नूरी जाम तमाची
सिंध जो ट्रैजिक रोमांस – नूरी जाम तमाची
नूरी जाम तमाची
बेहदे (Boundary less) इशक जी दास्तां – सिंधी लोक कहाणी
नूरी शाह साहिब जी सत सुहिणिन में शामिल अकेली आ जहिंजी ज़िन्दगीअ जो अंत दर्दनाक न आहे। शाह साहिब सिंधी साहित्य जो उहो अनमोल मोती माणिक आहे जहिं शाह जो रिसालो जहिड़ी रचना कयी आहे जेका वक़त जी हदुन खां परे आहे। सिंध जे ट्रैजिक रोमांस में शुमारियिल हूंदे बि सिंधी लोक कथा नूरी जाम तमाची हकीकी पियार जो बेहतरीन इज़हार आहे। राजा जाम तमाची वसीले केंझर झील में ठाहिरायिल नूरी जो मकबरो इशक ऐं सिर्फ इशक जो इज़हार आहे। सिंधी लोक कहाणी नूरी जाम तमाची इहा समझाणी बि डिये थी त हर लिहाज खां इशक जी का हद न थींदी आहे। इशकु सभनी किसमन जी सरहदुन खां परे आहे।
राजा जाम तमाची
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.
चोडिहीं सदीअ जे आखिरी समे जे आसपास जहिं वक़त थट्टा सिंधी जी राजधानी हुयी उन समे जे सिंध जे राजा जाम तमाचीअ खे शिकार जो बेहद घणो शौंक हुओ । हिकु भेरो शिकार ते वयल राजा जाम तमाचीअ खे ऐतिरी थकावट थी पयी जो हुन केंझर ऐं बियन बिन झीलुन जे पासे वारे गोठ में आराम करण खां पोय महल मोटण जो फेसिलो कयो।
इन झील जे आसपास रहन्दडन मां वडो तादाद मछीमार कौम जो हुओ । पहिंजे ज़िंदगी जियण जे तरीके ऐं घणो समो सिज जी रोशनीअ में रहण सबब न सिर्फ मरद पर इन्हन मछीमार कौम जूं औरतूं बि कुछ वधीक घाटे गहरे रंग जी चमड़ीअ वारियूं हुयूं। ऐतिरो ई न पर इन्हन औरतुन खे सामाजिक हलत चलत जे लिहाज खां जंगली या घटि फ़ज़ीलत वारो लेखियो वेंदो वयो हो। अहिडी कौम में नूरी किने पाणीअ में टिड़ियल कमल जे गुल वांगुर हुयी छो जो न सिर्फ हुअ बेहद ऐं बेहद सुहिणी हुयी पर संदस सादगी ऐं बेहद तहज़ीब भरी हलत जो बि को मुक़ाबिलो कोन हुओ।
राजा जो गोठ में अचण
राजा जे अचण जी खबर बुधी गोठ वारा पहिंजन घरन जी सजावट में लगी विया। हर हिकु कोशिश पियो करे त उहो सुठो नज़र अचे। नूरी बि राजा जे अचण बाबत बेताब हुयी छो जो उन अगु में कडिहिं राज परिवार जे कहिं भातीअ खे डिठो कोन हो सिर्फ बुधो हो त उहे सोन जा कपडा ऐं तरह तरह जा कीमती जवाहरात पायीन्दा आहिन सो राजा खे डिसण वासिते नूरी बि बेसबरी हुयी। हुन पाण को खास सींगार कोन कियो ऐं रोजाने जीवन वारी सादगीअ जी मूरत बणी रही।
लव मैरिज
इहो पहिरियीं नज़र में इशक जो ऐतिहासिक वाकियो आहे छो जो हिक बिये खे डिसन्दे ई नूरी ऐं राजा जाम तमाची हिक बिये सां इशकु करण लगा। नूरीअ वासिते त इशक जो इज़हार करण बि डुखियो हो छो जो खेस अहसास हो त सामाजिक हैसियत जे लिहाज खां उहे बयी ज़मीन आसमान हुआ। गांव वारन खे अज़ब में विझन्दे राजा नूरीअ सां शादी करण जो फेसिलो कयो।
शादीअ खां पोय राजा जाम तमाची, नूरीअ जी सादगी, निवडत ऐं सिक भरी हलत चलत जो जणु त मुरीद थी पियो। कुछ वक़त खां पोय राजा वापस महल मोटण जो फेसिलो कयो। नूरीअ जे उदास चेहरे खे डिसी पहिरियूं त जाम तमाचीअ वक़त बि वक़त अचण जो वचन डिनो पर पोय नूरीअ खे बि पाण सां वठी महल मोटियो।
नूरी राज महल में
नूरीअ खे महल पहुची राजा जी बियन छहन राणिन बाबत – जेके सभ राज घराणे जूं हुयूं – खबर पयी। हिक पासे जाम तमाची डिसे पियो त महल जा सुख आराम ऐं कीमती जेवर नूरीअ जी सादगी ऐं हलत में का तबदील आणिण में कामियाब कोन थिया आहिन त बिये पासे संदस पंहिरियिन छहन राणिन जी दिलिन में नूरी वासिते साडु पैदा थियण लगो छो जो पहिरियूं त उन्हन जो रायो हो त राणी बणिजण त परे पहिंजे पेके खानदान सबब नूरी महल में रहण जे लायिक बि कोन आहे ऐं बियो त जाम तमाची बियन जी भेट में नूरी सां वधीक वक़तु गुजारिण लगो हो। सो उन्हन नूरी बाबत तरह तरह जूं गालिहियूं करण शुरू कयूं जीयं राजा जो मन नूरी मां खटो थिये।
आखिर राणियूं कामियाब थियूं छो जो उन्हन जी फ़ैलाइयल अफवाह – नूरी महल मां कीमती जेवर चोरी करे मिलण अीन्दड भाउ खे डिये थी – ते राजा जाम तमाची खे विशवास आयो। संदस किन वफादार वजीरन ऐं सेवकन बि चयो त उन्हन पहिंजी अखियुन सां नूरीअ खे मोटण लाय तैयार भाउ खे हिकु दबो (बाकसु) डीन्दे डिठो आहे। जाम तमाची खे पहिंजन वजीरन ते त भरोसो हो पर को बि फेसिलो करण खां हुन पाण जाचिण पसंद कियो।
सचायी सामहूं आयी
हिक डींहुं जीयं नूरीअ जो भाउ वापस पहिंजे घर मोटे पियो ऐं नूरी खेस हिकु काठ जो दबो (बाकसु) डिये पयी त लिकी बीठल राजा पहिंजन सिपाहियन सां गडु सामहूं अची वयो। जाम तमाची दबे में मोती माणिक न पर मछीअ जा कंडा ऐं रोटी टुकरु डिसी अज़ब में पयजी वयो। पुछण ते नूरीअ जवाब डिनो त भले अजु मां राणी आहियां पर मां पहिंजी शादीअ खां अगु जी हैसियत विसारिण न थी चाहियां ऐं न ई पाण खे महल जे तामन जो आदिती बणायिण थी चाहियां सो मुहिंजी माउ असां जी ऐराजीअ में पैदा थींदड अनाज जी रोटी ऐं मछी ठाहे मोकिलीन्दी आहे।
पियार जी जीत
हिन वाक़िये खां पोय नूरी खे महल में कहिं बि किसम जी मुशकिलात खे मुहं न डियणो पियो। इन वाक़िये खां पोय नूरी ऐं जाम तमाची जी ज़िन्दगी सुख ऐं खुशहाली सां गुजरी। नूरीअ जी मौत खां पोय जाम तमाचीअ केंझर झील जे किनारे नूरी जो मकबरो ठाहिरायो। अजु इहो मकबरो हिक इमारत न पर सचे पियार जी निशानी आहे।