वासदेव मोही
TSW Citation
1999 में सिंधी भाषा वासिते साहित्य अकादमी अवार्ड सां नवाज़ियिल वासदेव मोही हिकु भेरो वरी साबित कयो त सिंधी अदबी उफ़क़ कडिहिं बि रोशन सितारन जी मौजूदगी खां महरुम न रहियो आहे। सिंधी अदबी दुनिया में वासदेव मोही पंहिंजन विचारन जे चिट्रे साफु इजिहार वासिते तोड़े आम सिंधी खे समझ में अचन अहिड़न अखरन जे कमि आणिण वासिते मशहूर आहे। इहो चयो वेन्दो आहे त वासदेव मोही आज़ाद भारत जे सिंधी साहित्यकारन जी पहिरियीं पीढ़ी जो आइकॉन (सुञाणप जी निशानी ) आहे हकीकत में डिसजे त इहो लक़ब वासदेव मोही पंहिंजी रचनाउन जी गहरायी सां कमायो आहे। जेतोणिक खेस साहित्य अकादमी अवार्ड कविता संग्रह बर्फ जो ठहियिल वासिते मिलियो वयो आहे पर हकीकत इहा आहे त सिंधी अदबी आसमान में उन्हन जे योगदान खे कन्हि हिक उफ़क़ ताईं महदूद समझण /चवण सही न आहे। कहाणियूं हुजन या नुक़तचीनी निगाह या वरी मज़मून हरि हिक अदीब उफ़क़ में हिन साहिब जो योगदान लासानी ऐं लेखे जोगि आहे। टीम TSW हिन अमोलक साहित्यिक सितारे जी लम्बी सेहतमंद उमिर जी कामना कन्दे चवण चाहे थी (रंगीन अखर वासदेव मोही जे लिखियल किताबन जा उनवान आहिन)
बर्फ जो ठहियिल माणुहू पुछे सुतल आत्मा खां थो सुबूह किथे आहे
वज़ूद जो खंडहर ऐं डेढ़ गंढ़ि जो आजाद सचल लागापो कहिड़ो आहे
बायोग्राफी: वासदेव वेंशीमल सिधनानी
फेमस सिंधी कवी – सिंधी ग़ज़ल – साहित्य अकादमी अवार्ड 1999- सिंधी भाषा – बर्फ जो ठहियिल
सिंधी अदब जी दुनिया जी इहा हिक अलग सरदु ऐं गर्मजोशी वारी शाम हुयी जो साल 1999 जो सिंधी साहित्य अकादमी जो सिंधी भाषा वासिते मान वारो अकादमी अवार्ड बर्फ जो ठहियिल जे रचनाकार वासदेव मोही खे अता थी रहियो हो। हिन फेमस सिंधी ग़ज़ल कार कवी जो जन्म 02 मार्च 1944 ते मीरपुर खास सिंध में थियिल आहे ऐं स्कूल में लिखियिल संदस सजो नालो आहे वासदेव वेंशीमल सिधनानी। अहमदाबाद गुजरात जे वाशिन्दे वासदेव मोही जे कुटुंब भारत अची पहिरियूं जोधपुर में वसण जी कोशिश कयी हुयी ऐं पोय 1950 में अहमदाबाद लड़े आया हुआ। वासदेव मोही जे परिचय में तैलिमी क़ाबिलियत वारो खानो अंग्रेजी साहित्य में एम.ए. इन्हन बिन लफज़न वसीले भरियो वेन्दो आहे। वासदेव मोही 1966 में LIC जी नौकरी सां ज़िन्दगी जी शुरुआत कयी पर जलदु ई इन नौकरी तां इस्तीफो डिनो। पहिरियूं आदर्श स्कूल में ऐं पोय सितम्बर 1987 खां इंडियन स्कूल दुबई में अंग्रेजी पढ़ाहिण जो कमु शुरू कियो। मार्च 2004 में रिटायरमेंट वठण वकत हू हेड ऑफ़ इंग्लिश डिपार्टमेंट जे ओहदे ते कमु करे रहिया हुआ ।
सिंधी अदबी दुनिया में वासदेव मोही मॉडर्न सिंधी नयीं कविता जो परिचय सिंधी अदब सां करायिण वारी शख्सियत जे रूप में नामवर आहे। आमु सिंधियिन में सिंधी ग़ज़ल खे फेमस करण जे रुख में हिन जो वडो योगदान आहे। वासदेव मोही खे इजिहारन जी चिट्रायी, विचारन जी गहरायी ऐं उचार ते मज़बूत जाबिते वारो अदीब लेखियो वेन्दो आहे। हिन जी कविताउन जो पहिरियों किताब “ताज़ाद ” 1976 में छपजियो हो ऐं न सिर्फ आम पढ़हन्दड पर नक़ादन जी निगाह में बि पसंदीदा हो। वासदेव मोही जे हिक बिये किताब “सुबूह किथे आहे ” खां पोय त हू सिंधी साहित्य जे शौकीनन जो पसन्दीदा अदीब बणिजी वयो। वासदेव मोही खे सिंधी ग़ज़ल खे नयें आसरायिते हायकू या हैकू ग़ज़ल, जेका रिवायती सिंधी ग़ज़ल ऐं जापान जी हायकू या हैकू तरतीब जो संजोग आहे, जे रूप में पेश करण जो जसु हासिल आहे।
पहिंजे अदबी सफर जे बियें हिसे में पहिंजी रचनात्मक खूबियिन खे नया दायिरा मयसर करे डीन्दे वासदेव मोहीअ सिंधी कहाणियूं ऐं नुक़तचीनी निगाह जा मज़मून पिण लिखिया आहिन ऐं उहे साहित्य जे माहिरन तोड़े शौकीनन खे पसंद बि आया आहिन। हिन कुछ किताबन जो सिंधी में तरजुमो बि कियो आहे। नेशनल कॉउन्सिल फॉर प्रमोशन ऑफ़ सिंधी लैंग्वेज (NCPSL) ऐं साहित्य अकादमी दिल्ली जहिड़िन नामवर संस्थाउन हिन जे योगदान जी साराह कन्दे हिन जो सत्कार क्यों आहे। भारतीय अदीबन जो जेको डेलीगेशन 2011 में चीन वियो हो वासदेव मोही उन जो हिसो ऐं अगुवान हो।
पहिंजे अदबी योगदान खां सिवाय वासदेव मोही साहित्य अकादमी जे एक्सक्यूटिव बोर्ड जो मेंबर ऐं 2008 खां 2012 तायीं सिंधी एडवायजरी बोर्ड जो कन्वेनर रही बि सिंधी साहित्य जी सेवा कयी आहे। इंडो पाक सिंधी अदीबन जो नई दिल्ली में थियिल सेमीनार वासदेव मोही जी हिक वडी कामियाबी लेखी वेन्दी आहे। हिन वक़त मोही साहिब सिंधी साहित्य अकादमी अवार्ड्स जी एडवायजरी कमेटी [2018 -2022] जे मेंबर तोर कमु करे रहिया आहिन।
सिंधी डिण थदड़ी खां सिरफ ब डीन्ह अगु 27 अगस्त 2021 ते शाम जो सिंधी अदबी जे हर दिल अजीज़ सिक ऐं सिंधी भाषा जे सागर वासदेव मोही जन जे परलोक पधारिण जी खबर बुधी सिंधी अदबी दुनिया में दुख जी सुनामी अची वयी।
अदबी योगदान - लिखियिल किताब
वासदेव मोही सिंधी अदब जी उन तमाम थोरिन चूंड शख़्सियतुन में शुमारियो वेन्दो आहे जिन सिंधी अदब जे लगभग हर दायिरे में योगदान कन्दे सिंधी साहित्य जी सेवा कयी आहे। हिन जे लिखियिल किताबन जी चूंड लिस्ट
नज़म: 1976 – ताज़ाद:: 1983 – सुबूह किथे आहे :: 1992 माणकू [गुजराती ऐं हिंदी में बियन तरजुमो कियो आहे ] :: 1996 – बर्फ जो ठहियिल :: 2001 – चुंभ में कखु :: 2009 – रेल जी पटरी मेरी :: 2018 – खमोशीय खे लिखंदो आहियां
तरजुमो: 1976 – सुतल आत्मा:: 2006 – अंतराल
तैलिमी: 1976 – वज़ूद जो खण्डहर:: 2011 – ज़दीद सिंधी शायरीअ जो इंतेखाब :: 2012 – आधुनिक भारतीय कविता
नुक़तचीनी निगाह ऐं कहाणियूं: 2007- गालिह शायरीअ जी: 2008 – विरहांङें खां सिंधी ग़ज़ल जो हैंडबुक:: 2012 – चेक बुक :: 2016 – डेढ़ गंढि
Books Window
वासदेव मोही - अवार्ड
साहित्य अकादमी अवार्ड (सिंधी भाषा): 1999
किताब जो उनवान: बर्फ जो ठहियिल (कविता संग्रह)
बिया अवार्ड
गुजरात साहित्य अकादमी तरजुमो अवार्ड
NCPSL पारां साहित्यकार सनमानु
प्रियदर्शनी अकादमी पारां अदबी अवार्ड
कविता वास्ते गंगाधर नेशनल अवार्ड
गुजरात सिंधी साहित्य अकादमी पारां जीवन गौरव पुरस्कार
सरस्वती अवार्ड 2019 [के के बिड़ला फाउंडेशन] चेकबुक [कहाणियूं] इन किताब वास्ते
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.