रजनीश गुरबानी
Introductory
भारत जे आमु माणुहुन जी इहा सोच रही आहे त सिंधी माणुहुन जो जन्म धंधो वापार करण वास्ते थिये थो। हाणोका सिंधी नवजवान इन सोच खे बदिलण वास्ते पूरी तरह सां तैयारी करे अलग अलग खेतरन में कामियाबी जी बुलन्दी हासिल करे रहिया आहिन। सिंधी नवजवान साबित करे रहिया आहिन त न सिर्फ धंधो पर जहिं बि खेतर में सिंधी वेन्दा पहिंजी कुदरती डाति ऐं प्रोफेशनल रुख सबब का बि रुकावट खेन कामियाब थियण खां रोके न थी सघे।
..
सिंधी क्रिकेटर - रजनीश नरेश गुरबानी
सिंधी नवजवानन जे इन रुख ऐं ज़ज़्बे जो सभ खां वेझडायी जो मिसाल नागपुर महाराष्ट्र जो 24 सालन जो रजनीश नरेश गुरबानी। 2017 -2018 जे रणजी ट्रॉफी में इन सिंधी क्रिकेटर विदर्भ तरफां खेड़न्दे कमाल करे डेखारियो। सेमीफाइनल में कर्नाटक जहिड़ी मज़बूत टीम जे खिलाफ 12 विकेट वठी हुन न सिर्फ पहिंजी टीम खे इतिहास में पहिरियों भेरो फायनल में पहुचायो पर सिंधी नवजवानन जे कामियाबी जी चोटी हासिल करण जे इरादे जो ऐलान पिण कियो। इंदौर में थियिल फायनल जे पहिरियें डीन्ह ते दिल्ली टीम जो स्कोर हुओ 6 विकेट्स ते 271 ऐं दिल्ली टीम खुश पे नज़र आयी। बिये डीन्ह जी शुरुआत में स्विंग बॉलिंग जो कमाल डेखारे रजनीश दिल्ली टीम खे 295 रन्स ते आल आउट थियण वास्ते हिक किसम सां मज़बूर करे छड़ियो। हैट्रिक वठन्दे हुन सिर्फ 59 रन्स डयी 6 विकेट वरिता। रजनीश जी इहा हैट्रिक इन लिहाज खां यादगार रही जो इहा हैट्रिक बिन ओवर में आयी। रजनीश पहिरियूं ओवर जी पंजी ऐं छहीं बाल ते विकेट वरिता ऐं हैट्रिक जो ट्रियों विकेट बिये ओवर जी पहिरियीं बाल ते वरतो।
28 जनवरी 1993 ते नागपुर में जन्म वठण वारो रजनीश गुरबानी इन गालिह खे पिण गलत साबित करे थो त सिंधी कौम पढ़ायी खे अहमियत न थी डिये छाकाण त रजनीश हिकु तैलीम हासिल कियिल सिविल इंजीनियर आहे। रजनीश जी जिसमानी बीहक ऐं रवाजी कदु काठी सबब इहो विशवास करण डुखियो आहे त हू रांदीगर ऐं उहो बि फ़ास्ट बॉलर आहे। क्रिकेट जे शुरुआती समे खां ई रजनीश खे इहो अहसास हुओ त पहिंजे सरीर जी अड़ावत सबब हुन वास्ते भउ पैदा करण वारी रफ़तार वारो फ़ास्ट बॉलर बणिजण सवलो न आहे सो हुन शुरुआत खां वठी बाल खे स्विंग कराइण ते धियान डिनो, नतीज़े तोर संदस रफ़तार चाहे थोरी घटिजी वयी पर हू विकेट जे बिन्ही पासे बाल खे स्विंग कराइण में कामियाबी हासिल करे सघियो।
27 अक्टूबर 2016 ते वायनाड जे क्रिकेट मैदान ते रजनीश गुरबानी खे पहिरियों भेरो विदर्भ टीम तरफां खेड़ण जो मोको मिलियो। उहो डींहुं ऐं विदर्भ टीम जो फायनल में पहुचण डींहुं टीम जी हर हिक कामियाबी में रजनीश जो अहमियत वारो रोल रहियो।
राइट आर्म मीडियम फ़ास्ट स्विंग बॉलर रजनीश गुरबानी खे हिकु तेज़ी सां तरकी कन्दड़ आल राउंडर लेखियो पियो वंञे। नरेंद्र हिरवानी खां पोय रजनीश बियो सिंधी क्रिकेटर आहे जंहि में इहा क़ाबिलियत नज़र अचे थी त हू वड़े अरसे तायीं इंडियन क्रिकेट टीम सां बतोर आल राउंडर जुड़ी रही सघे थो। क्रिकेट जे केतिरन माहिरन जो रायो आहे त भारत जी टीम में फ़ास्ट बॉलर भुवनेश कुमार जी जगह रजनीश गुरबानी सबब ख़तरे में अची सघे थी।
रजनीश गुरबानी - क्रिकेट रिकॉर्ड बुक में
फर्स्ट किलास क्रिकेट जी शुरुआत:: विदर्भ पारां झारखंड जे खिलाफ वायनाड में 27 खां 30 अक्टूबर 2016
लिस्ट A जी शुरुआत:: ओड़िसा जे खिलाफ 10 दिसंबर 2015
T20 जी शुरुआत:: 3 जनवरी 2016 ते नागपुर में गुजरात जे खिलाफ
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.