गोवरधन शर्मा घायल
Introductory
सिंधी अदबी खेतिर में घणहुनरी शखसियतुन जी गालिह सो हले इहो पक आहे त पहिरियन नालन में हिकु नालो गोवरधन नामदेव शर्मा जो जरूर हूंदो आहे। हिकु कवी या शायर या बुनियादी रुप में गीतकार हुजण वारे गोवरधन शर्मा न सिरफ सिंधी नसर पर ड्रामा लिखण जी पहिंजी सलाहियतुन जो इजिहार कयो आहे पर गडोगडु अखबार नवीस तोर पिणु सिंधी भाषा जे वाधारे में योगदान डिनो आहे। हिन साहिब सिंधी सां गडु हिंदी साहित खे बि मालामाल कियो आहे। आदिपुर में हिक हिंदी टीचर जे रुप में जीवन जी शुरुआति करण वारो हीअु अदल इंडियन हाय स्कूल दुबई जे हिंदी डिपार्टमैंट जे हेड जे ओहदे ते हूंदे रिटायर थियो।
गोवरधन नामदेव शर्मा घायल : बायोग्राफी
अजु जे पाकिस्तान जे मेहड़ शहर में 01 दिसंबर 1937 ते गोवरधन शर्मा जो जनम निधी देवी ऐं नामदेव शर्मा जे पुट्र जे रुप थियो आहे। इहो चवण गलत न थींदो त 1947 जे विरहाङे सबब गोवरधन शर्मा जी रीतसर पढ़ायी गांधीधाम में संदस परिवार जे लड़े अची थाईंके थियण खां पोय शुरु थी।
साल 1955 में खेसि राष्ट्र भाषा प्रचार समिति वर्धा सां जुडी सिरफ 18 सालन जी उमिर में ई परीवार जे कमायिण वारन भातिन में शुमारिजण जो मोको मिलियो। 1955 खां 1970 तायीं राष्ट्र भाषा प्रचार समिति सां जुडियो रहंदे गोवरधन शर्मा बतोर हिंदी टीचर, पेपर सेट करण वारे ऐं एग्जामिनर जे रुप में कमु कयो।
गांधीधाम में रहंदे हूंदे ई खेसि पहिंजे अंदर जे रचनाकार जी वाकफियत मिली ऐं हिन साहिब सिंधी कविता गीत लिखण जी शुरुआति कयी। संदस पहिरियीं कविता 1954 में मशहूर हफतेवार अख़बार हिंदवासी में छपिजी त संदस पहिरियों कविता संग्रह छेड़ि सखी सरगम 1960 में शाया थियो।
1970 खां गोवरधन शर्मा पुणे में रहण लगा ऐं 1974 में पुणे यूनिवर्सिटी मां M.A. (सिंधी में ) जी डिग्री हासिल कयी। पुणे अचण जे शुरुआती समे में कुझु अरसे तायीं तुलसी महाविद्यालय में कमु करण खां पोय गोवरधन शर्मा बी टी शहाणी नवीन हिंद हाय स्कूल ऐं ज्यू. कॉलेज, डेकन कॉलेज एंड पोस्ट ग्रेजुएशन रिसर्च इंस्टीटूशन ऐं सेंट मीरा कॉलेज फॉर गर्ल्स सां बतोर सिंधी लेक्चरर जुडी कमु कियो।
साल 1983 में खेसि दुबई जे इंडियन हाय स्कूल में बतोर हिंदी टीचर कमु करण आछियो वियो जेको हिन कबूल करे दुबई वंञण जो फेसिलो कियो। साल 2000 में जदिहिं हुन रिटायर कियो त सागिये स्कूल में हेड ऑफ़ हिंदी डिपार्टमेंट जे ओहदे ते हुओ। दुबई मां वापस पुणे अचण खां पोय 2001 में पहिंजी सदारत हेठि सिंधी अदबी सभा पुणे बरपा कयी ऐं अजु तायीं बतोर फॉउंडर प्रेसीडेंट संभाले रहिया आहिन।
गोवरधन शर्मा : बिया कम ऐं ओहदा
सिंधी साहित सभा : जनरल सेक्रेटरी (1970 – 1983)
सर्व भारत सिंधी बोली साहित कला विकास सभा दिल्ली : जनरल सेक्रेटरी (1975 – 1983)
नूतन लेखक संघ पुणे: बरपा कंदड प्रेसीडेंट (1974)
मेंबर ऑथर गिल्ड ऑफ़ इंडिया दिल्ली
अखिल भारत सिंधी बोली ऐं साहित सभा जयपर एग्जीक्यूटिव मेंबर
महाराष्ट्र राज्य सिंधी अकादमी : नॉमिनेटेड मेंबर (2015-2017)
NCPSL दिल्ली : : नॉमिनेटेड मेंबर (2015-2017)
डेकन कॉलेज पुणे जे डिपार्टमेंट ऑफ़ लिंगविस्टिक में 1972 -1983 जे दोरान सिंधी लिंगविस्टिक लाय बतोर रिसर्च असिस्टेंट कमु
कविता, ड्रामा, मजमून ऐं गीत लिखण सां गडु गोवरधन शर्मा साहिब किन किताबन जी एडिटिंग खुद कंदे त किन जी बियन सां जुडी करण सां गडु कुझु टेक्स्ट बुक पिणु लिखिया आहिन। हिन साहिब हिंदवासी ऐं बियन केतिरिन ई अखबारुन मैगजीन जे पुणे ऐवजी तोर कमु करे सिंधी भाषा जे वाधारे में बतोर अखबार नवीस पिणु योगदान डिनो आहे। केतिरिन ई अदबी सेमिनार्स में शामिल थियण वारो हीअु अदल सिंधी भाषा ऐं साहित सां जुडियल रेडिओ ऐं दूरदर्शन जे टॉक शोज में बि सरगम रुप में नजर आयो आहे।
अदबी योगदान :
छपियल किताबन जी लिसट :
सिंधी किताब :
01. छेड़ि सखी सरगम (1960) 02. उहे माउर भली मुरकनि (1962) 03. कूंजू थ्यूं कुणिकनि ((1967) 04. कलम जो सिपाही (1973) 05. मेड़ी चूंड़ी (1998) 06. टुकिरा टुकिरा निडं (2002) 07. के साईतूं सजण सां (2006) 08. पेही मंझ पातार (2010) 09. ऐं मां सिंध पहुची वियुसि (2010) 10. अखियूं बूटिण खां अवल
एडिटेड किताब :
पेशि पिरियुन जे (2002) – 02. उमंग (2003) ऐं 03. अंगूर (2004)
Books Window
Awards, Recognitions & Felicitation
साल 2001 में NCPSL पारां रोक इनाम
साल 2002 में नासिक जे सिंधु साहित कला मंडल गोवरधन शर्मा जे डिनिल योगदान ते हिक राष्ट्रीय सेमीनार करायो ऐं संदस योगदान गोवरधन शर्मा घायल (फनु ऐं शखसियत) उनवान वारे किताब जे रूप में शाया कियो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.