकी हुयी। कृष्ण विश्व भारती ऐं शांतिनिकेतन सां जुडियो रहण जो फेसिलो करे चुको हो। 1941 में टैगोर जी मौत खां पोय कृष्ण खे रविन्द्र भवन जे डायरेक्टर्स में शामिल कियो वियो ऐं टैगोर जी शुरू कियिल ट्रिमाही मैगज़ीन विश्व भारती सां बतौर एडिटर जुड़िजण जो मोको मिलियो।
1946 धारे आचार्य जे बी कृपलानी ऐं नेहरु जी जे चवण ते कृष्ण बतौर जनरल सेक्रेटरी आल इंडिया कांग्रेस में शामिल थियो। अगते हली हिन खे भारत जो संविधान ठाहिण वास्ते वज़ूद में आयल कमेटी जो कन्वीनर ऐं उन समे जे एजुकेशन मिनिस्टर मौलाना अब्दुल कलम आज़ाद जे खानगी सेक्रेटरी जहिड़ियूं अहम जवाबदारियूं डिनियूं वयूं। इन दौरान कृष्ण खे इंग्लैंड, फ्रांस ऐं वेस्ट जर्मनी जे दोरे ते वञण जो वझु पिण मिलियो।
1960 में सोवियत लेखकन जी यूनियन कृष्ण खे टॉलस्टॉय उत्सव में घुरायो त अक्टूबर 1969 में जडिहिं लंदन जे स्कूल ऑफ़ ओरिएण्टल एंड अफ्रिकन स्टडीज महात्मा गांधी जे सउ सालन जो जशन करण जो फेसिलो कियो त उते बि कृष्ण कृपलानी खे घुरायो वियो। इन मोके ते कृष्ण जे भाषण खे लंदन यूनिवर्सिटी “गांधी- द मॉडर्न महात्मा ” इन उनवान सां शाया कयो। बेंगलोर जे गोखले स्कूल ऑफ़ सोशल वर्क्स जे 1972 जे सालाने राजाजी लेक्चर में बि कृष्ण कृपलानी मुख्य गालिहायींदड हो फरक सिर्फ ऐतिरो हो जो हिते विषय हो “राजा राम मोहन रॉय ” ।
1980 में जापान दोरे ते कृष्ण कृपलानी न सिर्फ टैगोर ते भाषण डिनो पर टैगोर ते लिखियिल संदस किताब बि शाया थियो। कृष्ण कृपलानी जा लिखियिल बिया के चूंड किताब आहिन गांधीजी, टैगोर ऐं नेहरू, गांधीजी जीवन ऐं विचार वगैरह। तैलिमी तोड़े साहित्य जे खेतर में कियिल कमन वास्ते भारत सरकार 1969 में कृष्ण कृपलानी खे पदम भूषण अवार्ड डियण जो फेसिलो कियो। 1974 खां 1980 तायीं कृष्ण कृपलानी राज्य सभा जो [नॉमिनेट] मेंबर पिण रहियो हो।
12 मार्च 1954 ते जडिहिं साहित्य अकादमी वज़ूद में आई त कृष्ण खे पहिरियों सेक्रेटरी थियण जो मानु मिलियो ऐं हू 1971 तायीं इन ओहदे ते रहियो। अप्रैल 1981 में कृष्ण खे नेशनल बुक ट्रस्ट जे चेयरमैन तौर कमु करण जो मोको मिलियो। हिन इंडियन इंस्टीटूट ऑफ़ एडवांस स्टडी शिमला जी रिव्यु कमेटी जे चेयरमैन जे ओहदे ते बि कमु कियो हो। नौकरी मां रिटायरमेंट वठण खां पोय कृष्ण कृपलानी शांतिनिकेतन में रहण लगो जिते 27 अप्रैल 1992 ते हिन जो स्वर्गवास थियो।
साहित्यिक योगदान - लिखियल किताब
जीयं त कृष्ण कृपलानी जा लिखियल वधीक किताब अंग्रेजी भाषा में आहिन सो किताबन जे उनवानन जी लिस्ट अंग्रेजी में डिजे थी।
1962 Rabindranath Tagore: A Biography
1962 Faith and frivolity
1968 Gandhi: a life
1968 Modern Indian literature
1970 Gandhi, the modern Mahatma
1983 Gandhi Eka Jivani
1984 Ravindranath Thakur: Ek Jeevani
1984 Gandhi: A Life Revisited
Books Window
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.