पदम श्री डॉ. मोतीलाल जोतवानी
TSW Citation
इहा गालिह कंहिं बि शक शुबिहे खां परे आहे त हावर्ड डिविनिटी स्कूल जो फेलो डॉ मोतीलाल जोतवानी हिकु लासानी सिंधी साहित्यकार, मकबूल सिंधी लेखक हुओ। डॉ मोतीलाल जोतवानी जे सिंधी भाषा ते जाबिते जो आलम इहो आहे जो हिन धणीअ सिंधी साहित्य जे ख़ज़ाने खे पंहिंजन सठि खां बि वधीक किताबन सां मालामाल कयो आहे। डॉ मोतीलाल जोतवानी बाबत टीम TSW इहा गालिह तव्हां जे धियान में आणिण चाहे थी त हिन सिंधी साहित्यकार जो सिंधी भाषा सां गडोगडु हिंदी ऐं अंग्रेजी साहित्य में बि काफी असिरायितो दखल रहियो आहे। डॉ मोतीलाल जोतवानी जी Ph.D. थीसिस जो विषय हुओ शाह अब्दुल लतीफ़ : हयाती ऐं कम। मकबूल सिंधी लेखक हुजण सां गडु डॉ मोतीलाल पंहिंजी अख़बार नवीसी सां बि सिंधी साहित्य सिरजन में योगदान डिनो आहे। डॉ मोतीलाल जोतवानी उन सिंधी साहित्यकार ग्रुप में शामिल आहे जिन पंहिंजी हयाती में बिया केतिरा ई अवार्ड हासिल कया पर सिंधी भाषा वासिते साहित्य अकादमी अवार्ड खां महरुम रहिजी वया।
बायोग्राफी - मोतीलाल जोतवानी
फेमस सिंधी लेखक – सिंधी साहित्य अकादमी – पदम श्री अवार्ड
मोतीलाल जोतवानी जो जन्म 13 जनवरी 1936 ते वाधूमल ऐं चन्द्रा जोतवानी जी पहिरियीं औलाद जे रूप में रोहरी सिंध में थियो हो। पिता वाधूमल कराची जे के जे खिलनानी स्कूल में बतोर टीचर नौकरी करण सां गडु सिंधी मैगज़ीन क़ुरबानी जे पार्ट टाइम सब एडिटर जो कमु कन्दो हो। 1947 में मुल्क जे विरहांङें वक़त जोतवानी कुटुंब भारत अचण जी जगह ते उते ई रहन जो फेसिलो कियो हो पर जनवरी 1948 में कराची में थियिल दंगन सबब लाचार थी कुटुंब भारत आयो। पहिरियां मुंबई में रहियो तहिं खां पोय बियन कुछ शहरन मां थींदे आखिर 1952 में नई दिल्ली में अची थायींको थियो।
1954 में प्रभाकर जो इम्तिहान पास करें मोतीलाल दिल्ली म्युन्सिपल कारपोरेशन जे स्कूल में बतोर टीचर नौकरी करण लगो। टीचर जी नौकरी कन्दे हिन लेख ऐं कहाणियूं लिखण शुरू कयूं जेके मकानी अखबारुन में छपजंदियूं हुयुं। 1955 में हिन्दी अख़बार वीर अर्जुन में छपियिल संदस कहाणी “मुक्ति ” ते अख़बार पढ़हंदडन जे राये मोतीलाल जो होसिलो ऐतिरो वधायो जो हू पहिंजे लिखण खे रोज़ी रोटीअ जो ज़रियों बणाइण बाबत गंभीरता सां विचार करण लगो। 1958 में पंजाब यूनिवर्सिटी मां ग्रेजुएट थियण बैद हू डायरेक्टरेट ऑफ़ एजुकेशन दिल्ली जे स्कूल में नौकरी करण लगो। अलग अलग अखबारुन ऐं मैगजीन्स वासिते सिंधी, हिंदी ऐं अंग्रेजी में लिखण जो संदस कम त शुरू हुओ। इन दौरान मोतीलाल पंजाब यूनिवर्सिटी मां जर्नलिज्म में डिप्लोमा बि हासिल कियो। 1960 में हिन जो पहिरियों किताब “खयाल ” (सिंधी मज़मून) छपिजियो।
27 मई 1961 ते हिन जी शादी राज जोतवानी (गोबिंदराम ऐं सीता मंशारामानी जी धीउ दया) सां थी। 1962 में मोतीलाल खे आल इंडिया रेडियो राजकोट में प्रोग्राम ऑफिसर जे ओहदे ते कम करण जो मोको मिलियो। अटकल ट्रे साल हुन इहो कमु कयो। 1966 में नई दिल्ली जे देशबन्धु कॉलेज में सिंधी विषय जे लेक्चरर जी नौकरी मिलण ते मोतीलाल राजकोट मां वापस मोटी आयो। 1973 में खेस “Shah Abdul Latif: His Life and Work” इन शोध मज़मून ते दिल्ली यूनिवर्सिटी मां पी एच डी मिली।
मोतीलाल 1979 -1980 में अमेरिका जे हावर्ड डिविनिटी स्कूल जे “भारत जो संत सूफी साहित्य ” इन विषय कोर्स जे टीचर तौर कमु कयो। 1985 खां 1990 तायीं हिन “इंडियन ऑथर ” जे एडिटर तौर बी कमु कियो हो। सिंधी अकादमी जे सेक्रेटरी तौर कमु करण खां सिवाय मोतीलाल दिल्ली में बिन स्कूलन बाबा नेभराज सीनियर सेकंडरी स्कूल ऐं हेमनानी सेकंडरी स्कूल सम्भालींदड संस्था सिंधी एजुकेशन सोसाइटी सां बी जुडियिल हो।
पहिंजे 72 वें जन्म डीहं खां सिर्फ 15 डीहं पोय 28 जनवरी 2008 ते पुणे में दिल जे दोरे सबब मोतीलाल जोतवानी जो सुरगुवास थियो।
डॉ मोतीलाल जोतवानी - लिखियिल किताब
हुयुं त डॉ मोतीलाल खे हिन्दी, अंग्रेजी ऐं सिंधी भाषा में 60 खां बि वधीक किताब लिखण जो मानु हासिल आहे पर हिट असां सिर्फ सिंधी भाषा में लिखियिल ऐं सिंधी बोली सां निसबत रखन्दड चूंड किताबन जा उनवान शामिल कयूं था।
डॉ मोतीलाल जोतवानी - अवार्ड
पदम श्री अवार्ड: – मोतीलाल जोतवानी जी हिन्दी साहित्य, सिंधी बोली ऐं सिंधी साहित्य जे खेतर में कियिल कमन डिनिल योगदान खे धियान में रखी भारत सरकार सिंधी साहित्य जी हिन अजीमोशान हस्ती खे 2003 में पदम श्री अवार्ड सां नवाज़ियो।
अदबी अवार्ड: – मोतीलाल जोतवानी जो हिन्दी तोड़े सिंधी साहित्य में केतिरो न आलिशान रुतबो ऐं हस्ती हुयी इन जो अंदाज़ खेसि मिलियिल छहन अदबी अवार्ड्स मां मिले थो इहे अवार्ड्स हिन खे 1973 -1999 वारे अरसे में एच आर डी मिनिस्ट्री भारत सरकार तरफां डिना विया।
सौहार्द अदबी अवार्ड – राम पंजवानी गोल्ड मेडल ऐं ईश्वरीबाई बख्शानी लाइफ टाइम अचीवमेंट अवार्ड कुछ बिया अवार्ड आहिन जेके डॉ मोतीलाल जोतवानी खे मिलिया हुआ।
सिंधी किताब झरोखो
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.