थाधल - सिंधी कुदरती कोल्ड ड्रिंक
सिंधी रेसीपी -सिंधी खाधो - सिंधी ड़िणन जो खाधो
बियन वांगुर सिंधी बि डिणन ते खास खाधो तैयार कन था जहिं खे सिंधी ड़िणन जो खाधो चयबो आहे। सिंधी रेसीपी थाधल हिकु अहिडो ई निजु सिंधी खाधो आहे जेको महाशिवरात्रि सां कुछ बियन खास मोकन सा लागापो रखे थी। जीयं त थाधल ठाहिण में कन्हि बि ग़ैर कुदरती शय जो उपयोग चाहे रंगु डियण या खुशबू वासिते न थींदो आहे तन्हिकरे थाधल खे कुदरती कोल्ड ड्रिंक चयबो आहे। थाधल सिंधी ड़िणन होली ऐं शिव सां जुडियल सिंधी खाधो आहे त घीअर होली ऐं टिकियूं लोला थधडी सां ।
थाधल - घुरिबल शयूं
१.५ लीटर पाणी
अटकल ३०० ग्राम खंडु [ पसंद मूजिब घटि वधि ]
अटकल पाउ खन कच्चो खीर
बादामियुं २० खनु
हिंदाणे जा बिज – वडुफ – फोटा – खसखस – कारा मिर्च – गुलाब पंखिडियुं या गुलाब जल – गुलकंद
नोटु : दुबई ऐं कुछ बियन मुलकन में खसखस जे वापर ते बंदी आहे तहिं करे उते थाधल में बि खसखस जो वापर न थींदो आहे।
थाधल - ठाहिण जो तरीको
अटकल अध लीटर पाणी में खंडु पुसाये रखो।
बियूं शयूं बि साफ़ करे अलग पाणी में २-३ किलाकन वासिते पुसाये रखो।
पुराणे वक़्त में इन्हन पुसियिल शयुन खे डंडे कूंडे में घोटियो वेंदो हो। अजु बि किन हनदन ते इहो तरीको शुरू आहे पर आम तौर हाणे ग्राइंडर जो उपयोग करे पेस्ट तैयार कयी वेन्दी आहे।
पेस्ट में बचियिल पाणी मिलाये हिककरो कबो आहे।
मिलयिल गारो छाणे उन में खंडू जो गारो, खीर ऐं गुलाब जल मिलाये चंगी तरह सां लोडियो वेन्दो आहे जीयं सभ पाणीठ हिक बिये सां मिली वञन।
थाधल तैयार आहे थधो थियण वास्ते फ्रिज में रखो या बर्फ मिलाये पियो।