डॉ जेठो लालवानी
Introductory / TSW Citation
घणि भाषी फेमस सिंधी साहित्यकार – टी वी रेडियो कलाकार – NCPSL डायरेक्टर – सिंधी लोक कला
12 मार्च 2021 ते देश में कोरोना सबब लॉक डाउन ज़ाहिर करण जे फेसिले जे हिकु साल पूरो थियण खां मकबूल सिंधी साहित्यकार NCPSL (नेशनल कॉउंसिल फॉर प्रमोशन ऑफ़ सिंधी लैंग्वेज ) जे अगूणे डायरेक्टर डॉ जेठो लालवानी वासिते तोड़े अहमदाबाद गुजरात जे सिंधी अदबी संसार जे वाशिंदन लाय साहित्य अकादमी वटां ख़ुश खबर आयी । घणि भाषी, घणि खेतरन में योगदान डियण वारे सिंधी अदबी दुनिया जे दुलारे डॉ जेठो लालवानी जे सिंधी भाषा ऐं सिंधी साहित्य में डिनल योगदान जी क़दुरशिनासी कन्दे खेसि सिंधी भाषा वासिते 2020 जे साहित्य अकादमी अवार्ड सां नवाज़ियो वयो। हीउ अवार्ड खेसि संदस सिंधी भाषा में लिखियल सिंधी किताब ज़िहादु (नाटक) वासिते डिनो वयो। डॉ जेठो लालवानी सिंधी लोक कला जे खेतर में बेमिसाल कमु कयो आहे। गांधीधाम वेझो वसियिल बनी गोठ जा केतिरा ई दोरा करे हिन साहिब सिंधी लोक अदब, सिंधी लोक गीत, सिंधी लोक नाटक ऐं सिंधी लोक रंग जे ख़ज़ाने जा दरवाजा आम सिंधी वासिते खोले छड़िया आहिन।
बायोग्राफी - जेठो लालवानी
अहमदाबाद निवासी डॉ जेठो लालवानी उन्हन विरलन फेमस सिंधी लेखन जी जमात मां आहे जिनखे हकीकी घणि भाषी लेखकन में शामिल करे सघिजे थो। सिंधी भाषा में मुख़तलिफ़ विषयन ते घटि में घटि 30 सिंधी किताब लिखण खां सिवाय डॉ जेठो लालवानी जा गुजराती तोड़े हिंदी भाषा में लिखियिल छह छह किताब छपिजी चुका आहिन। गुजिरियिल चयिन डहाकन खां बि वड़े साहित्यिक जीवन में मतलब 1976 में पहिरियों सिंधी किताब “माज़ी जा धुंधला अकस ” छपिजण खां पोय हीउ साहिब लगभग वीहन किताबन जो सिंधी तरजुमो बि करे चुको आहे। वेझडायी में सिंध जी यात्रा तां मोटी हिन साहिब मूर न विसारियां सिंध (मुसाफिरी विचूरनामो) इहो किताब लिखियो आहे।
नवाबशाह सिंध जे कण्डियारो गोठ में जमन देवी ऐं माधव दास लालवानी जे घर 08 मार्च 1945 ते जन्म वरतल बालक अगते हली सिंधी अदबी संसार जो हिक हरदिल अज़ीज़ अदीब, नामवर कवी, लेखक डॉ जेठो लालवानी जे नाले सां मशहूर थियो। हिन जे गुजराती भाषा में लिखियिल “सिंधी संगीत ऐं भगत ” उनवान वारे किताब त गुजराती अदबी दुनिया में तहलको मचाये छड़ियो। इन किताब इहो बि साबित कियो त सिंधी लोक संगीत ऐं लोक नाच जो डॉ जेठो लालवानी केड़ो न उनिहो अभियास कयो आहे।
डॉ जेठो लालवानी जी साहित्यिक रचनाउन में सिंधी लोक कला खे वरी जियारिण ऐं सिंधी अदब जे आलीशान वरसे खे कायम रखण जे डाव में कयल कोशिशूं महसूस थियन थियूं । हिन कोशिश सबब डॉ जेठो लालवानी पहिंजे समे जे प्रो नामदेव ताराचंदानी, डॉ सतीश रोहरा, , नन्द हिंदुजा, इंदिरा पूनावाला ऐं कलाधर मुतवा जहिडिन बियन सिंधी साहित्यकारन जो बि हरदिल अज़ीज़ थी वियो।
एम डी हायर सेकंडरी स्कूल में लाइब्रेरियन जी नोकरी हिन में आयल इन्किलाबी तबदील जो सबब बणी छो जो इन अरसे में खेसि सिंधी अदब जी सेवा वासिते हिमथाईन्दड माहोल मिलियो। हिन मुंबई यूनिवर्सिटी मां हासिल कियिल पी एच डी वास्ते थीसिस ” बनी जा लोक गीत” इहा नोकरी कन्दे ई पूरी कयी। इन दौरान खेसि वक़त बि वक़त आल इंडिया रेडियो ते सिंधी खबरुं पढ़िहण जो कमु बि मिलन्दो रहियो हुओ। स्टेज कलाकार, नाटक लेखक, डायरेक्टर तोर नामवर डॉ जेठो लालवानीअ अख़बार नवीस, कॉलम लिखन्दड ऐं एडिटर जो बि कमु किया आहे।
सिंधी भाषा, सिंधी साहित्य ऐं सिंधी लोक कला जे रुख में बि किन सामाजिक, अदबी ऐं तैलीमी संस्थाउन सां जुड़ी कमु करे योगदान डिनो आहे। के संस्थाउं जिन सां हीउ साहिब जुडियिल रहियो आहे से आहिन नेशनल कौंसिल फॉर प्रमोशन ऑफ़ सिंधी लैंग्वेज (NCPSL – डायरेक्टर), सिंधी अकादमी दिल्ली (सेक्रेटरी), गुजरात सिंधी साहित्य अकादमी (वाईस चेयरमैन) ऐं लॉयन्स क्लब ऑफ़ अहमदाबाद (प्रेसीडेंट) । हिन मुंबई ऐं गुजरात यूनिवर्सिटी जे बोर्ड ऑफ़ सिंधी स्टडीज जे मेंबर तौर बि कमु कयो आहे।
अदबी योगदान - लिखियिल किताब
डॉ जेठो लालवानी जा छपियल सिंधी किताब
सिंधी कहाणियूं
माज़ी जा धुंधला अकस – पोस्टमोरडम – रड़ि
सिंधी ड्रामा – सिंधी नाटक
तुहिंजा गम मुहिंजा आहिन – ओभरियूं लाहवारियूं (रेडियो नाटक) – हादिसो (रेडियो नाटक) – भयंकर पंजो (रेडियो नाटक) – आखरीन सिंधी (एकांकी) – ज़िहादु (साहित्य अकादमी अवार्ड)
सिंधी मज़मून – साहित्यिक लेख
विचार – नाटक ऐं रंग मंच कला – अदबी सुरिहां – अदबी विचार – अदबी गुंचो
सिंधी लोक कला
बनी जो सिंधी लोक अदब – बनी जा सिंधी लोक गीत – सिंधी लोक नाटक – सिंधी लोक रंग – सिंधी पीरोलियूं – सिंधी कच्छी लोक संस्कृति परम्परा – सिंधी भगत परम्परा -सिंधी लोक कहाणियूं -असां जो वरसो (लोक साहित्य)
बिया सिंधी किताब
नाटक कला जो विकास – सिंधी नाटय दरशन – फिल्म स्टार – माउ -कुतबी साहित – शारीरिक तैलीम: बदनी सिखिया (P.T.) – आज़ादी जो परवानो शहीद हेमू कालानी (बायोग्राफी) – मूर न विसारियां सिंध (मुसाफिरी विचूरनामो) – फुड़ो फुड़ो कूड़ो सचु (तरजुमो) – किताबी कीड़ो (बाल साहित्य) – मुहाग – गोबिंद माल्ही
Books Window
अवार्ड
साहित्य अकादमी अवार्ड (सिंधी भाषा): 2020
किताब जो उनवान: ज़िहादु (नाटक)
बिया अवार्ड
2004 – गुजरात सिंधी साहित्य अकादमी पारां गौरव पुरस्कार
2006 – गुजराती संगीत नाटक कला अकादमी पारां सत्कार
2010 – अखिल भारत सिंधी बोली ऐं साहित प्रचार सभा उल्हासनगर पारां सिंधी साहित्य जे योगदान ते हिक डीन्ह ( 25 दिसंबर 2010) जो खासु सेमीनार 2018 – साहित्य अकादमी जो तरजुमो अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.