कीरत बाबानी
TSW Citation
फेमस सिंधी – लेखक – अख़बार नवीस – राजनेता -फ्रीडम फाइटर – साहित्य अकादमी अवार्ड 2006
कीरत बाबानी अहिड़ो इंडियन सिंधी लेखक आहे जेको सिंधी साहित्य जी मकबूल शख्सियत हूंदे बि हिक अख़बार नवीस, सिंधी राजनेता ऐं फ्रीडम फाइटर तोर काफी वधीक मशहूर आहे। आज़ादी जी हलचल दौरान किविट इंडिया ऐं बियन आन्दोलन दौरान केतिरा भेरा गिरफतार थियल कीरत विरहांङें खां पोय भारत अचण जी भेट में सिंध खे तरज़ीह डिनी हुयी पर पोय लाचार भारत अचण ते हुन सिंधी भाषा खे भारतीय संविधान में शामिल करण वारिन हलचलुन में अहमियत वारो किरदार निभायो। अखिल भारत सिंधी बोली ऐं साहित सभा जो 18 साल अध्यक्ष रहन्दे कीरत बाबानी न सिर्फ नंवंन सिंधी साहित्यकारन जी रहबरी कयी पर भारत में सिंधी भाषा, सिंधी साहित्य जे वाधारे में तोड़े सिंधी सभ्यता जी महफ़ूज़ी जे रुख में लासानी योगदान डिनो। टीम TSW फ़खुर सां कीरत बाबानी जे अदबी ऐं सामाजिक जीवन जी जानकारी शेयर करे थी।
बायोग्राफी - कीरत बाबानी
कीरत बाबानी जी जन्म 03 जनवरी 1922 ते सिंध जे नवाबशाह जिले जे मोरो लखो गोठ में थियो हो संदस पिता जा नालो श्री चोइथराम हो। उन वक़त कीरत जी उमिर सिर्फ चार साल हुयी जो संदस पिता जो स्वर्गवास थियो ऐं संदस कुटुंब खे नवाबशाह अची रहणो पियो। कीरत खे स्कूली सिखिया वासिते विल्स हाय स्कूल में दाखिल करायो वियो। इन स्कूल में संदस उस्ताद (सेखारिण वारा टीचर) हुआ श्री रोचीराम थावाणी ऐं श्री आसनदास बिजलानी। कीरत रिवायती तैलिमी सिखिया सां गडु देश भगिती, रांदियुन, नाटक कला ऐं साहित्य जी सिखिया बि हासिल कयी। कीरत मैट्रिक में हो जहिं वक़त हुन “फॉरवर्ड स्टूडेंट यूनियन” बरपा करे महात्मा गांधी जी शुरू कियिल “भारत छड़ियो” (Quit India)] हलचल में बहरो वरतो।
मुल्क खे अंग्रेजन जे राज खां आज़ादी मिलण खां अगु वारे अरसे में कीरत बाबानी केतिरा ई भेरा गिरफतार थियो। जेल में हिन जी मुलाकात डॉ हासाराम रावतानी, किशिन गुरनानी, गुलाब भागवानी ऐं सोभो ज्ञानचंदानी जहिडियिन केतिरिन नामवर राजनेता ऐं सिंधी शख़्सियतुन सां थी। जेल में ई कीरत खे “इंट्रोडक्शन टू सोशलिज्म ” उनवान वारो किताब मिलियो जहिं संदस ज़िन्दगीअ में इन्किलाबी बदिलाव आन्दो। कराची जे डी जे सिंध कॉलेज में पढ़ायी करण वक़त कीरत खे “आज़ाद ” अख़बार में पार्ट टाइम कमु करण जो मोको मिलियो।
1945 में कीरत “आल सिंध स्टूडेंट ” जो जनरल सेक्रेटरी बणियो ऐं पहिंजे डेलीगेशन जे नुमाइन्दे ऐं अगुवान तोर “आल इंडिया स्टूडेंट फेडरेशन ” जे इजलास में शामिल थियण दिल्ली आयो हो। सोशलिज्म डान्हुँ लाडो रखन्दड लेखकन जी संस्था “अदबी किलास ” जी मीटिंग जे दौरान कीरत जी मुलाकात गोबिंद माल्ही, नारायण श्याम, आनंद गोलनी, सुगन आहूजा, गोबिंद पंजाबी, कृष्ण खटवानी ऐं बियन केतिरिन नामवर अदबी शख़्सियतुन सां थींदी रहन्दी हुयी। कीरत बाबानी जी पहिरियीं कहाणी “जिलेब्युन जो चोर ” जहिं “नयी दुनिया ” नाले वारी सिंधी मैगज़ीन में छपी तहिंजो एडिटर गोबिंद माल्ही हो। मुल्क जे विरहांङें वक़त कीरत बाबानी भारत लड़े अचण जी जगह ते सिंध में ई रहण खे पसंदगी डिनी हुयी पर 06 जनवरी 1948 ते कराची में थियिल बलवे खां पोय न सिर्फ कीरत खे गिरफतार कियो वियो पर पाकिस्तान सरकार मुल्क छड़िण लाय बि मज़बूर कयो।
लाचार थी कीरत बाबानी मई 1949 में मुंबई पहुतो। हिते कीरत न सिर्फ पहिंजी बी ए जी पढ़ायी पूरी कयी पर एल एल बी जी डिग्री पिण हासिल कयी। सिंधी बोली ऐं लिपि कमेटी जे झंडे हेठि सिंधियत हलचल में शामिल थियो। अगते हली कीरत सिंधी साहित मंडल सां जुडियो। इहो उहो वक़त हो जहिं अरसे में कीरत जी शादी सविता सां थी। 1972 में कीरत बाबानी अखिल भारत सिंधी बोली ऐं साहित सभा जो अध्यक्ष बणियो। 18 साल इन ओहदे ते रहन्दे हिन सिंधी कौम, सिंधी बोली ऐं सिंधी साहित्य सेवा कयी।
कीरत बाबानी खे पहिंजी अदबी जीवन जे दौरान 15 किताबन लेखक हुअण जे मान सां गडु केतिरन अवार्ड सां नवाज़ियो वियो हो। केतिरिन ई अदबी तोड़े सामाजिक सिंधी संस्थाउन में घुराये संदस सत्कार कयो वयो हो। 07 मई 2015 ते मुंबई में हिन जो स्वर्गवास थियो।
अदबी योगदान - लिखियिल किताब
पहिंजे लम्बे कामियाब अदबी सफर जे दौरान कीरत बाबानी केतिरा ई किताब लिखिया आहिन जिन मां “धरतीअ जो सडु ” इन उनवान वारे किताब वास्ते खेस 2006 में अकादमी अवार्ड मिलियो हो। कीरत बाबानी जा कुछ बिया चूंड किताब आहिन:
2000 – लिकयो लियाका पाएँ
1998 – कुछ बुधायुम कुछ लिकायुम [आत्मकथा]
1987 – असीं सभु नंगा आहियूं
1982 – अबोल राणी
1981 – जेको डिठो हो मूं
1972 – सूरीअ सडु कयो
Books Window
कीरत बाबानी - अवार्ड
साहित्य अकादमी अवार्ड (सिंधी भाषा): 2006
किताब जो उनवान: धरतीअ जो सडु
बिया अवार्ड
1980 – सोवियत लैंड नेहरु पीस अवार्ड
1982 – भारत सरकार जे तैलीमी खाते पारां अवार्ड
1986 – अखिल भारत सिंधी बोली ऐं साहित सभा पारां साहित्यिक योगदान लाय अवार्ड
1987 – महाराष्ट्र सिंधी साहित्य अकादमी पारां अवार्ड
1992 – भारतीय भाषा परिषद पारां अदबी अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.