Padma Award ऐं सिंधी शख्सियतूं

वैदिक जुग या इंसानी सभ्यता जी शुरुआत खां ई असां भारतीयिन में आदर सत्कार ऐं क़दरशिनासी जी परम्परा – रिवायत हलन्दी आयी आहे। पुरातन समे में ज्ञानवान शख्सन खे ऋषि आईं महर्षि जहिड़न लकबन सां नवाज़े उन्हन खे मान समान डिनो वेन्दो हुओ। अगते हली इंसान खे संदस कंहिं गुण सबब लक़ब ऐं सामाजिक रुतिबो मिलण लगो मिसाल तोर दानवीर कर्ण, मर्यादा पुरषोतम राम ऐं सत्यवादी राजा हरीशचंद्र वगेरह।
आज़ादी खां पोय, लोकशाही कबूल कंदे बि भारत सरकार इन रिवायत खे कायम रखन्दे 1954 में नागिरकन जो सम्मान सत्कार करण वासिते हिकु खासु शिरसतो ठाहियो। हालांकि सभ खां वड़े नागिरक अवार्ड जो नालो भारत रतन बियन खां अलग आहे। इहे ट्रे अवार्ड आहिन
पदम श्री (खास सामाजिक कम /सेवा/कामियाबी)
पदम भूषण (आला दरिजे जी सामाजिक सेवा/ कमु / कामियाबी)
पदम विभूषण (विरली ऐं आला दरिजे जी सामाजिक सेवा/ कमु / कामियाबी)
सहूलियत जे खियाल खां असां भारत रतन हिते शामिल न था कयूं हुअं बि 2020 तायीं कंहिं सिंधी खे इहो अवार्ड न मिलियो आहे।
आम तोर हेठियिन खेतिरन जे भारत जे नागरिकन खे पदम अवार्ड डिनो वेंदो आहे:
कला
सामाजिक सेवा / कम
आम माणुहअ सां जुडियिल (Public Affairs)
विज्ञान ऐं तकनीकी
वापार ऐं कारखाना
दवाऊं
साहित्य ऐं तैलीम
सरकारी सेवा (Civil Service)
रांदियूं (Sports)
बिया – इनमें आम तोर भारतीय संस्कृति जो वधारो, इंसानी हकन जो बचाव, जंगली प्राणिन जीवन जो बचाव ऐं संभाल शामिल आहिन।
पदम अवार्ड हासिल करण वारे खे न त का रोक रकम मिलन्दी आहे न ई का खास सहूलियत। बस भारत जे राष्ट्रपती जे हथें संदस सही कयल हिकु सर्टिफिकेट (सनद) मिलन्दो आहे। तंहि सां गडु असली मेडल जी नकल पिणु खेस डिनी वेंदी आहे जेका अवार्ड हासिल करण वारो शख्सु चाहे त कन्हि सरकारी कार्यक्रम वक़त पाये सघे थो। पदम अवार्ड जी घोषणा हर साल 26 जनवरी ते कयी वेंदी आहे राष्ट्रपती भवन में हिक खास रिथियल कार्यक्रम में पदम अवार्ड डिना वेन्दा आहिन।