सायी भाजी ( पालक )
सिंधी भाजियूं - सायी भाजी / पालक -सिंधी खाधो -सिंधी शादी जो खाधो
सिंधी भाजियूं जेके सिंधी रंधणे में आम जाम ठाहियूं वेन्दियूं आहिन उन्हन में हिक खास सिंधी रेसीपी आहे साई भाजी या पालक। सायी भाजी मतलब सिंधी शादी जो खाधो। सिंधी शादी जी हिक रसम साठ वक़त जेको रिवायती सिंधी खाधो हूंदो आहे सो आहे तांहिरी ऐं सागु मतलब सायी भाजी। साईं भाजी पुलाव या सायी भाजी चांवर सिंधी फ़ूड हैबिट जो अहम हिसो आहिन। वेझडायीअ में पालक जो डोडो केतिरन सिंधी कुटुंबन जे सुबह जे नाश्ते जो हिसो बणजी वियो आहे।
पालक पनीर चाहे निजु सिंधी खाधो न आहे पर सिंधी शौंक सां खाईन्दा आहिन। सिंधी रेसीपी सायी भाजी अकेली त खाधी वेन्दी ई आहे पर बियन केतिरन भाजियिन सां मिली नयूं सिंधी रेसीपीज बि ठाहे थी मिसाल तौर बीह पालक या वरी स्टार्टर्स तौर मशहूर सिंधी सनेक पकोड़ा बि पालक कम आणिण सबब पालक जा पकोड़ा सड़ाया वञन था। अम्बन जी मुंद में पुलाव सायी भाजी अम्ब इहो केतरिन ई सिंधी घरन जो आम डिनर आहे।
साई भाजी / पालक -घुरिबल शयूं
पालक – टमाटा – बसर – चणन जी दाल – सावा मिर्च – पीठल धाणा – पीठल मिर्च – हैड्र – लूण – तेल
नोटु : उल्हासनगर जहिडन किन शहरन में पालक अकेली न मिलन्दी आहे पर हिते पालक ,सुआ, मेथी ऐं कुछ बियिन सावन पनन वारियिन भाजियिन खे मिलाये सायी भाजी मतलब पालक चयो वेन्दो आहे।
साई भाजी / पालक -ठाहिण जो तरीको
सायी भाजी ठाहिण शुरू करण खां किलाक खनु अगु चणन जी दाल पुसाये रखो।
पालक या सायी भाजिन खे धोई कटियो।
कुकर में थोरो तेल खणी बसर भुञिंयो पोय सायी भाजी चणन जी दाल बियूं शयूं विझी कुकर जो ढकु बंद कियो।
५-६ सीटियूँ वञन तायीं गरम कियो पोय बाहि घटि करे बिया कुछ मिनट कुकर बाहि ते रहण डियो।
हवा निकरण ते ढकु खोली चंगी तरह भाजी महिटियो।
तव्हां जी लज़तदार सायी भाजी तैयार आहे।