स्वामी ब्रह्मानंद
Introductory
वेदांत आचार्य स्वामी ब्रह्मानंद न सिर्फ प्रेम प्रकाश मंडल जा मशहूर सिंधी संत आहिन पर हिक संत कवी ऐं लेखक जे रूप में पिणु मशहूर आहिन। संदन लिखियल सिंधी भजन जो हिकु किताब ब्रह्मानंद भजन माला त छपिजी चुको पर उन सां गडु स्वामी जन पंहिजे गुरु स्वामी बसंत राम जा केतिरा ई किताब बि छपाया आहिन। सूरत शहर जी सिटी लाइट जहिड़ी ऐराजी में स्वामी ब्रह्मानंद जन प्रेम प्रकाश आश्रम बरपा कयो आहे। उहे काफी अरसे तायीं दिल्ली गेट अजमेर जे प्रेम प्रकाश आश्रम जी पिणु संभाल कंदा रहिया आहिन।
बायोग्राफी - स्वामी ब्रह्मानंद
सिंधी संत कवी – प्रेम प्रकाश मंडल – वेदान्त आचार्य – ब्रह्मानंद भजन माला
फेमस सिंधी संत, वेदांत आचार्य स्वामी ब्रह्मानंद प्रेम प्रकाश मंडल जे हाणोके समे जे सन्तन में पूज्यनीय लेखिया वेन्दा आहिन ऐतिरा जो बिया केतिरा संत त स्वामी जन खे पंथ जो हिमालय बि चवन्दा आहिन। स्वामी ब्रह्मानंद जो जन्म 14 जुलाई 1944 ते सिंध जे हिक नंढे गोठ खंडु में थियो हो। सन्दन माता जो नालो झिमीबाई ऐं पिता जो नालो वसंदमल आहे। इहे बयी स्वामी बसंत राम साहिब ते तमाम घणो विशवासु रखन्दा हुआ। उन समे जी – पहिंजो हिकु बार गुरु या दरबार खे डियण जी – रीत मूजिब हुनन हिन बालक खे संदस 11 सालन जी उमर में स्वामी बसंत राम महाराज खे डिनो।
1947 में मुल्क जे विरहांङें वक़त स्वामी बसंत राम सिंध छड़े भारत आया अजमेर में प्रेम प्रकाश आश्रम ठाहिरायो ऐं उते रहण लगा। इहो आश्रम मशहूर सूफी संत ख्वाजा मोईनुद्दीन चिश्ती जी दरगाह जे हिकदम वेझो दिल्ली गेट वटि आहे। स्वामी ब्रह्मानंद जी स्कूली तोड़े रुहानी सिखिया हले पयी। बोर्ड ऑफ़ सेकंडरी एजुकेशन राजस्थान मेरिट लिस्ट में पहिरियों नंबर अची हुन साबित कियो त हू हिक ज़हीन ऐं होशियार विद्यार्थी आहे। अगते हली स्वामी जन वेदांत दर्शन जे आचार्य जी पदवी हासिल कयी।
स्वामी बसंत राम जी रहबरी में हू रुहानी राह ते बि तेज़ी सां मंजिलूँ तय पियो करे ऐं आखिर में स्वामी जन ब्रह्मानंद खे सनियासु दीक्षा डिनी। स्वामी बसंत राम जे सुरगवासु खां पोय स्वामी ब्रह्मानंद अजमेर प्रेम प्रकाश आश्रम सम्भालिन पिया।
स्वामी ब्रह्मानंद जन जो पको ऐं मज़बूत विशवास आहे त सामाजिक कमन ते धियान डियण ऐं आध्यात्मिक विकास इहे बयी गडोगडु ऐं सागे वक़त मुमकिन आहिन। 1981 में उन्हन स्वामी ब्रह्मानंद सेवा ट्रस्ट बरपा कियो। इहा हिक चेरीटेबल संस्था आहे जेका बियन खे खास करे पुठिते पियल घुरजाउन खे तंदरुस्ती, पढ़ायी ऐं सामाजिक वाधारे में मदद करे थी।
स्वामी ब्रह्मानंद न सिर्फ स्वामी बसंत राम जे 1949 में ठाहिरायिल प्रेम प्रकाश आश्रम खे नवों रंग रूप डयी आश्रम जे विस्तार जो कमु शुरू कियो पर गुजरात जे सूरत शहर जे सिटी लाइट जहिड़े शानदार इलाके में हिकु नवों प्रेम प्रकाश आश्रम बरपा कियो। सतगुरु स्वामी भगत प्रकाश महाराज, गुजरात जे राजयपाल श्री नवल किशोर शर्मा जी मौजूदगी में जून 2005 में इन आश्रम जो उदघाटन कियो आहे। बाहिरां अजमेर अीन्दड श्रध्दालुन जे रहण जी सहूलियत वासिते स्वामी ब्रह्मानंद जन बसंत विहार विश्राम गृह पिणु ठाहिरायो आहे।
स्वामी ब्रह्मानंद जन न सिर्फ वेदांत जा माहिर विद्वान, प्रेम प्रकाश मंडल जा मशहूर संत, आध्यात्मिक गुरु आहिन पर हू संत कवी ऐं लेखक बि आहिन। हुनन स्वामी बसंत राम जा लिखियिल केतिरा किताब आम इंसान खे सवलायी सां समझ में अीन्दड भाषा में वरी लिखिया आहिन। संदन सिंधी ऐं हिंदी भजन जो किताब “ब्रह्मानंद भजन माला ” बि छपिजी चुको आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.