जस्टिस विजया टहिलरामानी
सिंधी औरत - सिंधी जज - सामाजिक बदिलाव - सिंधी समाज
भारत जे विरहांङें वक़त जवान थिएल मतलब 1947 खां काफी समो अगु सिंध में जावल सिंधियन वासिते इहो अज़ब जो विषय थी सघे थो त हिक सिंधी औरत विजया कमलेश टहिलरामानी भारत जे डखण हिसे जे राज्य तमिलनाडु में मद्रास हाई कोर्ट जी चीफ जस्टिस आहे। हिक सिंधी औरत जो जस्टिस थियण न सिर्फ सिंधी औरत जी तरकी जी निशानी आहे पर इहो सिंधी समाज में आयल सामाजिक बदिलाव पिणु डेखारे थो।
विजया कमलेश टहिलरामानी - वाकफियत
3 ओक्टोबर 1958 ते महाराष्ट्र जे नामवर वकील श्री एल वी कापसे जे घर धीउ जे रूप में जन्म वठण वारी विजिया जी शादी कमलेश टहिलरामानी सां थिएल आहे। 17 जुलाई 1982 में महाराष्ट्र ऐं गोवा जी बार कॉउन्सिल खां वकालत जी सनद हासिल करे विजया पीउ जी ऑफिस में वकालत शुरू कयी। शुरुआती डीन्हन में विजिया Criminal, Constitutional & Civil matters सां लागापो रखण वारन मामलन में सेशन कोर्ट ऐं बॉम्बे हाई कोर्ट में बतोर वकील ज़िरह कयी पर कुझु वक़त खां पोय हुन Criminal law ते वधीक धियान डयी पाण खे इन खेतर में तरबेज वकील जे रूप में मशहूर करण में कामियाबी हासिल कयी। विजया जे तैलीमी खाने में B.A.(Hon.), LL.M. लिखियिल नज़र अचे थो।
भारत जे कानून जे अलग अलग कायदन जे उनिहे ज्ञान ऐं ज़िरह करण जे असिरायिते तरीके सबब आम माणुहुन में विजिया टहिलरामानी क्रिमिनल तोड़े सिविल केसन वास्ते काबिल वकील जे रूप में शोहरत हासिल करण में कामियाब थी। विजया मुंबई जे मशहूर के सी लॉ कॉलेज में बतोर पार्ट टाइम प्रोफेसर पिण कम कियो आहे। संदस क़ाबिलियत ऐं मेहनत जे नतीज़े तोर खेस बॉम्बे हाई कोर्ट में सरकारी वकील मुकरर कियो वियो।
26 जून 2001 ते विजया टहिलरामानी खे बॉम्बे हाई कोर्ट में एडिशनल जज तोर त 3 ओक्टोबर 2004 ते परमानेंट जज जे ओहदे ते मुकरर कियो वियो। बॉम्बे हाई कोर्ट जे चीफ जस्टिस मोहित शांतिलाल शाह जे रिटायरमेंट वठण ते 03 सेप्टेम्बर 2015 ते सागी कोर्ट में एक्टिंग चीफ जस्टिस जो ओहदो मिलियो।
सुप्रीम कोर्ट जे कॉलेजियम [जज मुकरर करण वारी कमेटी] जहिं में चीफ जस्टिस दीपक मिश्रा सां गडु जस्टिस रंजन गोगई ऐं जस्टिस मदन लोकुर शामिल हुआ 20 जुलाई 2018 ते विजया टहिलरामानी खे मद्रास हाई कोर्ट जे चीफ जस्टिस जे ओहदे ते मुकरर करण जो फेसिलो ज़ाहिर कियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.