सतगुरु स्वामी देव प्रकाश
Introductory
प्रेम प्रकाश मंडल जे सभ खां वधीक मशहूर संत सतगुरु स्वामी शांती प्रकाश महाराजन जे बरपा कियिल उल्हासनगर प्रेम प्रकाश आश्रम जे गदेसर फेमस सिंधी संत ऐं वेदांत आचार्य स्वामी देव प्रकाश महाराज जो जन्म 01 जनवरी 1938 ते लाडकाणो सिंध में थियिल आहे। तुलसीबाई ऐं हुकूमतराय आहूजा स्वामी जन जा माउ पीउ आहिन। स्वामी जन जो जन्म नालो सनमुखलाल आहे। 1947 में जहिं समे मुल्क जो विरहांङो थियो तहिं समे बियन लखन सिंधियिन कुटुंबन वांगुर हुकूमतराय आहूजा जो परिवार बि लाचारी में सिंध छड़े भारत आयो। उन्हन मुंबई ठाणे जे वेझो उल्हासनगर में रहण पसंद कियो।
बायोग्राफी - स्वामी देव प्रकाश
प्रेम प्रकाश मंडल जा संत – फेमस सिंधी संत – वेदांत आचार्य
बालक सनमुख खे स्कूली तैलीम वासिते उल्हासनगर जे एस इ एस हाय स्कूल में दाखिल करायो वियो जिते हुन हिंदी ऐं संस्कृत सिखण में त चाहु डेखारियो पर पास थियण खां पोय बि पढ़ायी में पूरो धिआनु कोन पयो डिये। इन गालिह करे माउ पीउ चिंता में पयजी विया। तुलसीबाई तोड़े हुकूमतराय बयी स्वामी शांती प्रकाश जा भगत हुआ सो उन्हन पहिंजी चिंता स्वामी जन खे बुधाये को उपाय करण जी वेनंती कयी। स्वामी शांतीप्रकाश जन जी सलाह ऐं चवण ते बालक सनमुख खे गुरु सेवा वास्ते उल्हासनगर जे स्वामी टेऊँराम आश्रम में छड़े आया।
बालक सनमुख आश्रम में रहन्दे दिल सां ऐं पूरो पूरो धियान डयी स्वामी जन जी सेवा करण लगो जल्दु ई स्वामी जन खे बालक जी हिंदी ऐं संस्कृत सिखण जी चाह जी खबर पयी। स्वामी शांतीप्रकाश जन फेसिलो कयो बालक सनमुख खे बनारस मोकिले खेस हिंदी ऐं संस्कृत सां गडु हिंदू धर्म ग्रन्थन जे अभियास जो मोको डियण घुरिजे। पूरा अठ साल सनमुखलाल बनारस में रही पढ़ायी कयी जडहिं मोटियो त हू न सिर्फ हिंदी ऐं संस्कृत में माहिर हो पर हुन वटि वेदांत आचार्य जी पदवी बि हुयी।
उल्हासनगर आश्रम मोटी अचण खां पोय सनमुखलाल खे वक़त बि वक़त सतसंग में धर्मिक विषयन ते प्रवचन करण जा मोका मिलण लगा। 1978 जे आसपास स्वामी शांतीप्रकाश जन न सिर्फ हिन जो नालो संत देव प्रकाश रखियो पर पाण सां गडु अलग अलग शहरन में वठी वञन शुरू कियो। केतिरन हंदन ते सतसंग करण जो मोको बि डिनो। 1992 में स्वामी शांतीप्रकाश जन जे सुरगुवास खां पोय उल्हासनगर आश्रम ऐं स्वामी शांतीप्रकाश जन जे शुरू कयल सामाजिक कमन जी जवाबदारी संत देव प्रकाश ते आयी। गुरु गदी ते विराजमान थियण खां पोय उहे स्वामी देव प्रकाश जे रूप में मशहूर थिया।
हिन वक़त स्वामी देव प्रकाश संत टेऊँराम आश्रम, श्री राधेश्याम गो शाला, जनता जनार्दन परिषद, सुंदर सेवक सभा, सुरग धाम शमशान भूमी ऐं योग केंद्र जहिडिन स्वामी शान्ती प्रकाश जूं शुरू कियिल संस्थाउन जो कमु संभाले रहिया आहिन। हुनन स्वामी शांतीप्रकाश आश्रम ट्रस्ट ऐं स्वामी शांतीप्रकाश प्राकृतिक चिकित्सालय बरपा किया आहिन। इहो स्वामी देव प्रकाश महाराज जन जी होसिला अफ़ज़ाई जो नतीज़ो आहे जो गांधीनगर कोल्हापुर जे श्रद्धालुन आम माणुहुन जी सहूलियत वास्ते पंचगंगा नदी ते स्वामी शान्ती प्रकाश घाट ठाहिरायो आहे।
पहिंजे गुरु जी इच्छा पूरी कन्दे स्वामी देव प्रकाश जन श्रद्धालुन जे रहण वास्ते वाराणसी में गोपाल कृष्ण मंदिर ऐं विश्राम गृह जे नाले सां हिक आलिशान बिल्डिंग अडाई आहे। स्वामी देव प्रकाश सादे जीवन जो मिसाल आहिन। सन्दन दिल में गरीब गुरबन ऐं घुरजाउन वास्ते दया जी का कमी कोन आहे।
हिन सिंधी वेबसाइट www.thesindhuworld.com ( Virtual Home of Global Sindhi Community) जो उदघाटन स्वामी जन पहिंजे हथन सां 29 अगस्त 2006 में गांधीनगर कोल्हापुर में कयो आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.