पदम भूषण डॉ सुरेश आडवाणी
TSW Citation
कैन्सर स्पेशलिस्ट: पदम भूषण: मशहूर सिंधी डॉक्टर: भारत में हिमिटोपिओटिक स्टेम सेल ट्रांसप्लांटेशन जो पॉयोनियर
“हालतुन जे मुफ़ीद थियण जे इंतिज़ार में संतुष्ठ थी वेही रहण बदिरां, हालतुन खे मुफ़ीद बणायिण लाय कमु करण हमेशा बेहतर थींदो आहे। “
जे मुखे चयो वञे कि डॉ सुरेश आडवाणी बाबत पहिंजो रायो हिक लाइन में बुधायो त पक ई पक मां मथियीं लाइन चवन्दुम। तव्हां खे बुधी अज़ब लगन्दो त हिन शख्स जे जीवन जी शुरुआत ई दुखन ऐं तक़लीफ़ुन सां थी हुयी। 01 अगस्त 1947 ते कराची में जावल सुरेश जे कुटुंब खे देश जे विरहांङें सबब बार जे जन्म वठन्दे ई भारत अचिणो पयो। कुटुंब भारत अची मुंबई में घाटकोपर में रहियो। क़ुदरत खे बि शायद त सुरेश जी सलाहियतुन जी परीक्षा वठणी हुयी छो जो सिर्फ अठन सालन जी उमिर में सुरेश पोलियो जहिड़ी बीमारी जो शिकार बणिजी पयो।
डॉ सुरेश आडवाणी: जीवन सफ़रनामो
डॉ सुरेश आडवाणी जो जीवन सफ़रनामो – बायोग्राफी – इन गालिह जो बेहतरीन मिसाल आहे त जिसमानी घटितायी इंसान जे पके इरादे सामहूं मंज़िल हासिल करण जी राह लाय का रुकावट न साबित न थी सघंदी आहे। सुरेश घाटकोपर जे सिंधी माधियम स्कूल में पढ़ायी करण खां पोय सोममया कॉलेज मां ग्रेजुएशन कियो। संदस चाह ग्रैंड मेडिकल कॉलेज मां डॉक्टरी जी पढ़ायी करण जी हुयी पर इहो सिलसिलो सवलो न हो। छो जो शुरुआत में संदस जिसमानी घटितायी सबब कॉलेज एडमिशन डियण खां इंकार करे छडियो हो। इहो शायद बालपणे में पोलियो जो शिकार बणिजण वक़त संदस इलाज कन्दड़ डॉक्टरन सां गालिहियूं करण जे नतीज़े तौर सुरेश जो डॉक्टर बणिजण जो पैदा थियल जिद हो जो आखिर कॉलेज सुरेश खे एडमिशन डियण लाय रज़ामंद थियो। जे असां इहो धियान में रखूं त जंहिं वक़त सुरेश बीमार थियो हो उन वक़त भारत में पोलियो जहिड़ी बीमारी जे इलाज वासिते घणियूं सहूलियतूं हुयूं त असां खे सुरेश जे जिद जो अहसास चिट्री तरह सां थी सघंदो। हकीकत में इहो उहो वक़त हो जडहिं सुरेश जे अंदर इंसानियत जी सेवा करण जी जोति जली हुयी।
M.B.B.S. करण खां पोय सुरेश M.D. कयी ऐं Oncology (कैंसर जो इलाज) खे चूंडियो इन विषय ते अभियासु करण लाय तहिं वक़त मुल्क में तमाम घटि सहूलियतूं हुयूं । सुरेश Fred Hutchinson Cancer Research Centre, Seattle, Washington, USA, वयो जिते खेस 1990 जे नोबेल अवार्ड सां नवाज़ियिल Dr. E Donnall Thomas, जंहिखे bone-marrow transplantation जो पिता सडिजे थो, सां गडु कमु करण जो वझु मिलियो।
डॉ सुरेश आडवाणी पहिरियों शख्स आहे जहिं भारत में Bone Marrow Transplantation जी सहूलियत जो सजो बंदोबसतु कयो। हिन myeloid leukemia जी मरीज़ नवन सालन जी छोकिरी जो कामियाबीअ सां ऑपरेशन करे संदस भाउ जो bone marrow ट्रांसप्लांट करण जो जसु खटियो।
टाटा मेमोरियल अस्पताल में कमु कयल डॉ सुरेश आडवाणी हिन वक़त (2016) जसलोक हॉस्पिटल जे कैन्सर डिपार्टमेंट जो डायरेक्टर ऐं रहेजा हॉस्पिटल में कैन्सर डिपार्टमेंट जे डायरेक्टर जे कमु करे रहिया आहिन। डॉ सुरेश National Cancer Institute Washington जे प्रोजेक्ट acute Lymphoblastic leukemia project में chief investigator तौर ऐं Department of science and Technology जे chronic Lymphatic project में भी कमु करे चुका आहिन।
डॉ सुरेश ऐं संदस घरवारी गीता हिक NGO हेल्पिंग हैंड्स जा मुख्य ओहदेदार आहिन। इहा संस्था कैन्सर जे बीमारन जी संभाल कंदी आहे।
डॉ सुरेश आडवाणी - हासिल अवार्ड्स
2002: धनवंतरी अवार्ड ऐं पदम श्री
2005: Harvard Medical International पारां Oncology में लाइफ टाइम अचीवमेंट अवार्ड ऐं डॉ बी सी रॉय नेशनल अवार्ड मेडीकल कॉउन्सिल ऑफ़ इंडिया पारां
2012: पदम भूषण
2014: राष्ट्रीय क्रांतीवीर अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.