कमला केसवानी
TSW Citation
सिंधी संगीत जे संसार में सितारन जी घटितायी त वकत जे कहिं बि दोर में न रही आहे पर के गायक अहिड़ा बि थिया आहिन जिन पहिंजे सोज भरिये सुरीले आवाज सां हिक किसम सां वकत जे वहकारे खे बि बिहारे छडियो आहे। सिंधी सामज खे हिक कुदरती दाति या परमातमा जी डिनल सूखड़ीअ तोर मिलियल दिलकश ऐं पुरसुकूं आवाज जी सरमायेदार हुयी कमला केसवानी। सिंधी संगीत जी दुनिया में इहो आम चयो वेंदो आहे त कमला खे उहा कामियाबी न मिली जहिं जी हुअ हकीकी हकदार हुयी। छा दिलिन ते राजु करणु खां वडी कामियाबी बी का थी सघंदी आहे ? जेकडहिं न त पोय इहो चवण बि सही न थींदो त कमला केसवानी खे घटि कामियाबी मिली हुयी।
इहो संदस जुदायी आवाज जे असर जो सबूत आहे जो फानी दुनिया खां किनारो करे वंञण जे लगभग डेढ़ डहाके खां पोय बि सिंधी मजिलिसुन, जलसन ऐं शादीअ जे मोके ते संगीत जो प्रोग्राम पेश करण वारन सामहूं कमला जे गायाल गीत जे गायिण जूं फ़रमाइशियूं अचन थियूं।
कमला केसवानी : बायोग्राफी
कमला केसवानी जो जनम भारत जी अजादीअ खां अगु 27 अगस्त 1934 ते कराची सिंध में थियो हुओ हालांकी संदस पिता साहिब गोबिंदराम मदनानी सखर जा रहिवासी हुआ। पिता साहिब हिक टेलीफोन ओपेरटर जी नोकरी कंदा हुआ सो इहो चवण त डुखियो आहे त कमला में संगीत वासिते चाहु कीअं पेदा थियो पर इहा हकिकत आहे त हुन गायिण जी शुरुआति इसकूल जे डीहंन में ई करे छडी हुयी।
सखर में इसकूल में पढिहण वारी कमला खे देश जे विरहाङे सबब सिरफ 13 सालन जी उमिर में पढिहायी विच में छडे परिवार सां गडु भारत लडे अचण वासिते मजबूर थियणो पियो। भारत में अची परिवार कुझु वकतु जोधपुर में रहण खां पोय बीकानेर में थाईंके थियण जी कोशिश कयी पर आखिर में जयपुर में रहण जो फेसिलो थियो।
जयपुर में कमला न सिरफ इसकूली तेलीम पूरी कयी पर जयपुर यूनीवरसिटीअ मां B.A. जी डिगरी पिणु हासिल कयी। संगीत ऐं गायिण जे चाह वारी कमला खे आल इंडिया रेडिओ हिकु सुठो प्लेटफार्म समझ में आयो ऐं आल इंडिया रेडिओ वासिते गायिन जी शुरुआति कयी। सिंधी लाड़न ऐं राजस्थानी शादी गीत गायिण सां शुरुआति करण वारी कमला अगिते हली कलाम गायिण वासिते बि बेहद मशहूर थी। संदस गायाल दिल डिजे दिलवारन खे कहिडो कदुर पवंदो बेकदिरिन यारन खे अजु बि हरदिली अजीज ऐं आम सिंधी जी पसंद जे लिहाज खां मशहूरी जे बुलंद मुकाम ते आहे।
आल इंडिया रडिओ ते गायिण सां गडु कमला देश विदेश में संगीत जा स्टेज शोजस, शादी ऐं बियन मोकन ते संगीत जा प्रोग्राम पेश करण जो सिलसिलो बि शुरू कियो। संदस गायाल लाड़न मां हिकु सोन जो रुपियो बेहद घणो मशहूर थियो। रडिओ खां पोय खेसि टेलीविजन जे संगीत सां जुडियल प्रोग्रामन में गायिण ऐं शामिल थियण जो मोको बि मिलियो।
कमला केसवानी खे सिंधी फिलमुन में गीत गायिण जो मोको उन समे जे बेहतरीन संगीतकार सी अर्जुन डिनो। जिन फिलमुन में कमला बतोर प्लेबेक सिंगर गायिओ उनहन मां कुझु जा नाला आहिन होजमालो,शल धिअरु न जमनि ऐं लाड़ली।
सिंधी संगीत जे संसार जी हिन बेमिसाल फनकारा जो 09 मई 2009 ते सुरगवास थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.