मीरा हीरानंदानी सान्याल
TSW Citation
वकत जी आरसीअ में मीरा हीरानंदानी सान्याल जी जिंदगी जो अकसु डिसजे त हिक अहिडी औरत नजर अचे थी जेका कोशिशूं करे रही आहे हिक सिंधी औरत जे जीवन में बदिलाव आणिण लाय। सिंधी औरत जहिं हुकूमत जी हद घर जी चयिन भितिन अंदर लेखी वेंदी हुयी उन हद खां सिंधी औरत खे बाहिर कढण जी कोशिश जी शुरुआत त पोपटी हीरानंदानी जे समे खां ई शुरु थी वयी हुयी। हिक सिंधी औरत हूंदे बि पोपटी इशक जूं कविताउं लिखण खां परहेज कोन कयी हुयी। हाणोके समे मूजिब मीरा न सिरफ काफी उचे दरजे वारी तेलीम हासिल कयी पर मरदन जी ऐराजी लेखी वेंदड प्रोफेशनल्स जी दुनिया में भारत में रॉयल बैंक ऑफ़ स्कॉटलैंड जे CEO ऐं चेयरपरसन जहिड़न ओहदन ते बि कमु कियो हुओ। मीरा जो जीवन मॉडर्न सिंधी औरत जे उन हुनर जो बेहतरीन मिसाल रहियो आहे जेको हिक औरत खे कुटुंब परिवार ऐं प्रोफेशनल जवाबदारिन में हमवजनी (Balance) बरकरार रखण में मददगार आहे। मीरा सान्याल जो जीवन उन मॉर्डन नारी जे जीवन जो बि मिसाल आहे जेका शादीअ जहिड़ी गालिह लाय बि इलाकायी जात पात जो बंधन कबूल करण लाय तियार न आहे। मीरा हीरानंदानी जी शादी बंगाली आशीष सान्याल सां थी ऐं जोडे खे प्रियदर्शनी ऐं जय सान्याल जे रुप ब बार आहिन।
मीरा हीरानंदानी सान्याल (बायोग्राफी) शुरुआती जीवन ऐं तेलीम
चवण लाय त इहो बि चयी सघिजे थो त 15 अक्टूबर 1961 में कोची में वॉइस एडमिरल गुलाब मोहनलाल ऐं बानु हीरानंदानी जी धीउ जे रुप में जनम वठण वारी जो मीरा इहो पिरालबध हुओ त संदस बालपणे ऐं तेलीम खे भारत जी अनेकता में एकता लेखियो वेंदड अलग अलग रीती रिवाजन वारन तहजीबी ऐं सामाजिक वातावरण मिलन। पिता वॉइस एडमिरल हीरानंदानी 1971 जी भारत जी पाकिस्तान सां थियल लड़ायी में कराची ते सामुंडी (Naval attack) हमलो (ऑपरेशन ट्रिडेंट ) करण जी रिथा तियार करे उन ते अमल करण वारो जाबांज हुओ त माता वकील हूंदे बि घर जे रोजाने कमन जो खियाल रखण वारी हिक घरेलू औरत।
हिक इंटरव्यू में मीरा पाण चयो हुओ त यह गालिह सां फरकु न थो पवे त तवहां केतिरी उची या घणी तेलीम हासिल कयी आहे। हकीकत में इहो तवहां जे परिवार जो माहोल ऐं तवहां जे बालपणे में माता पिता वटां मिलियल सिखियाऊं ऐं संभाल आहे जेका तवहां जे जीवन जो रुख तय करे थी। नोकरी सबब पिता जे भारत जे अलग अलग शहरन में पोसटिंग थियण सबब मीरा खे पिता जी पोसटिंग सबब कुझु अरसो रुस में गुजारिण जो बि मोको मिलियो।
अलग अलग शहरन में इसकूली तेलीम हासिल करण वारी मीरा हीरानंदानी 1982 में मुंबई जे सीडेनहम कॉलेज जे विदियारथी तोर B. Com. पास कियो ऐं M.B.A. जी पढ़िहायी लाय आईआईएम कोलकता में दाखिला वरतो पर हिक इसकालरशिप मिलण सबब INSEAD, Fontainebleau, France मां डिग्री हासिल कयी। दुनिया जे नामवर हार्वर्ड बिजनेस इसकूल में घटि अरसे वारे एडवांस मैनेजमेंट प्रोग्राम जो अभियासु करे ऐं UK जे चार्टर्ड इंस्टिट्यूट ऑफ़ बैंकर्स जो फेलो बणिजी पहिंजी तेलीम पूरी करे पिता जी इछा मूजिब मीरा भारत वापस मोटी आयी।
मीरा हीरानंदानी सान्याल (बायोग्राफी) : प्रोफेशनल ऐं सामाजिक जीवन
भारत वापस मोटण खां पोय मीरा खे कमु करण जो जेको पहिरियों मोको मिलियो उहो Grindlays Bank कोलकता में हुओ। 1993 में रॉयल बैंक ऑफ़ स्कॉटलैंड भारत सां जुडिजण खां अगु मीरा Lazards में बि थोरो अरसो कमु कियो ऐं इन्वेस्टमेंट बैंकर बि बणिजी चुकी हुयी। भारत में आरथिक सुधारन वारे दोर में हुन बैंक खे प्रोजेक्ट फाइनेंस लाय तियार करे कामियाबी सां इन प्रोजेक्ट ते अमल पिणु कियो। भारत में माइक्रो फाइनेंस जी शुरुआति में अहम योगदान डियण वारी मीरा इन प्रोग्राम वसीले भारत जे गांवन में रहण वारिन केतिरिन हजार औरतुन जी मदद कयी।
पहिंजे प्रोफेशनल जीवन जी जवाबदारिन खे मीरा पहिंजे पारिवारिक तोड़े सामाजिक जीवन लाय ऐं समाज सेवा में शामिल थियण लाय रुकावट न बणिजण डिनो। सिंधी तेलीम संसथा जे मुंबई जे नामवर जय हिन्द कॉलेज जे सुपरवाइजरी बोर्ड जी मेंबर मीरा सान्याल गिलोबल NGO राइट टु प्ले जे इंटरनेशनल बोर्ड जे मेंबर तोर बि कमु कियो। खेसि FICCI ऐं CII जी केतिरिन ई नेशनल कमेटिन जो मेंबर तोर कमु करण जो बि मोको मिलियो। FICCI जी financial Inclusion committee जे चेयरपरसन हुजण जे अरसे में मीरा सान्याल credit for the underprivileged जी वाधि ते खासु धिआनु डिनो।
पहिंजे विषय ऐं सामाजिक हालतुन जे अथाह गियान जी धणी मीरा सान्याल गालिहायिण जी कला में बि माहिर हुयी। US सक्रेटरी ऑफ़ स्टेटस हेनरी किलंटन साल 2011 में औरतुन जी बिजनेस लीडरशिप ते हिक इंटरनेशनल कॉउन्सिल आयोजित कयी हुयी जहिं भारत मां अकेली मीरा सान्याल खे घुरायो वियो हुओ। मीरा केतिरिन ई गिलोबल सेमीनारस में बतोर स्पीकर शामिल रही आहे जिन मां के आहिन
Asian Institute of Finance, Kuala Lumpur
Climate Summit in Copenhagen
Global Competitiveness Summit, Seoul, Korea
Nikkei Summit for Asian Women Leaders, Tokyo
Swedish Agency for Economic & Regional Growth
Women of the Future summit in the UK
30 सालन जे लंबे अरसे तायीं रॉयल बैंक ऑफ़ स्कॉटलैंड सां जुडियो रहण खां पोय 2013 में बैंक जे CEO ऐं चेयरपरसन जे ओहदे ते रहंदे मीरा सान्याल रिटायर करण जो फेसिलो कियो। 2009 जी लोक सभा चूंडिन में साउथ मुंबई मां हिक आजाद उमेदवार तोर शामिल हुजण वारी मीरा सान्याल रिटायर थियण खां पोय आम आदमी पार्टी सां जुडी ऐं पार्टी जी इकनोमिक पालिसी सां लागापे वारी नेशनल कमेटी जे मेंबर तोर कमु करण लगी। 2014 में मिलिंद देओरा, बाला नंदगांवकर ऐं अरविन्द सावंत जहिड़न सियासतदानन जे सामहूं आम आदमी पार्टी जे टिकट ते 2014 लोक सभा चूंडिन में उमेदवार बणी पर सिरफ 6 % जे आसपास वोट हासिल करण सबब हाराये वयी।
2016 जी पिछाडीअ में खबर आयी त मीरा सान्याल खे कैंसर थी वयी आहे। इलाज जा सभु मुमकिन हीला हलाया विया पर आखिर बिन सालन तायीं तकलीफ सही सिरफ 57 सालन जी उमिर में 11 जनवरी 2019 ते मीरा सान्याल जो सुरगवासु थियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.