डॉ. बलदेव मटलानी

फेमस सिंधी साहित्यकार ऐं नकादकार – साहित्य अकादमी अवार्ड
01 अक्टूबर 1951 ते जन्म वरतल डॉ बलदेव मटलानी हाणोके समे जो फेमस सिंधी साहित्यकार, लेखक ऐं टीचर आहे। ही पहिरियों सिंधी टीचर आहे जहिं एम. ए. तोड़े एम. एड. बयी सिंधीअ में किया आहिन। सिंधी अदीबन में बलदेव मटलानी तमाम घणो पढिहियल अदीब आहे छो जो सिंधी में M.A. करण खां पोय हिन 1975 में इकनॉमिक्स में एम ए ऐं 1979 में डिप्लोमा इन हायर एजुकेशन बि कयी आहे। आर के तलरेजा कॉलेज उल्हासनगर जे जूनियर कॉलेज सेक्शन में कमु कन्दड़ बलदेव मटलानी खे संदस ओहदो वधाये जय हिन्द कॉलेज मुंबई में डिग्री सेक्शन में पढ़ाहिण जी नौकरी आशी वयी जिते हिन 1981 खां 1988 तायीं कमु कियो। हिते बि मटलानी पहिंजी शख़्सी पढ़ायी शुरू रखी ऐं 1985 में M.Phil. पूरी कयी।

डॉ बलदेव मटलानी सिंधी में Ph.D. पूरी करण खां पोय मुंबई यूनिवर्सिटी जे सिंधी विभाग में कमु करण लगो पहिरियूं लेक्चरर, पोय रीडर ऐं तहिं खां पोय प्रोफेसर तौर।13 अप्रैल 1994 खां 06 जुलाई 2001 तायीं हिन अदल मुंबई यूनिवर्सिटी जे सिंधी डिपार्टमेंट जे हेड तौर कमु कियो आहे।

डॉ बलदेव मटलानी जो सिंधी अदब जी घणि हुनरी शख़्सियतुन में शुमार थींदो आहे जंहिखे हिक पासे विचोले समे [Medieval] जे सिंधी साहित्य ऐं नकादकारी [Criticism] में वधीक महारत हासिल आहे त बिये पासे जेको वक़त ब वक़त सिंधी प्रोग्राम पेश कन्दड़ तौर आल इंडिया रेडियो सां बि जुडियिल आहे। 1984 खां वठी हू आल इंडिया रेडियो ऐं दूरदर्शन जो मंज़ूरी मिलियिल नाटक कलाकार पिण आहे ऐं टी वी ऐं रेडियो जे केतिरन नाटकन में कमु करे चुको आहे।

घणि हुनरी बलदेव मटलानी 2000 खां 2005 तायीं महाराष्ट्र राज्य सिंधी साहित्य अकादमी जे एग्जीक्यूटिव चेयरमैन जे ओहदे ते रही चुको आहे। बाल भारती – महाराष्ट्र ब्यूरो ऑफ़ टेक्स्ट बुक्स एंड करिकुलम जो सिंधी सेक्शन जो चेयरमैन ऐं मुंबई यूनिवर्सिटी जे बोर्ड ऑफ़ स्टडीज इन सिंधी जो चेयरमैन के बिया ओहदा आहिन जिन ते रही हिन सिंधी बोली ऐं सिंधी साहित्य जी सेवा कयी आहे।

डॉ बलदेव मटलानी हिक अभ्यासु विदवान ऐं मुनासिब हकिकतुन [facts] जी मदद सां कहिं बि विषय ते पहिंजा खोजनात्मक विचार मकाले रूप में [Paper Presentation] पेश करण वास्ते मशहूर आहे। 2003 में न्यूयार्क जी इंडियन कांफ्रेंस ऑन इंडियन लिटरेचर ऐं लॉस एंजल्स में सिंधी एसोसिएशन ऑफ़ साउथ कैलिफ़ोर्निया जे इजलास में पेश कयल “Growth of Sindhi Language ” सिंधी भाषा जो विकास ते संदस खोजनात्मक विचारन जी सभनी साराह कयी हुयी। 2004 जे वर्ल्ड सिंधी कांग्रेस जे सालाने लंदन में थियिल इजलास में “सिंधी तहज़ीब जी निधरमी रिवायतुन खे वरी जियारिण ” ऐं 2006 टोरंटो कनाडा “भारत में सिंधी भाषा महफूज़ रखण ऐं उन जो वाधारो ” खां पोय त केतिरा ई सिंधी अदीब बि मटलानी जा मुरीद थी पिया।

घणि हुनरी हुअण सां गडु डॉ बलदेव मटलानी घणि भाषी साहित्यकार बि आहे। सिंधी, अंग्रेजी, उर्दू, हिंदी ऐं मराठी इन्हन सभनी भाषाउन ते हिन जो सुठो जाबितो आहे ऐं हर हिक भाषा में हिन का न का रचना लिखी आहे। मुंबई मां छपिजन्दड ट्रिमाही सिंधी मैगज़ीन सिंधी शान सां हू बतौर फोटो एडिटर जुडियिल आहे।
किताबन जे तादाद सां कामियाबी जी कथ कन्दडन खे डॉ बलदेव मटलानी मायूस कियो आहे पर हिन जी सिंधी साहित्य जी सेवा लासानी, साराह जोग ऐं बेमिसाल आहे। हिन जी हिक बि सलाहियत उर्दू ऐं बियन भाषाउन जे साहित्य जो सिंधीअ में तरजुमो करण आहे । इन सलाहियत खे हिमथायींदे साहित्य अकादमी हिन खे १९९९ में अकादमी अवार्ड [तरजुमो] सां नवाज़ियो।