बेसण बसर
सिंधी रेसीपीज - अनियन रेसीपी - कचोड़ी बसर - बेसण जी आनी
सिंधी रंधणे में जेके ब भाजियूं घणे अंदाज़ में वापिरायूं वेन्दियूं आहिन या इहो चयिजे त जिन जे बिना सिंधी खाधो अधूरो लगन्दो आहे से आहिन बसर ऐं पटाटा। दाग खां सिवाय बि बसर बियन भाजियिन सां मिलाये केतिरियूं सिंधी भाजियूं ठाहियूं वेंदियूं आहिन बियो त परे मछी बसर बि सिंधी रंधने में तैयार थींदड सिंधी रेसिपी आहे।
सिंधी रंधणे में हिक खास सिंधी रेसिपी आम तौर कम ग्रुप जे रूप में आन्दी वेन्दी आहे आहे जहिं खे चयबो आहे सेयल भाजी। बसर इन जो अहमियत वारो हिसो आहिन। सेयल भाजी जो नालो उन भाजी जे नाले ते हूंदो आहे जेका बसरन सां गडु वापिरी वयी हुजे मिसाल तौर करेला बसर या भिंडियूं बसर।
बेसण बसर निजु सिंधी खाधो आहे जेको फुल्के तोड़े चांवरन सां खाधो वेन्दो आहे। बेसण बसर हिक अहिडी सिंधी रेसिपी आहे जहिं खे रधिण सवलो आहे। जहिं में सिंधी रंधणे जी महक बि समायिल हूंदी आहे। भारत जे किन शहरन में बेसण बसर खे कचोडी बसर त किन में वरी बेसण जी आनी बि चयो वेन्दो आहे। सागिये नमूने किन हंदन ते बेसण बसर में बेसण जो टिकियूं फ्राई करे वापिरायूं वेंदियूं आहिन त किन हंदन ते बिना फ्राई करण जे। आम तोर बेसण जी टिकियुन जो आकार गोल या अंडे जहिड़ो थींदो आहे पर के इन खे मुसततील जो आकारु डयी ठाहिन था।
बेसण बसर - घुरिबल शयूं
टिकियूं ठाहिण वास्ते : बेसण , खसखस, ज़ीरो, गाडिहा मिर्च पीठल , सावा मिर्च ,लूण ऐं पाणी
बियूं शयूं : हैड्र पीठल , धाणा पीठल, कटियिल सावा धाणा, बसर, टमाटा, गीहु
बेसण बसर - ठाहिण (रधिण) जो तरीको
टिकियूं ठाहिण वासिते घुरिबल शयूं मिलाये हिक यकसां मिलावट ठाहियो। के टिकियूं ठाहिण वक़त बि थोरो गीहु कम आणिन था त के न।
मिलावट जो थोरो हिसो खणी उनखे गोल या अंडे जहिड़ी शिकिल में आणियो। के मुसततील जो आकारु पसंद कनि था।
तमाम थोरे गीह में इन्हन टिकियिन खे भूरो थियण तायीं तरियो।
कटियिल सावा मिर्च , बसर, टमाटा थांव में खणो ऐं हैड्र पीठल , धाणा पीठल मिलायो। लूण मिलायिण वक़त धिआनु रखो त टिकियिन में बि लूण आहे।
थांव खे बसरन जे रधजण तायीं घटि बाहि ते रखो। इन वक़त तायीं टिकियूं बि मउ थी वेन्दियूं ।
केतिरा माणुहू त बसर रधिण खां पोय टिकियूं मिलाईन्दा आहिन।
तव्हां जा बेसण बसर तैयार आहिन बस हाणे कटियिल सावन धाणन सां सजायो।
पहिंजी पसंद मूजिब फुलिके या चांवरन सां गडु खाओ।