वाशिम

वाशिम सिंधी समाज जी एकता ऐं सहयोग जी भावना जी बुनियाद ऐं बेहद मज़बूत आधार हुआ टिल्लूमल रामनदास जीवनानी इहो सामाजिक कमन वासिते खेनि मिलियल मानु हुओ जो शहर जे हर वड़े नंढे सिंधी लाय हू काका हुआ। सिंध मां लड़े अची वाशिम में थाईंको थियण खां पोय काके जन टिल्लूमल रामनदास नाले सां किराणे जो दुकान शुरू कयो जेको अज़ु बि हले थो ऐं शहर जे नामवर ऐं भरोसेमंद दुकानन में शामिल आहे। शहर जे बुजिरगन खे यादि आहे त 1950 जे धारे जहिं समे हर सिंधी किलेम वासिते जफ़ाकशी करे पयो उन वक़त बि काके टिल्लूमल जो ज़ोर ऐं कोशिश समाज जी एकता वासिते हुयी। काके जन समाज जे धार्मिक तोड़े सामाजिक वाधारे वासिते सिंधी कॉलोनी में न सिर्फ गुरुद्वारो ठाहिरायो पर पंचायत बि वज़ूद में आंदी। सिर्फ सिंधी समाज न पर वाशिम शहर जे सामाजिक जीवन में बि संदन योगदान रहंदो हुओ। काको टिल्लूमल जनता बैंक जा मेंबर हुजण सां गडु नगर परीषद जा कौंसिलर बि रहिया हुआ। काके जन जो सपनो हुओ त सिंधी कॉलोनी में आलीशान सिंधी गुरुद्वारो ऐं सिंधी धर्मशाला ठहे पर भाणे जे लिखियल मूजिब काको 02 फरवरी 2012 ते परलोक पधारियो।