डही कोकी
सिंधी रेसीपीज - निजु सिंधी खाधो - सिंधी नाशतो
डही कोकी निजु सिंधी खाधो त आहे पर चिलो ब्रेड वांगुर अहिडो सिंधी नाश्तो आहे जहिं जी बिन शयिन मां सिर्फ हिक ठाहिणी पवे थी ऐं बी ठहियिल बाजार मां आणे सघिजे थी। डही कोकी जी हालत में डही त चिलो ब्रेड मां ब्रेड तैयार हालत में बाजार में मिलन थियूं। वक़तसार सिंधी फ़ूड हैबिट्स में आयल तबदील सबब हाणोके समे में कोकी ठाहिण वास्ते बसर जो बि उपयोग थिये थो पर पुराणे वक़त में सिर्फ लूण ऐं कारन मिरचन जो उपयोग थींदो हो।
निजु सिंधी खाधो कोकी अहिडो खाधे जो पदार्थ आहे जेको 36 किलाकन खां बि वधीक अरसे तायीं ताजो रहे थो तहिं करे मुसाफिरी करण वक़त केतिरा सिंधी कुटुंब बिये डींहु सुबह जे नाशते या मुसाफिरी में घर जो खाधो खायिण जी मंशा सां कोकी ठाहे खणन्दा आहिन।
डही कोकी – घुरबल शयूं
कणक जो अठो – बसर – सावा धाणा – सावा मिर्च – डाढुहुन जी कण ( हाणोके समे में वधीक माणुहू कम न था आणिन) – लूण – पाणी – गीह (तव्हां जी पसंद मूजिब पर आम तौर पंजन कोकीन वास्ते चार चमचा )
नोटु : बेहतर थींदो जे कोकी तैयार करण खां अगु पहिरियूं बसर, सावा धाणा कटे ऐं सावन मिरचन जा ड्रिघा सन्हा टुकर तैयार रखिजन।
डही कोकी - ठाहिण जो तरीको
कणक जे अटे में घुरबल शयूं मिलाये मुनासिब अंदाज़ में पाणी विझी हमजिंस मिलावट जो कुछ हद तायीं सख्त गोडिहो तैयार कियो। जे तव्हां डाढुहुन जी कण कम आणियो त उहा बि मिलावट ठाहिण वक़त ई कम आणियो।
फुलिके लाय घुरबल चाणीअ खां थोड़ी वढी चाणी खणो ऐं हथ सां या वेले गोल कोकी ठाहियो।
गर्म तवे ते हिकु ब फुडो गीह विझी कोकी रखो।
वक़त ब वक़त कोकीअ जो पासो बदिलाइन्दा रहो जेस तायीं कोकी ते गाड़िहसुरे भूरे रंग जा चुटा नज़र अचन।
तव्हां जी कोकी तैयार आहे। तवे तां लाहे खाओ।
नोटु : [1] केतिरन घरन में डही जी जगह ते चांहि या पापड़ सां कोकी खाधी वेन्दी आहे।
[2] केतिरा भेरा बीमार खे हलको खाधो डियण जी मुराद सां खीरु ऐं बिना बसर वारी कोकी खाराई वेन्दी आहे।