आदिपुर गांधीधाम

आदिपुर गांधीधाम जहिं खे सिंधी साहित्य ऐं साहित्यकारन जो शहर बि चइजे थो हुअं त अलग अलग शहर आहिन पर बिन्ही जे विच जे बेहद घटि मुफासिले ऐं सिंधी समाज जे गड़े प्रोग्राम करण सबब हिकु ई सिटी पेज ठाहियो वयो आहे। गांधीधाम आदिपुर भारत में अकेली जगह आहे जेका 1947 में भारत लड़े आयल सिंधियिन खे वसायिण वासिते वज़ूद में आयी। भाई प्रताप जी कोशिशिन जे असर हेठि महात्मा गांधी जे चवण ते कच्छ जे महाराजा इहा अटकल 15 हज़ार एकड़ ज़मीन सिंधी समाज जे लाय डिनी। अजु बि आदिपुर गांधीधाम जो इन्तिज़ामी बंदोबसतु सिंधु रेसेटलमेंट कारपोरेशन (SRC) जे हथन में आहे।
अगिते हली करे सिंधी भाषा, सिंधी साहित्य, सिंधी कला ऐं सभ्यता तोड़े सिंधी तहज़ीबी वरसे जे मकसदन सां आदिपुर में इंडियन इंस्टीटयूट ऑफ़ सिन्धोलॉजी बरपा थी। शहर जा काफी सिंधी साहित्यकार सिंधी भाषा वासिते साहित्य अकादमी अवार्ड हासिल करण वारन में शामिल आहिन जहिं करे आदिपुर गांधीधाम खे सिंधी साहित्य जे शहर जे रुप में पिणु मशहूरी आहे।
भाई प्रताप ऐं दादी निर्मला गजवानी जे कयल लासानी सामाजिक कमन सबब शहर खे सिंधी समाज सुधारक ऐं समाज सेविन जो शहर बि चयिबो आहे।