वकत जी लासानी खूबी आहे हलंदो अयं बदिलजंदो रहण। 2006 में जेका सिंधी वेबसाइट द सिंधु वर्ल्ड डॉट कॉम मुशकिल सां डहन, मुखिय तोर ते सिंधी संतन जूं , सिंधी शखसियतुन जी बायोगिराफी सां शुरू थी हुयी सा अजु सिंधी शखसियतुन  जी ऑनलाइन जानकारी जो वडे में वडो वसीलो बणिजी चुकी आहे। 

सिंधी शखसियतूं चाहे सिंधी सियासतदान, सिंधी इसपोर्ट परसन, सिंधी समाज सेवी, सिंधी अदाकार अदाकाराउं , सिंधी सिंगर, सिंधी फिलम पिरोडियूसर हिदायतकार, सिंधी ड्रामा, टेलीविजन जा सिंधी कलाकार, मियूजिक इंटरटेनमेंट, सिंधी कारखानेदार, NRI , सिंधी साहित जा नामवर, साहित अकादमी अवार्ड हुजे या पदम अवार्ड हासिल सिंधी , मतलब इहो हर खेतर जी मकबूल सिंधी शखसियतुन  जी बायोगिराफी TSW ते मौजूद आहे। इहो अजब न आहे या का लिकियल गालिह न रही आहे त छो द सिंधु वर्ल्ड डॉट कॉम खे मोसट पॉपुलर सिंधी वेबसाइट लेखियो वञे थो।

बायोगिराफी सेकशन में वधियल तादाद सां गडु असां खे इहो पिणु महसूस थियो त सिंधी सभियता, वरसे, सिंधी लोक कला, सिंधी लोक कहाणियूं, सिंधी समाज जो इतिहास, सिंधी भाषा, सिंधी सांसकिरतिक वरसो, सिंधी रीती रिवाजन अयं रिवायतुन अयं सिंधी आराधिय देव झूलेलाल साहिब तोड़े सिंधी टिपणे बाबत जानकारी TSW ते आहे त सही पर वेबसाइट जे अलग अलग हंदन ते टिड़ियल पखड़ियिल रूप में। तहिंकरे इहो जरुरी थी वयो त पंजन सालन खां पोय वेबसाइट न सिरफ अपडेट कयी वंञे पर उन खे नओं रुप डयी वधीक जानकारी भरियो अयं वापिरायिण में सहूलियत भरियो बणायो वंञे। इन बदिलाव में TSW जे मोसट पॉपुलर सिंधी वेबसाइट जे लकब जे खतरे में पवण जो अंदेशो हुओ छो जो नयें रुप में पेश करण वासिते लगभग बिन महीनन लाय  TSW खे बंद रखिणो हुओ।

अजु TSW जे नयें रुप खे डिसी महसूस थिये थो त टीम TSW जो फेसिलो गलत न हुओ। सिंधी साहित अयं सिंधी किताबन जी जानकारी हर आम सिंधी तायीं सवलायी सां पहुचे सो साहितकारन  जे बायोगिराफी जे पेज ते संदन किताबन जे कवर पेज जा फोटो शामिल कया वया आहिन। उमीद त सिंधी युथ इन सबब सिंधी किताबन में चाहु वठण शुरु कंदो। सिंधी भाषा अयं साहित  जहिड़ो नओं सेकशन शुरु कंदे, हर शहर जे सिंधी समाज जी जानकारी वारे सिटी पेज में (डिसो प्रोजेक्ट सिंधियत) केतिरियूं नयूं जानकारियूं जोडियूं वयूं आहिन।

थोरे ई वकत मतलब 29 अगस्त 2021 ते TSW पंदिरिहां साल पूरा करे सोरिहें साल में कदम रखंदी  मतलब अंग्रेजी जे स्वीट सिकसटीन थियण वारे साल में पेर रखंदी  इहा बि हिक लालच हुयी जंहि असां खे वेबसाइट नयें रुप में पेश करण वासिते हिमथायो। पंहिंजी राय लिखी असांजो होसिलो वधाइंदा ।
सिंधियत सुहिणी रहे
एस पी सर (मंघिरमलानी) कोल्हापुर