निर्मला गजवानी
TSW Citation
फेमस सिंधी राजनेता – समाज सेवी – साधु वासवानी इंटरनेशनल स्कूल
इहो सोचिण बि डुखियो आहे त हिक नवजवान 19 सालन जी माउ जहिंजी हन्ज में 10 महीनन जो पुट्र हुजे, जहिंजे सामहूं आईन्दे जा धुंधला अकस हुजन ऐतिरा धुंधला जो हुन खे अझो मिलण जी बि पक न हुजे , कहिड़ी न तक़लीफ़ुन जे दौर मां गुजरी हूंदी। घर खां दर बदर थियिल इन लाचारी जी हालत में हुन केतिरा न सूर सहिया हूंदा। हुन जे दर्द जो बयान करण शायद त लफजन जी सलाहियत खां बाहिर आहे। तव्हां खे शायद त इहो लगन्दो हूंदो त मां इहो कहिं हिंदी फिल्म जी कहाणी वासिते लिखियो आहे पर इहो हकीकत में फेमस सिंधी समाज सेवी निर्मला गजवानी जी साल 1947 वारी ज़िन्दगीअ जो हिकु दर्दनाक सुफो आहे। साल 1947 सिर्फ दादी निर्मला वासिते न पर सिंध ऐं आसपास जे इलाके में रहन्दड सिंधी पंजाबी हिंदुन वासिते हयाती जो सभ खां वधीक दर्दनाक वकतु हो, छो जो मुल्क जे विरहांङें सबब हुनन खे मज़बूरी में भारत लड़े अचिणो पयो।
बायोग्राफी - दादी निर्मला गजवानी
देश जो विरहांङो सिंधी समाज वासिते सिर्फ पिढियिन जी जमा कियिल मॉल मिलकियत खां महरुम थियण न हो पर पाड़ुन जो पटजण बि हो। तहिं खां सिवाय नयीं ज़मीन तलाशे पाण खे वरी सां पाणु वसायिण जी मुसीबत बि सामहूं हुयी। इन्हन हालतुन में जे दादी निर्मला वास्ते का संतोष जी गालिह हुयी त सा हुयी संदस डॉक्टर मुडुस।
निर्मला गजवानी जो जन्म 28 दिसंबर 1928 में रोहरी सिंध जे केवलानी कुटुंब में थियो हो। नंढी उमर में डॉ हासानंद गजवानी सां शादी थियण सबब हुन खे B.A. जी पढ़ायी अध में ई छड़णी पयी हुयी। विरहांङें जे दर्द जे हिक पासे संदस दिल में समाज सेवा जी इच्छा पैदा कयी त बिये पासे सिंधी नारी खे खुद मुख्तियार पाण ते भाड़ीन्दड बणायिण वासिते कमु करण जी चाहत ऐं ज़ज़्बे जो बि जन्म थियो। उन्ही वक़त कच्छ जे महाराजा भारत आयल सिंधियिन खे वसायिण वास्ते ज़मीन डिनी जिते आदिपुर गांधीधाम ऐं कांडला बंदर ठहिया आहिन।
1952 में डॉ हासानंद गजवानी – जेको विरहांङें खां पोय सरकारी नौकरी पियो करे – जी बदली तमाम परे बचाउ तालुके में थी। जे डिसजे त दरअसल इहो वाकियो शुरुआत हुयी वक़त जे उफक ते हिक सिंधी नारी जे सफर जी शुरुआत जी। इहो इलाको ऐतिरो त पुठिते पियल हो जो जाईफुन जी गालिह त परे के विरला मरद हुआ जिनखे लिखण पढ़ण अीन्दो हो। दादी निर्मला वासिते पहिंजी समाज सेवा शुरू करण वास्ते हीउ तमाम मुनासिब मोको हो पर हिन जे सामहूं न सिर्फ सामाजिक पर माली रुकावटूं बि हुयूं।
इहा शायद त संदस लगन ऐं बिना थके मेहनत जी जीत हुयी जो औरतुन खे पढ़ण लिखण ऐं हुनर सेखारिण जी दादी निर्मला जी कोशिश जी मुख़ालफ़त सामाजिक तौर ते घटिजी वयी। माली मुशकिलात खे मुहं डियण वास्ते हिन वर्ल्ड हेल्थ आर्गेनाईजेशन ऐं दिल्ली जे सेंट्रल सोशल वेल फेयर बोर्ड सां गालिहाये पहिंजे कम वास्ते माली मदद हासिल करण में कामियाबी हासिल कयी। दादी निर्मला जे कम सबब हुन खे बिना कहिं मुख़ालफ़त जे कच्छ एजुकेशनल बोर्ड जे प्रेसीडेंट जे ओहदे ते चूंडियो वयो।
1967 में गुजरात जी विधान सभा चूंडिन में निर्मला दादीअ अंजार विधान सभा सीट तां खटियो ऐं खेस विधान सभा जे डिप्टी स्पीकर जो ओहदो पिण मिलियो। कांडला फ्री ट्रेड ज़ोन ऐं इंडियन फ़र्टिलाइज़र कोऑपरेटिव इन इलाके जे माणुहुन खे दादी निर्मला जूं डिनिल सूखडियुं आहिन। जडहिं कांग्रेस में इंदिरा गांधी ऐं मोरारजी देसाई जा ब धड़ा थिया त दादी निर्मला सियासत खे अलविदा चयी पहिंजे आदिपुर ऐं गांधीधाम जी समाज सेवा ते धिआनु डियण ऐं पाण खे समाज सेवा जी हद अंदर महदूद रखण जो फेसिलो कयो। कच्छ इलाके मां सेंट्रल सोशल वेल फेयर बोर्ड जो बेस्ट सोशल वर्कर अवार्ड खटण वारी हुअ अकेली शख्सियत आहे। इहो अवार्ड दादीअ खे 1975 में मिलियो हो।
1980 -1990 जे सालन में साधु वासवानी इंटरनेशनल स्कूल जो बरपा थियण हुजे या गांधीधाम में अटकल बिन एकड़ ज़मीन ते वर्किंग वीमेन हॉस्टल जो ठहण इन्हन में दादी निर्मला जो अहमियत वारो योगदान हो। जे संदस कमन जी कामियाबी जी छंड छाण कजे त मज़बूत सहारो डीन्दड मुडुस, शक्ति सां भरपूर शख्सियत, निवडत भरी हलत, खिल मुख सुभावअ, साफ ऐं निष्पक्ष दिल, हकीकी सख्त मेहनत इहे कुछ आधार आहिन जिन दादी निर्मला जे सियासी तोड़े सामाजिक जीवन खे कामियाब बणायो आहे।
21 जनवरी 2016 ते राजकोट में दादी निर्मला गजवानी जो सुरगवासु थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.