अर्जुन मीरचंदानी शाद

अर्जुन मीरचंदानी जो जन्म 17 दिसंबर 1924 ते सखर सिंध में थियो हो। संदस पिता जो नालो गोबिंदराम मीरचंदानी हो। हिन पहिंजे सिंधी अदब जे सफर जी शुरुआत सिर्फ 14 सालन जी उमिरि में रुमानियत वारी कविता लिखण सां कई हुयी। पर उन समे देश में हलन्दड़ आज़ादी जी हलचल जे पंहिजे शबाब ते हुजण जे असर हेठि जलदु ई इहा रुमानियत देश भगिती बदिलिजी वयी हुयी। देश त आज़ाद थी वयो पर सिंधी कौम जे नसीब में विरहांङें वक़त भारत लड़े अची वरी थाईंको थियण जे दरमियान दुख, दर्द, तक़लीफ़ुन ऐं बेहद गहरे असंतोष वारो आज़मूदो लिखण सां गडु। शाद जे कवी मन ते विरहांङें जे वक़त जी हालतुन जो ऐतिरो त गहिरो असर थियो जो हिन 1957 में पहिंजियूं भावनाऊं ज़ाहिर करण वासिते सजो सारो कविता संग्रह आऊं घिटियिन जो गायींन्दड लिखियो।

इहो अर्जुन शाद जो सिंधी भाषा, सिंधी साहित्य ऐं सिंधी नज़म जे रुख में जुनून आहे जो हुन पहिंजी डॉक्टरेट [पी एच डी ] जी डिग्री हासिल करण वासिते विषय रुप में सिंधी ग़ज़ल खे चूंडियो। पहिरियूं त मुंबई यूनिवर्सिटी जे अख्तियारीअ वारन इंकार करे छडियो छो जो इन विषय में अर्जुन खे गाइड करण वासिते यूनिवर्सिटी वटि को मुनासिब शख्सु कोन हो पर पोय अर्जुन जे इसरार करण ते मंज़ूरी मिली वयी। अर्जुन शाद पहिरियों शख्स आहे जहिं सिंधी ग़ज़ल विषय खणी डॉक्टरेट (पी एच डी)] हासिल कयी आहे। पी एच डी पूरी करण खां पोय बि हीउ साहिब मुंबई यूनिवर्सिटी सां जुडियो रहियो मतलब बतोर तैलीमदान संदस कॅरियर जी शुरुआत थी। पहिंजे तैलीमदान जे रूप हिन अटकल 30 साल मुंबई यूनिवर्सिटी में गुजारिया ऐं उते हेड ऑफ़ सिंधी डिपार्टमेंट जहिडो वडो ओहदो हासिल कियायीं। डॉ अर्जुन शाद NCERT ऐं NFDC जे चेयरमैन तौर बि कमु कयो हो।

पहिंजियूं कविता लिखण सां गडु हिन रशियन भाषा में लिखियिल बेशुमार कविताउन जो सिंधी बोली में तरजुमो कियो। अर्जुन इहो तरजुमो करे सिंधी साहित्य खे मालामाल करण जो कमु ऐतिरे वसीह पैमाने ते क्यों आहे जो हुन मान वारियो लेखो वेन्दड “सोवियत नेहरू पीस अवार्ड ” ट्रे (3) भेरा हासिल कयो आहे । हिन जो कविता संग्रह “अन्धो धुओं ” न सिर्फ वधि में वधि विकामजन्दड मशहूर सिंधी किताब साबित थियो पर गडोगडु इन रचना वास्ते हिन खे साहित्य अकादमी पारां 1983 जे सिंधी भाषा जे साहित्य अकादमी अवार्ड सां नवाज़ियो वियो। महाराष्ट्र सरकार पिणु सिंधी भाषा ऐं सिंधी साहित्य में संदस योगदान जी क़दुरशिनासी कन्दे महाराष्ट्र गौरव पुरस्कार डिनो।

अर्जुन शाद जे सिंधी साहित्य ऐं तैलिमी खेतर में कियिल बेमिसाल ऐं बेशकीमती सेवाउन खे धियान में रखी हुन जो मान वधायिण जी मुराद सां जय हिन्द कॉलेज खासि अर्जुन शाद वास्ते वज़ूद में आंदल “प्रोफेसर एमेरिटस ” जे ओहदे ते कमु करण जी कोठि डिनी। साहित्यिक ऐं तैलीमी योगदान सां गडु अर्जुन शाद बतोर अख़बार नवीस बि सिंधी बोली ऐं सिंधी अदब जे वाधारे जे डाव में योगदान डिनो आहे। हू “परख ” [माहवारी – एडिटर ] , “कुंज” [माहवारी – को :एडिटर ] ऐं “लोक इंडिया” [अंग्रेजी माहवारी – चीफ एडिटर ] जहिडियिन मैगज़ीन सां बी जुडियिल हो।

बेहद सुजाग मन वारे हिन सिंधी कवी, तैलीमदान ऐं अख़बार नवीस अर्जुन मीरचंदानी शाद 03 नवंबर 2006 ते मुंबई में रहन्दे हिन फानी दुनिया खां मोकिलायो।
जनमु: 17 दिसंबर 1924 सखर सिंध
सुरगुवास: 03 नवंबर 2006 मुंबई महाराष्ट्र