प्रभु वफ़ा
Introductory / TSW Citation
प्रभु जोतूमल छुगानी – फेमस सिंधी कवी – पंजकडा – साहित्य अकादमी अवार्ड 1981
बियन भाषाउन वांगुर सिंधी भाषा में बि नज़म, ग़ज़ल, गीत, बेतु, रुबाई वगैरह जहिडियिन रिवायती हिसन या किसमन जो मेडु आहे। दर असल जहिं खे नज़म या कवीता चयिजे थो सा शख्स जी भावनाउन जो उफान आ जेको हिक रिथायिते नमूने लिखियिल लफज़ी इजिहार आहे। फेमस सिंधी कवी प्रभु वफ़ा सिंधी नज़म में भावनाउन जे इन उफान खे ज़ाहिर करण वास्ते अलफ़ाज़न जी हिक नयी रिथा सामहूं आंदी जहिं खे हुन नालो डिनो “पंजकडा।”
पंजकडा हिक पंजन सिट्रिन वारी तरतीब आहे। प्रभु वफ़ा मूजिब पंजकड़न में ग़ज़ल जो मिठो नरम ऐं मखमली अहसास त आहे ई पर गडोगडु रुबाई जी उनिहायी बि शामिल आहे। हिक पंजकडे में पहिरियीं ऐं पंजी सिट्र सागी थिये – बी ऐं ट्रियीं सिट्र – ऐं – पहिरियीं ऐं चोथीं सिट्र हमकाफ़िया हुअण घुरिजन। 1980 में छपियिल प्रभु वफ़ा जे किताब “सुरख गुलाब ऐं सुरिहां ख्वाब” में पंजकड़न जो बखूबी इस्तेमाल थियिल हो। इन किताब वास्ते 1981 में प्रभु वफ़ा खे सिंधी भाषा जे साहित्य अकादमी अवार्ड सां नवाज़ियो वयो हो। सिंधी अदब जे हिन बेहतरीन शायर, नामवर कवी खे श्रध्दाजंली तोर टीम TSW हिकु पंजकड़ो पेश करे थी। (रंगीन अखर प्रभु वफ़ा )
डयी सूखड़ी पंजकडन जी प्रभु वफ़ा त हलन्दो थियो
सिजु लहण ते आहे डिसी सुरख गुलाब ऐं सुरिहां ख्वाब सरगम थिया
डिसी परवाज़ आज़ाद सचल जो, आईना ऐं अकस बि वायिडा थिया
तूं सागर मां लहर, बुधायो सचु कंहिं इहो अखर चयो
डयी सूखड़ी पंजकडन जी प्रभु वफ़ा त हलन्दो थियो
बायोग्राफी - प्रभु वफ़ा - प्रभु जोतूमल छुगानी
प्रभु वफ़ा जो जन्म 19 सितम्बर 1915 ते लाड़काणे में थियो हो। उन्हन डीहंन में इहो शहर मतलब लाडकाणो गायींन्दड पखियिन जे घर तोर मशहूर हो। 1930 में सिंधी अदब जा मशहूर नाला नियाज़, महमूद खादिम ऐं अली मोहमद कादरी वगेरह हिक मुशायिरे में शरीक थियण वास्ते लाड़काणे में आया हुआ। उहे सभु मोतिबर शायर हिक पंदरहन सालन जे छोकिरे खे मुशायिरे में ग़ज़ल पेश कन्दो डिसी अज़ब में पयजी वया। न सिर्फ ग़ज़ल वासिते अखर चूंड बेमिसाल हुयी पर पेश करण जो तरीको पिणु लाजवाब हुओ सो सभई हिन छोकिरे जी सलाहियतुन ऐं क़ाबिलियत जा कायिल थी वया। इहो छोकिरो बियो केर न पर प्रभु वफ़ा हो।
1947 में देश बिन हिसन में विराहिजी वयो ऐं मज़बूरी में भारत लड़े आयल प्रभु मुंबई यूनिवर्सिटी मां 1938 में पंहिंजो ग्रेजुएशन पूरो कयो। उन खां अगु जी तैलीम या स्कूली सिखिया हुन लाड़काणे जे सरकारी स्कूल ऐं कराची जे डी जे सिंध कॉलेज में हासिल कयी हुयी। ग्रेजुएशन पूरो करण खां पोय खेसि भारत जी मरकज़ी सरकार में नोकरी आशी वयी ऐं नतीज़े तोर हुन भारत सरकार में ऑफिसर तोर रिटायरमेन्ट वरती।
अंग्रेजी जी हिक चवणी मूजिब सुठी शुरुआत मतलब थींदो आहे अधु कमु पूरो थियण। बेमिसाल सिंधी कवी प्रभु वफ़ा जे साहित्यिक जीवन जी शुरुआत उन इतिफ़ाक़ या हंद ता थी जितां हू तरकीअ जी राह ते अगते वधण में का बि मुशकिलात महसूस कोन करे। जे प्रभु जे बालपणे जो धिआनु कजे त प्रभु जे सिंधी नज़म जे हिन बेमिसाल चाह जो सबब समझ में अचण डुखियो न आहे। संदस पिता दीवान जोतूमल ज्ञानचंद छुगानी पेशे खां वकील हूंदे बि शायरी जो दीवानो हो सिंधी नज़म लाय त हुन जे प्यार जी हद ई कोन हुयी। मतलब घर जो माहोल शेरो शायरी ऐं सिंधी नज़म लाय मुफ़ीद हो। हाणे जे अहिड़े माहोल में पलियिल निपायिल प्रभु हिकु अज़ीम कवी बणियो त कहिड़े अज़ब जी गालिह आहे।
छुगानी कुटुंब नियम सां साल में ब भेरा मशहूर सूफी संत, वेदांत जे माहिर ऐं हरदिल अज़ीज़ कवी “रोहल फ़क़ीर ” जी दरगाह ते वेन्दो हो। इन इतिफ़ाक़ प्रभु खे सूफिज्म जी हकीकी मायना समझण में मदद कयी। खेसि इहो बि समझ में आयो त आमु इंसान आयिन्दे बाबत कहिडो विचार करे थो। इन आज़मूदे प्रभु खे पहिंजी कविता में आम माणुहुन जी भावनाउन जा रंग भरे, हरदिल अज़ीज़ ऐं कामियाब कवी थियण में मदद कयी।
सिंधी अदब जा विद्वान प्रभु जूं लिखियिल कविता / नज़म जी साराह करण सां गडु मुशायरन में पढ़िहण लगा। हिन जा लिखियिल गीत रेडियो ते बि बुधिया वञण लगा। प्रभु जो भाउ रतन ऐं भेण कमला जलसन में प्रभु जा लिखियिल गीत गायीन्दा हुआ। साल 1942 में हिन जी शादी सुधा सां थी।
इहा प्रभु जी लेखणी जी तासीर हुयी जो संदस शहर लाडकाणे जा अज़ीम शायर किशनचंद बेवस ऐं राष्ट्रीय कवी हूंदराज दुखायल बि प्रभु जा मुरीद थी पया। हरी दरयानी “दिलगीर ” जे अखरन में के विरला आहिन जिन जे अदबी योगदान जी भेट प्रभु जे सिंधी नज़म, सिंधी भाषा खे डिनिल योगदान सां करण मुमकिन आहे। प्रभु जी कविता में संदस सिंधी भाषा वासिते पियारु त आहे ई पर हिन जे खियाली तसवुअर जो को सानी कोन आहे।
17 दिसंबर 2012 ते मुंबई में प्रभु वफ़ा जो सुरगवासु थियो।
अदबी योगदान - लिखियिल किताब
सिंधी साहित्य खे प्रभु वफ़ा जो पंजकड़न जे रूप में डिनिल योगदान सदियिन तायीं याद रखियो वेंदो। प्रभु वफ़ा जे लिखियिल कुछ चूंड किताबन जी लिस्ट
सिजु लहण ते आहे [1999]
आईना ऐं अकस [1994]
तूं सागर मां लहर [1993]
मां अजल जी उंञ आहियां [1990]
सुरख गुलाब ऐं सुरिहां ख्वाब [1980]
परवाज़ [1962]
झंकार [1958]
Books Window
प्रभु वफ़ा - अवार्ड
साहित्य अकादमी अवार्ड (सिंधी भाषा): 1981
किताब जो उनवान: सुरख गुलाब ऐं सुरिहां ख्वाब (कविता संग्रह)
बिया अवार्ड
ऐ जे उतम अवार्ड (अखिल भारत सिंधी बोली ऐं साहित सभा जयपुर: 2007
लाइफ टाइम अचीवमेन्ट अवार्ड (सिंधी अकादमी दिल्ली): 2004
लाइफ टाइम अचीवमेन्ट अवार्ड (प्रियदर्शनी अकादमी): 1998
लाइफ टाइम अचीवमेन्ट अवार्ड (महाराष्ट्र सिंधी साहित्य अकादमी): 1992
महाराष्ट्र गौरव पुरस्कार: 1990
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.