वासुदेव सिंधु भारती
सिंधी बाल साहित्य: जयपुर त्रिमूर्ती
सिंधी साहित्य जे वाधारे में डिनल योगदान ऐं सिंधी सांस्कृतिक वरसे जे फैलाव वासिते मशहूर वासुदेव सिंधु भारती सिंधी साहित्य जी जयपुर त्रिमूर्ती जो हिसो आहे। सिंधी भाषा में बाल साहित्य जो सिरजन करण ऐं स्टेज आर्टिस्ट तोर सिंधी सभ्यता जे वाधारे जे रुख में कमु करण वारे वासुदेव सिंधी अदबी पत्रिका सुहिणी जे एडिटर तोर पिणु कमु कयो आहे। भारत में सिंधी बाल साहित सिरजन सुजागी अयं वाधारे जी सिमत में डिनल योगदान लाय श्री वासुदेव सिंधु भारती खे 2014 बाल साहित पुरसकारी डयी कदुरशिनासी कयी।
वासुदेव सिंधु भारती - वाकफियत
सिंधी लोक कहाणियूं: स्टेज आर्टिस्ट: सिंधी लेखक
09 नवंबर 1938 ते जनम वठण वारो वासुदेव सिंधु भारती चाहे फ़क़त स्कूली तैलीम हासिल कयल आहे पर राजस्थान जी सिंधी भाषा ऐं सिंधी साहित्य वासिते थियल हलचल जी जयपुर त्रिमूर्ती जो हिक अहम हिसो आहे। त्रिमूर्ती जा बिया चेहरा सुंदर अगनानी ऐं लछ्मण भम्भाणी आहिन। सिंधी बाल साहित्य सिरजन में महारत रखण सबब खेसि त्रिमूर्ती जो बाल चेहरो बि चयो वेन्दो आहे। भारती साहिब बारन वासिते 200 खां बि वधीक सिंधी कहाणियूं ऐं लेख लिखिया आहिन। सिंधी बाल साहित्य सिरजन में संदस महारत इन गालिह मां बि ज़ाहिर थिये थी त संदस छपियल बयी किताब इंडलथ (1983) ऐं नयीं रोशनी (1989) सिंधी बाल कहाणी संग्रह आहिन।
सिंधी भाषा सां गडु वासुदेव खे हिंदी भाषा जो पिणु बेहतरीन ज्ञान आहे। सिंधी सभ्यता सिंधी वरसे ते संदस हिंदी भाषा में लिखियल लेख मकानी अखबारुन ऐं अदबी रिसालन में छपिजंदा रहन्दा आहिन। सिंधी साहित्य जे वधारे में वासुदेव सिंधी लोक कहाणियूं ऐं राजा दाहिरसेन जहिडिन ऐतिहासिक सिंधी शख़्सियतुन बाबत हिंदी भाषा में लिखी पिणु योगदान डिनो आहे। हुन कुझु स्टेज नाटकन में अदाकारी बि कयी आहे।
31 अक्टूबर 2024 ते सिंधी लेखक, साहितकार चितरकार दादा श्री वासुदेव जी सिंधु भारती जिँदगीअ जो सफर पूरो करे हिन फानी संसार मां चालाणो कयो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.