लीला चनेसर
लासानी सिंधी साहित्य - लीला चनेसर - शाह जूं सत सुहिणियूं
सिंध जा मशहूर ट्रैजिक रोमान्स
सिंध जी सरजमीं सतन ऐताहिसिक ऐं दुःखद प्रेम कहाणीयिन लाय बि नामवर आहे। इन्हन मां हिक आहे देवल कोट (थट्टा जे वेझो) सिंध जे सूमरो राजा चनेसर ऐं संदस राणी लीला जी। इहा कहाणी सिंधी साहित्य जो आइनों समझियो वेन्दड “शाह जो रिसालो ” में बि शामिल आहे।लीला खे कीमती पत्थर, हीरा जवाहरात ऐं गहिणन जो पागलपन जी हद तायीं शौक हो पर तहिं हूंदे बि बयी राजा चनेसर ऐं राणी लीला सुख भरियो वैवाहिक जीवन आनंद सां गुजारिन पिया। लीला जे इन्ही गहिणन जे मोह हिक डींहुं संदन शांत जीवन में हलचल मचाये छड़ी ऐं गालिह वञी तलाक तायीं पहुति। चोडिहियीं सदीअ जी इहा प्रेम कहाणी शाह जे रिसाले जे सतें भांगे में डिनिल आहे ऐं सिंध जे सतन मशहूर ट्रैजिक रोमान्स (दुःखदायी प्रेम)] जो हिसो आहे।
दर हक़ीक़त में इहा कहाणी आहे विशास जे टूटण जी ऐं जाईफां जे जिद जी जेका दुःखद रोमान्स फ़क़त इनकरे थी लेखी वञे छो जो कहाणीअ जा मुख्य किरदार राजा चनेसर ऐं राणी लीला न सिर्फ हिकबिये खां जुदा थी वंञन था पर आखिर में वञी मौत खे गले लगायिन था।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.
कानरु जो जिद्द
राजा चनेसर जे वक़्त ते कच्छ जे वेझो लखपत में राणा खंघार राजु कंदो हो। खेस हिक ई धीउ कानरु हुयी। इकलौती धीउ हूअण सबब कानरु खे बेशुमार सिक पियार मिलन्दो हो। जिसमानी तोर बि कानरु सुहणी हुयी जहिं करे हुअ कुछ हद तायीं घमंडी ऐं बेपरवाह स्वभाव जी बणजी पयी हुयी। कानरु जी शादी उतमादी सां थियण जी पकी थियल हुयी।
हिक डींहुं जामी , उतमादीअ जी भेण ऐं कानरु जी साहिडी हुयी कानरु खे छेड़ींदे चयो त कानरु जो पहिंजी सुहं ते घमंड करण अजायो आहे जे उहा हक़ीक़त में सुहणी हुजे हाँ त उनजी शादी राजा चनेसर थी हुजे हाँ। इन्हिन अखरन कानरु खे दुःखी करे छडियो। हुन फैसलों कियो त राजा चनेसर खां सिवाय बिये कहिं सां शादी न कंदी। जे हुअ शादी न करे सघी त आत्महत्या कंदी।
इहा गालिह जडहिं कानरु जे माउ पीउ खे खबर पायी त उहे बयी खासकरे माउ मिरखी चिंता में पयजी विया छो जो खेन जाण हुयी त चनेसर ऐं लीला जी हिकबिये लाय मुहोबत कहिं बि शक शुबहे खां परे आहे । बिन्हिन कानरु खे समझायिण जी क़ाफी कोशिश कयी पर कानरु पहिंजो जिदु छडिण लाय तैयार कोन थी।
कानरु देवलकोट में
राणा खंघार ऐं मिरखी में काफी लम्बी सलाह मसलत थी ऐं आखिर में कानरु ऐं मिरखी जे देवलकोट सिंध वञण जो फैसिलो थियो। कानरु ऐं मिरखी वापारियीन जे वेश में देवलकोट अची राजा चनेसर जे वज़ीर जखीरो खे राज़ी करण में कामियाब थियूं त वझु डिसी हू राजा चनेसर जे कन ते कानरु जी सुहं जी गालिह विझन्दो। इतिहास बुधाये थो ज़खीरो पहिंजे वायदे पुरो करण में त कामियाब थियो पर चनेसर नाराज़ थी चवण लगो त वरी अहिड़ी गालिह न थियण घुरिजे चाहे उहा इंद्र जे दरबार जी अप्सरा छो न हुजे।
हीय होसिला पसतु कन्दड खबर हुयी पर कानरु जिद ते हुयी। उन हिकु बियो रसितो गोलिहिये लधो। कानरु ऐं मिरखी आमु माणहुन जे वेस में राणी लीला सां मिलण पहुतियूं ऐं लीला खे पहिंजी ऐं राजा चनेसर जी सेवा करण जो वझु डियण बाबत वेनंती कियायूं छो जो हू बयी गरीबी सबब पहिंजो देश छडे देवलकोट आयूं आहिन। कानरु जी कहाणीअ जो लीला ते असर थियो। हुन बिन्हिन खे नौकरी ते रखी चनेसर जे सुमहण जे कमरे जी संभल करण जी जवाबदारी कानरु खे डिनी।
कानरु जी कामियाबी
हिक डींहुं शाम जो कानरु चनेसर जे रात जे आराम लाय बिस्तिरो तैयार पे कियो त पहिंजी ऐं माउ जूं तकलीफुन ऐं पहिंजे महल जा सुख याद अचण सबब कानरु जे नेणन मां गोड़िहा वहण लगा खेस खबर कान हुयी त लीला इहो सभु डिसे पयी। जडिहिं लीला गोड़िहन जो सबब पूछियो त होशियार ऐं सीयाणी कानरुअ इन मौके जो फायदो वठन्दे चयो त कहिं समे हू पिण राजकुमारी हुयी जहिं खे लीला जहिडा सभु सुख मयसर हुआ बस फर्कु आहे त कानरु उन वक़्त हिकु नवलखो हार पायिन्दी हुयी ऐं लीला वठ उहिडो को बि गहणो कोन्हे। लीला खे विशवासु न पयो थिये पर जडहिं कानरु पहिंजन उनहन डींहन जी याद जे रूप में संभाले रखियल नवलखो हार डेखारियो त लीला विशवासु करण ते मजबूर थी वयी।
हार जी सुहं लीला खे मोहे विधो ऐं हुअ कहिं बि कीमत ते हार खरीद करण लाय तैयार थी पर कानरु हार विकणण खां इन्कार कियो। घणुन मिन्थुन खां पोय आखिर कानरु चयो त जे लीला कानरु खे चनेसर सां हिक रात गुजारिण डिये त कानरु लीला खे इहो नवलखो हार सूखडीअ तौर डिन्दी। हार अेड़ो त मोहिन्दड हो जो गहणन जी लालची लीला बिना सोचे समझे इन बाबत चनेसर सां बि गालिह कड़िहि जहिं इहा शर्त कबूल न कयी।
लीला मन मारे वेही रही छो जो कानरु खे बी का बि कीमत कबूल न हुयी। हिक डींहुं बाहिर वियल चनेसर रात जो देर सां मोटियो इहा तमाम उंधायी रात हुयी। लीला इन मौके जो फायदों वठी हारु वठी कानरु खे चनेसर जे कमरे में मोकिलिये छडियो। लीला जी बदकिस्मतीअ सां बिये डींहुं चनेसर पहिंजे वक़त खां अगु जागियो ऐं पहिंजे बिस्तरे ते कानरु खे सुमहियिल डिसी अज़ब में पयजी वियो। ऐतरे में मिरखी कमरे में दाखिल थी ऐं सारी हक़ीक़त चनेसर खे बुधायायीं। क्रोध में भरियिल चनेसर लीला सां,जहिं न सिर्फ संदस बेइज़ती कयी पर हिक हार जी लालच में विशवासघात बि कियो , सभु नाता टोणिण जो फैसलो कियो। कानरु जो पाण लाय पियार ऐं सहियिल तक़लीफियुन जो विचार करे उन सां शादी करण जो बि फैसलों कियो।
लीला जो पछ्तावो
लीला माफ़ी वठण लाय घणा हीला हलाया, वरी गलती न करण जो वायदो बि कयो। ऐतेरो जो हुअ पहिंजा सभु गहणा गरीबन में दानु करण लाय बि तैयार थी पर चनेसर ते को असर न थियो ऐं न ही हुन पहिंजो फैसलों बदलायिण जो रुख डेखारियो। चनेसर जो चवण हो त लीला हिक हार जी लालच में हुन खे विकियो आहे तहिं करे फैसले बदलिण जो को सबब ई कोन्हे। लाचार थी लीला महल छडे पेके रवानी थी। जिते हुअ अकेलायीअ में पछ्तावो कंदे ज़िन्दगी गुजारिण लगी।
चनेसर जो वज़ीर जखीरो लीला जे मायट्रन में मंगियिल हो। लीला जे हादसे खां पोय उन्हन शादीअ खां इन्कार कियो। जखीरो घणियुं कोशिशयूं करे आखिर लीला वठ वेनंती खणी आयो। लीला हिक शर्त ते तैयार थी त जखीरो पहिंजी शादीअ वक़त चनेसर खे वठी ईंन्दो। इहो को डुखियो कमु न हो सो जखीरो तैयार थी वयो। मुकरर डींह ते जखीरो ऐं घोटेता जिन में चनेसर बि शामिल हो अची पहुता। लीला पाण खे, छोकरियिन जे ग्रुप जेको नाच गाणे सां घोटेटन खे विन्द्राइण वारो हो, में शामिल कियो हो।
गुजरियल समे में चनेसर न फ़क़त कानरु जी साज़िश सां वाकिफ थी चुको हो पर गडोगडु कानरु जे मगरूर ऐं बेपरवाह हलत मां तंग बी अची वियो हो। घोटेटन जे विह्न्दे ई स्टेज ते नाच गाणे जो कार्यक्रम शुरू थी वियो। लीला हिक सनहे कपडे सां मुहं ढ़के स्टेज ते हुयी। हिन जे आवाज़ चनेसर खे माजीअ जा लीला सां गडु गुजारियिल खिल ख़ुशी जा डीन्ह याद करण लाय मज़बूर करे छडियो। ढकियिल चेहरे सबब चनेसर लीला खे सुणाणे न सघियो पर हू उन आवाज़ जो चेहरों डिसण लाय बैचैन थी पयो । कुछ इन्तिज़ार खां पोय बैचैन चनेसर स्टेज ते पहुची वयो। कपडे जे पुठियां लीला जो चेहरों डिसी चनेसर खे ऐतेरो अजब लगो जो हु उते ई किरी पियो ऐं प्राण त्यागे छडियायीं। चनेसर जी हीय हालत डिसी लीला भी पट ते किरी पयी ऐं चनेसर भर में आखरियन सुवास खनियाई।