पदम श्री शेवक भोजराज
Introductory
सिंधी फ्रीडम फाइटर – बालिकन जी बारी – पदम अवार्ड – फेमस सिंधी समाज सेवी
पहिंजे धंधे जे लाडे ऐं विरसे वासिते मशहूर सिंधी कौम में इहो विरले थींदो आहे जे को शख्सु समाज सेवा ऐतिरे चाह सां करे ऐं ज़िंदगी जे मकसद जे नज़रिये सां डिसे जो पहिंजो सजो जीवन समाज सेवा में लगाये छडे। 1 ओक्टोबर 1906 ते लाड़काणे सिन्ध में जन्म वठण वारे ऐं फेमस सिंधी गांधियन अगुवान दादा शेवक भोजराज खे बारन जी संभाल ऐं आदिवासिन जी सेवा अहिड़ा अहमियत वारा समझ में आया जो हुन पहिंजी समूरी ज़िंदगी इन्हन कमन वासिते अर्पण करे छड़ी। दादा शेवक भोजराज जी हिन निसुवारथ समाज सेवा ऐं बालिकन जी बारी जहिड़ी कारायिती संस्था बरपा करण जी क़दरसानी कन्दे भारत सरकार खेसि 1983 में पदम श्री अवार्ड सां नवाज़ियो।
बायोग्राफी: दादा शेवक भोजराज
फ्रीडम फाइटर
इहो त लाड़काणे, सखर ऐं कराची में स्कूली सिखिया जे दौरान ज़ाहिर थी चुको हो त दादा शेवक भोजराज कुदरती डाति वारी शख्सियत आहे। शुरुआत खां ई संदस लाडो हिक रवाजी सिंधी खां जुदा हुओ। हिन जी ज़िंदगी ते नंढी उमिर में ई गांधियन विचारन जो चिट्रो ऐं गहिरो असर साफ नज़र अचे पियो। दादा शेवक भोजराज जन्म भूमी जी आज़ादी वास्ते गाँधी जी जे मुख़ालफ़त आंदोलन, नॉन कोऑपरेशन, किविट इंडिया मूवमेंट, नमक सत्याग्रह में बहरो वरतो ऐं खेस केतिरा ई भेरा क़ैद बि कयो वयो हो।
बालिकन जी बारी
दादा शेवक भोजराज महसूस कियो त साहित्य खे सिर्फ थियण वारन वाक़ियन जी तफ़सील ऐं इतिहास जी जाण जी हदुन रखण खां परे वंञी समाज में सुजागता पैदा करण ऐं सामाजिक विचारन खे मुनासिब सही राह ते आणिण जे साधन जे रूप में बि कमि आणे सघिजे थो। पहिंजे हिन विचार हेठि सिंधी बारन में सुठन संस्कारन जी पाड़ मज़बूत करण वास्ते सिंधी रिसालो गुलिस्तान शुरू कियो जेको तमाम थोरे वक़त में सिंधी बारन ऐं सिंधी कुटुंबन में पसंदीदा बणिजी पियो। बार सुठे वातावरण में, रांदियूं कन्दे सिखिया हासिल कनि इहो मकसद धियान में रखी दादा शेवक भोजराज 1923 बालिकन जी बारी जहिड़ी संस्था बरपा कयी। अगते हली यूनाइटेड नेशंस आर्गेनाईजेशन (UNO) बि बालिकन जी बारी जी भारत जी असिरायिती ऐं कामियाब बारन जी संस्था जे रूप में साराह कयी।
दादा शेवक भोजराज जे साहित्यिक लाडे जी पधिरायी वासिते, भारत जी आज़ादी जी हलचल खे धियान में रखी संदस लिखियल बिन सिंधी नॉवेल – आशीर्वाद [1933] ऐं दादा श्याम [1934] – खे मुनासिब सबूत तोर पेश करण ग़ैर वाज़िब न थींदो। इहे सिंधी नॉवेल दादा सेवक भोजराज जे साहित्यिक लाडे जो चिट्रायी सां इजिहार करण सां गडोगडु संदस जीवन ते गांधियन विचारन जे असर जो आईनो बि आहिन। महात्मा गाँधी जे डांडी नमक आंदोलन जे दौरान पोलिस जी लठुन सां ज़ख़्मी थियल हालत में न सिर्फ क़ैद कियो वयो पर ब्रिटिश सरकार संदस जायदाद ऐं प्रिटिंग प्रेस जबतु कन्दे सिन्ध छडे वञण जो हुकुम पिण डिनो।
मुंबई खार में थायींको थियण बैद दादा बालिकन जी बारी ते वधीक धिआनु डियण लगो। बारन जे ज़हनी वाधारे ऐं संस्था बाबत सामाजिक सुजागी वास्ते हिक अंग्रेजी मैगज़ीन पुप्ष बि शुरू कयी वयी जेका 1949 तायीं बादसतूर छपिजन्दी रही। 1950 में बालिकन जी बारी जी सिल्वर जुबली मलिहायी वयी इन प्रोग्राम में पंडित जवाहरलाल नेहरु मुख्य मेहमान तोर मौजूद हुआ ऐं गाडिहो गुलाब डयी उन्हन जो स्वागत कियो वियो हो। इहा तमाम थोरन खे जाण आहे त इन प्रोग्राम जे दौरान दादा शेवक भोजराज, नेहरु खे सूंह ऐं खुशबू वासिते गाडिहे गुलाब जी अहमियत बुधायी हुयी। चवन था त उन खां पोय गाडिहो गुलाब न सिर्फ नेहरु जी जो पसंदीदा गुल बणिजी पियो पर संदस पोशाक जो हिसो बि थी पयो।
आदिवासिन जे जीवन में सुधार
बालिकन जी बारी खां सिवाय दादा शेवक भोजराज, महाराष्ट्र जे पुठिते पयल हिसन में आदिवासिन जे जीवन में सुधार आणिण वासिते बि काफी कमु कयो। खास करे पहिंजी हयाती जे आखिरी डहाको सालन में हुन इन गालिह ते वधीक धिआनु डिनो हो। भारत में बारन जे ज़हनी, जिस्मानी ऐं सामाजिक विकास वासिते बालिकन जी बारी जहिड़ी संस्था बरपा करण वारे ऐं आदिवासिन वासिते कमु करण वारे हिन बेमिसाल समाज सेवक 1 मार्च 1988 ते हिन फानी दुनिया खां किनारो कियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.