पदम श्री संजीव बीखचंदानी

दिल्ली में 29 जून 1963 ते जन्म वठण वारे संजीव बीखचंदानी सेंट कोलम्बस स्कूल जे विद्यार्थी तोर 1981 में स्कूली तैलीम पूरी करे सेंट स्टेफेन कॉलेज मां 1984 में आर्ट्स में ग्रेजुएशन कयो। 1989 में हुन IIMA अहमदाबाद मां मैनेजमेंट में पोस्ट ग्रेजुएट डिप्लोमा बि हासिल कयो।
पहिंजी ग्रेजुएशन जी पढ़ायी पूरी करे संजीव हिक ऐडवरजाइमेंट फर्म में एग्जीक्यूटिव ट्रेनी तोर कम करण शुरू कयो। 1995 में हुन, हिंदुस्तान मिल्क फ़ूड मैन्युफैक्चरर जी हार्लिक्स जी मार्केटिंग तोड़े सैलरी सर्वे रिपोर्ट जो कमु छडे डिनो। हालांकि अजु नोकरी डॉट कॉम भारत जी वड़े में वड़ी वेबसाइट लेखिजे थी पर इन वेबसाइट जी शुरुआति भारत में मौजूद सर्वर तां 1997 में थी आहे।
भारत जो कामियाब सिंधी बिजनेसमेन संजीव बीखचंदानी अजु नोकरी डॉट कॉम सां जुडियल इन्फो ऐज जो बरपा कन्दड ऐं एग्जीक्यूटिव चेयरमैन हुजण सां गडु अशोका यूनिवर्सिटी जे को फाउंडर तोर सुञातो वेन्दो आहे। FYI (फाउंडेशन फॉर यंग इन्नोवेटर्स) जे विजिन सर्किल में शामिल संजीव 99acres, Policy Bazaar and Zomato में सीड़प कयलन में शामिल आहे। 2008 में संजीव बीखचंदानी खे न सिरफ Young Entrepreneur of the Year जो अवार्ड मिलियो पर खेसि हिक दानिशमंद ऐं हिमथी सीड़प करण वारे जे नजरिये सां बि डिठो वेन्दो हुओ। संदस कामियाबी ऐं वापार ऐं धंधे जी समझ सबब भारत सरकार खेसि 2020 में पदम श्री सां नवाज़ियो आहे।
फोर्बेस जे हिसाब सां संजीव बीखचंदानी जी मिलकियत $2.1 Billion आहे सो खेसि 2020 जी भारत जे अमीरन जी लिस्ट में 68 नंबर ते शामिल कयो वयो पर जेकडहिं हकीकत में डिसजे त संजीव जी सची मिलकियत उहा शोहरत आहे जेका खेसि भारत जे स्टार्टअपस वासिते उहो रसितो ठाहिण वारे जे रूप में हासिल आहे जहिं ते हली उहे पहिंजे होसिले ऐं हिन जी दानिशमंदी भरी रहबरी हेठि कामियाबी जी मंज़िल हासिल करे सघन था।
संजीव बीखचंदानी जे जीवन जो अभियासु करण वारे कहिं बि शख्स जो इन नतीजे ते पहुचण बेहद सवलो आहे त संजीव हिकु कामियाब इंटरप्रिनर आहे जेका हिकु कामियाब सीड़प कन्दड बणिजी चुको आहे। वापार ऐं बिजनेस जी दुनिया में संजीव जे ट्रीहन सालन जे सफर जा कुझु अहमियत वारा मुकाम आहिन
1989: IIM अमहदाबाद मां पोस्ट ग्रेजुएशन डिप्लोमा ऐं HMM Ltd. में कम जी शुरुआति
1990: कपिल वर्मा सां भायीवारीअ में बिन फर्म जी शुरुआति करण
1990-1991: सैलरी सर्वे जो ऐं मैनेजमेंट इंस्टीटूट्स में पढ़ाहिण जो कमु
1993: कपिल वर्मा सां भायीवारी खतम करे इन्फो ऐज हासिल करण
1995: इन्फो ऐज खे इन्फो ऐज इंडिया प्राइवेट लिमिटेड जो रुप डियण
1996-1997: US में मौजूद सर्वर जी मदद सां नोकरी डॉट कॉम जी शुरुआति
1998: चंदन मित्रा खे पायनियर हासिल करण में मदद
2000: ICICI Venture मां इन्फो ऐज जो रु. 7.3 करोड़ कमायिण
2004: इन्फो ऐज जो Jeevansathi.com हासिल करण
2005: 99accres.com जी शुरुआति
2006: BSE ऐं NSE में इन्फो ऐज जो लिस्टिंग में शामिल थियण
2007: अशोका यूनिवर्सिटी जी शुरुआति
2008: shiksha.com जी शुरुआति
2010: इन्फो ऐज जे CEO जो ओहदो छड़िण ऐं जोमैटो में सीड़प करण
पहिंजे गुजिरियिल जीवन खे यादि कन्दे हिक इंटरव्यू में संजीव बीखचंदानी चयो आहे त मुखे अजु बि यादि आहे त “1992 में हिक बैंक मां सिरफ रु.30,000 जी ओवरड्राफ्ट लिमिट हासिल करण में सजा सारा छह महीना लगी वया हुआ हालांकि अजु स्टार्ट अप में पेसा सीड़ायिण वारा मिलण सवलो थी वयो आहे पर उहो बेहद मुशकिल दोर हुओ बैंक बिना गैरंटी करज़ु न डींदियूं हुयूं ऐं कहिं बि सेवा डियण वारी फर्म जो करज़ु हासिल करण बेहद डुखियो हुओ।” अजु मां इहो बि चयी सघां थो त “ग्राहकन जी सोच ऐं नजरियो उहा बुनियाद आहे जहिं ते हिक कामियाब धंधे जी आलिशान इमारत ठाहे सघिजे थी।”