Sindhi Pahaka 04

जहिड़ी करणी तहिड़ी भरणी : कियिल कमन / मेहनत जे हिसाब सां फलु भोगिणो पवन्दो आहे।  
जहिड़ी नियत तेहिड़ी मुराद  :  कमु जो फलु मुराद [भावना ] ते मदार रखे थो।
जहिड़ा कांग तहिड़ा बचा  :  औलाद माउ पीउ जहिड़ी थींदी आहे।
जहिड़ा खियाल तहिड़ा ख्वाब : माणुहू जी हलत संदस विचारन ते मदार रखे थी।
जहिड़ा साढ़ा ब तहिड़ा अढ़ाई : हिक गालिह खे बिन अलग अलग नमूनन में चवण 
जहिड़ो अनु तहिडो मनु  :  माणुहुअ जा विचार खाधे जी तासीर ते मदार रखन था।
जहिड़ो देसु तहिड़ो वेसु : वकत ऐं माहोल मूजिब हलत हलण
जहिड़ो लगे वाउ तहिड़ी डिजे पुठि : ज़माने जी हलत मूजिब पाण में बदिलाव आणिण  
जहिड़ो मुहं तहिड़ो मोचिड़ो : माणुहू जी लियाकत मूजिब हलण। 
जहिड़ो राजा तहिड़ी रयत : वड़न जी हलत जो असर नंढन ते थिये थो
जहिडो संग तहिडो रंग : तव्हां जी जिन सां दोस्ती आहे तव्हां उन्हन जहिडा थी वेन्दा।
जंग लड़न सिपाही खटे सिपहसालार : कम कनि हिकडा जसु मिले बियन खे।   
जंड्रू खणि त जंड्र गोरो पुडु खणि त पुड गोरो : कहिंजो बि पास खणण मतलब मुसीबत खे सडु डियण।
जीउ खुश त ज़हान खुश : जे तव्हां तंदरुस्त खुश आहियो त दुनिया बि खुशहाल महसूस थींदी। 
जहिं जे घर मेँ दाणा तहिंजा चरिया बि सियाणा : पैसे वारे बेअकुल खे  सियाणन जहिड़ो मानु मिलण ।
जहिं जी हले तहिं खे केर झले : ताकतवर जी मुखालफत करण मां फायदो कोन्हे।
जवन जो ढिगु ऐं गड़हु पहरेदार : चोर खे चौकीदार जो कमु डियण
जेड़ा भोग तेड़ा रोग : जितरो सुख जे साधनन जो उपयोग कबो ओतिरियूं बीमारियूं थियण जो अंदेशी हूंदो।
जेड़ा उठ तेडा लोड़ा :    जेतिरी वधीक जवाबदारी ओतिरो वधीक कमु।
जेड़ो पेटु तेड़ी ओझिरी : पहिंजी सलाहियत मूजिब कम करण।
जेको चुल्ह ते सो दिल ते : जेको पियो गडिजे सो पहिंजो महसूस थींदो आहे।
जेको डाढो सो गाबो : ताकतवर पहिंजी गालिह खे सही साबित करे थो।
जेको खेड़न्दो सो खिलन्दो : रांदिन ऐं सुठी सेहत बाबत चवणी   
जेको मुडियो सो जुडियो  : आण मञिण वारो बियन सां सवलायी सां जुडिजी सघे थो।
जेको रुसे उन जो हिसो सुसे  :  नाखुश माणुहू हथ आयल ख़ुशी विञाये विहे थो। 
जेसीं लालूअ खंयी लठि तेसीं पखी विया उड़ामी : फेसिलो करण में देर करण।
जिन जो हिते खपु तिन जो उते बि खपु  :  सुठन माणुहुन जी ज़रूरत हर हंद थिये थी। 
जिन में मण्या से लिकी विहन लोक में : काबिल ऐं ज्ञानवान इंसान पहिंजो पाण ओहदो न थो घुरे । 
जिन वास्ते मरियासीं से कमि न आया : दोस्तन जो डुखिये वकत में कम न अचण।
जेका न वंञजे वाट तहिं जी छो कजे तात : जहिं राह ते हलणो न हुजे उन बाबत पुछण बेकार आहे। 
जेके याद जागंदे सुते बि सेई : पहिंजा कडिहिं विसरन्दा नाहिन।
जेकी करे नाणो सो न करे राणो : पेसे जी ताकत कायदे जी ताकत खां बि वड़ी थिये।
जिते चाह उते राह : उदम करण जी तयारी रखो त राह मिली वेन्दी।
जिते गजं उते रंज : जतिरो वधीक पेसो हूंदो ओतिरो संभालिण जी तकलीफ बि वधीक हूंदी।
जिते हरु तिते घरु : धंधे जी जगह या दुकान जे पासे में रहण फायदेमंद थिये
जिते लोभी हुजन उते ढोंगी भुख न मरन  : लोभी इंसान खे ठगिण सवलो थींदो आहे।
जिते माखी उते मखि : लालच डयी माणुहू कठा करण सवलो आहे।
जिते नाहे वणु उते कान्डेरो बि दरख्तु : नंढे गोठ में घटि पढ़ीहियल लिखियल खे बि वड़ो ज्ञानी लेखियो वंञे।
जिते सौ उते सवाई : वड़े खरच खां पोय कियिल नंढे खरच सां फरक न पवण।
जेतिरी सवड तेतिरा पेर: पहिंजी सलाहियतुन मूजिब कमु करण घुरिजे।
जेतिरो कायदो ओतिरो फायदो :   जेतिरो नियमन सां हलबो ओतिरो ई फायदो मिलन्दो।
जोगु पचायिण : कहिं कम में महारत हासिल करण। 
जो खीर पिये सो वीर थिये : हीअ चवणी खाधे जी अहमियत समझायिण वास्ते कमु अचे थी।
जो वहे सो लहे : जेको मेहनत कन्दो उन खे फलु मिलन्दो।
जियरे बुख मारियो मुए सिराधु थो करे : जियरे बेइज़ती करण ऐं मरण खां पोय क़दुर करण।
जियरो हाथी लख जो मुओ त सवा लख जो : सियाणे या वड़े माणुहू जो क़दुर मुए पोय वधीक थिये।
ज़ुबान आहे नंढड़ी पर वाह जी गंढडी : नंढी हूंदे बि नाता जोड़िणिण ज़बान वड़ी अहमियत रखे थी।