अर्जन हासिद
TSW Citation
भारत जी आज़ादी खां पोय जी अदबी बेठकुनि तोड़े आम जलसन में जडिहिं बि सिंधी नज़म तोड़े ग़ज़ल जो ज़िकुरु अचे थो त सदा हयात अर्जन हासिद जो नालो अचे बिना गालिह पूरी न थी थिये। चाहे किताबन जे तादाद जे लिहाज खां अर्जन हासिद जे योगदान खे घटि लेखियो वञे पर इहा हक़ीक़त हरि हिकु कबूल करे थो त नज़म तोड़े ग़ज़ल लिखण में हुन जो को सानी कोन हुओ। आलम इहो हुओ जो उन ज़माने में बि हासिद जी लिखियिल का ग़ज़ल गुनगुनायिण वारा सिंधी नवजवान नज़र अचण हिक आम गालिह हुयी। टीम TSW हिन अजीमोशान सिंधी साहित्य खे हेठियों चार लाइना अर्पण करे थी। (रंगीन अखर अर्जन हासिद जे किताबन जा उनवान आहिन)
पहिंजी सुआसनि जी सुरिहां खे बणाये गजल, साहित सजाये वयो
पथरु पथरु कंडा कंडा चूंडे नजमुन सां सिंधू किनारो सींगारे वयो
सिंधी अदब जे उफक ते चमकिया आजाद सचल, बेशुमार सितारा
हीसजिआ हजारें डिसी मेरो सिजु, पर किथे को बियो हासिद थियो।
अर्जन हासिद - जीवन परिचय - Biography
फेमस सिंधी कवी – सिंधी भाषा – सिंधी ग़ज़ल – साहित्य अकादमी अवार्ड 1985
हिन मकबूल हरदिल अज़ीज़ सिंधी कवी शायर जो जन्म 07 जनवरी 1930 ते कराची में थियो ऐं स्कूल जे रजिस्टर में लिखियिल संदस नालो आहे अर्जुन जेठानंद तनवानी। अर्जन अंञा बालपणे जी उमिरि में हुओ जो देश में महात्मा गांधी किविट इंडिया हलचल शुरु कयी। पहिंजे स्कूल जी स्टूडेंट यूनियन जे सेक्रेटरी जे ओहदे वारे अर्जन पिणु उन हलचल में हिसो वरतो।
अर्जन तनवानी जी स्कूली तैलीम पूरी थियण खां अगु ई मुल्क जो विरहांङो थियो सो तनवानी कुटुंब भारत लड़े अचण वासिते मज़बूर बणियो। कुटुंब मुंबई [उन समे बॉम्बे ] अची पहुतो पर थोरे अरसे में कुटुम्ब जयपुर वञण जो फेसिलो कियो। कुझु अरसो जयपुर में थाईंको थियण जी कोशिश करण खां पोय आखिर तनवानी परिवार गुजरात जे अहमदाबाद शहर में अची रहण लगो। परिवार जी हालतुन खे डिसन्दे समझंदे मैट्रिक जो इम्तिहान पासि करण खां पोय अर्जन वधीक पढ़ायी जी जगह ते नौकरी करण खे पसंदगी डिनी ऐं खेसि भारत सरकार जे पोस्ट ऐं टेलीग्राफ जे खाते में नौकरी मिली वयी। इहा नौकरी कन्दे जहिं वकत हुन रिटायर कियो तहिं वकत पोस्ट मास्टर जे ओहदे ते हुओ।
अर्जन हासिद जे अदबी जीवन जी शुरुआत 1956 में नज़म लिखण सां लेखी वेंदी आहे हालांकि संदस नज़मुन / ग़ज़लुन जो पहिरियों किताब सुआसनि जी सुरिहां 1966 में छपिजियो हुओ। जेकडहिं अर्जन हासिद जे साहित्य जो हिसाब किताब कजे त हिक ग़ालिह चिट्रायी सां उभिरजी सामहूं अचे थी ऐं उहा आहे संदस रचनात्मकता हरि हिक किताब में हुन हिक नयीं ग़ालिह सामहूं रखी आहे।
जे सुआसनि जी सुरिहां तरकीयाफ्ता विचार धारा जी नुमाइन्दगी थी करे त पथरु पथरु कंडा कंडा नयीं कविता जो इजिहार आहे। मेरो सिजु में त हुन अखरन जी लफज़न मायना जी हथ कड़ी तोड़े अखरन जी आज़ादी जो तजुरबो कियो आहे ऐं इन जी कामियाबी इहा आहे जो खेसि इन किताब वासिते अदबी दुनिया जो आला दरिजे वारो साहित्य अकादमी अवार्ड मिलियो। आम तोर अछी शर्ट में नज़र अचण वारो अर्जन हासिद हिकु उमिदा साहित्यकार न पर हिकु आम सिंधी महसूस थींदो हुओ। अर्जन हासिद पहिंजे मिठे ऐं निवड़त भरिये गालिहायिण वासिते पिणु मशहूर हुओ इहो शायद त हुन वासिते मुमकिन थी सघियो छो जो हुन पहिंजी कावड़ि ऐं असंतोष जो इजिहार पहिंजी रचनाउन वसीले करण में कामियाबी हासिल कयी आहे।
नज़म ऐं ग़ज़ल लिखण सां गडोगडु अर्जन हासिद सेंट्रल साहित्य अकादमी सां जुड़ी पिणु सिंधी साहित्य जे वाधारे में मुलिहायितो योगदान डिनो आहे। हुन 10 साल सेंट्रल साहित्य अकादमी जी सलाहकार समिती ते बतौर मेंबर कमु कियो। तहिं खां अर्जन हासिद बतोर कलाकार आल इंडिया रेडियो सां बि जुडियल हुओ। 2002 में गुजरात सिंधी अकादमी जे चेयरमैन जे ओहदे ते कमु करण वारो अर्जन हासिद नई दिल्ली में 2004 में थियिल पहिरियें इंडो पाक मुशायरे में पिणु शामिल थियो हुओ।
संदस लिखियल ग़ज़लुन जे किताब मेरो सिजु वास्ते 1985 में खेसि साहित्य अकादमी अवार्ड सां नवाज़ियो वियो। सिंधी अदबी संसार जी हिन हरदिल अज़ीज़ शख़्सियत जो 26 दिसंबर 2019 ते अहमदाबाद शहर में पहिंजे घर में मझंद जे वकत सुरगुवास थियो।
अदबी योगदान - लिखियिल किताब
सिंधी साहित्य में अर्जन हासिद सिंधी ग़ज़ल वास्ते वधीक नामवर आहे। हिन जे लिखियिल किताबन मां के वधीक मशहूर चूंडियल किताबन जा उनवान आहिन: –
सिंधी ग़ज़ल संग्रह: उंञ [1999] – मोगो [1992] – मेरो सिजु [1984] – सही पटिजे [2006]
सिंधी नज़म संग्रह: पथरु पथरु – कंडा कंडा [1976] – सुआसनि जी सुरिहां [1966]
Books Window
अवार्ड - अर्जन हासिद
साहित्य अकादमी अवार्ड (सिंधी भाषा): 1985
किताब जो उनवान: मेरो सिजु (ग़ज़ल संग्रह)
बिया अवार्ड
चालीहन सालन खां बि वधीक अरसे वारे साहित्यिक जीवन में अहिड़ा बेशुमार मोका आया आहिन जो अर्जन हासिद जो सत्कार कियो वियो हुजे ऐं खेस अवार्ड सां नवाज़ियो वियो हुजे पर इन्हन सभनी में वधीक अहमियत वारा आहिन।
(1) 1989 में गुजरात साहित्य अकादमी पारां “गौरव पुरस्कार “
[(2) 2006 में NCPSL पारां “रचना अवार्ड”
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.