हरी मोटवानी
TSW Citation / Introduction
सिंधी लेखक पब्लिशर – सिंधी मैगज़ीन – साहित्य अकादमी अवार्ड 1995 – सिंधी फिल्म – होजमालो
हरी मोटवानी जी हयाती इन गालिह जो ज़िंदह मिसालु आहे त जेकडहिं इंसान में जज़्बो हुजे त उहो केतिरे न बेहतर नमूने ऐं अलग अलग सिन्फ़ में असिराइतो योगदान कन्दे सिंधी भाषा ऐं सिंधी साहित्य जे वाधारे तोड़े सिंधी सभ्यता ऐं वरसे जी महफ़ूज़ी जे रुख में लासानी कमु करे सघे थो। हरी मोटवानी खे कामियाब सिंधी फिल्म होजमालो प्रोडयूस करे सिंधी सभ्यता जो वरसो कायम रखण, बतोर सिंधी अख़बार नवीस सिंधी साहित्यिक मैगज़ीन कुंज शुरू करे सिंधी अदबी वरसे खे अगिते वधायिण , केतिरियूं ई सिंधी कहाणियूं ऐं सिंधी नॉवेल लिखी सिंधी साहित्य तोड़े सिंधी भाषा जे वाधारे में अमोलक योगदान डियण जो जसु हासिल आहे।
बायोग्राफी - हरी नारायणदास मोटवानी
हरी नारायणदास मोटवानी जेको सिंधी भाषा वासिते साहित्य अकादमी अवार्ड हासिल कन्दड़ सिंधी साहित्यकार ज़मात में शुमारियिल आहे सो अदबी दुनिया में हरी मोटवानी जे नाले सां वधीक मशहूर आहे। हरी मोटवानी जो जन्म 30 नवम्बर 1929 ते लाडकाणे सिंध में थियो हो। मुल्क जे विरहांङें सबब हरी जी पढ़ाई अध में छडिजी वयी छो जो विरहांङें खां थोरो अगु हू भारत में मायट्रन वटि आयो हो ऐं वापस सिंध कोन मोटी सघियो। इन हादसे हरी जे दिल में सिंध वासिते खास खलिस ऐं कशिश पैदा कयी। पंहिजे अबाणे मुल्क जी पियास पूरी करण वास्ते हुन सिर्फ 1986 खां 2005 तायीं लागीतो सिंध जा दोरा किया। इन्हन दोरन हरी खे दिली संतोष त डिनो पर गडोगडु इन दौरान हुन भारत ऐं सिंध जे अदीबन जे विच में पुल जो कमु बि कियो।
अदबी दुनिया जे दोस्तन जी सलाह ते हरी प्रिटिंग ऐं पब्लिशिंग को कमु शुरू कियो। कुछ वक़त खां पोय सिंधी भाषा खे हर सिंधी घर तायीं पहुचायिण जो मकसद सामहूं रखी सिंधी अदबी मैगज़ीन “कुंज” बि शुरू कयी। तमाम घटि पढ़ियिल हरी मोटवानी केतिरा ई साल मैगज़ीन जे एडिटर जो बि कमु कियो। इन दौरान हिन कहाणियूं लिखण शुरू कयूं। अगते हली हुन कुझु सिंधी नॉवेल बि लिखिया । 1970 में हुन होजमालो नाले सिंधी फिल्म प्रोडयूस कयी। 1998 में सिंधी साहित्य अकादमी जे एडवायजरी बोर्ड जे मेंबर तौर पिण कमु कयो।
अप्रैल 2006 जी पछाड़ीअ में हरी दिल जे दोरे सबब अस्पताल में दाखिल थियो डॉक्टर्स जूं कोशिशूं संदस हयाती कोन बचाये सघी ऐं 07 मई 2006 ते हुन जो सुरगवासु थियो। हरी मोटवानी जो आखरीन इच्छा मूजिब संदस हाठियिन जो हिकु हिसो त बरिवक़त ई गंगा में वहायो वयो हुओ पर बियो हिसो 05 जुलाई 2007 ते कोटरी में सिंधु [इंडस] नदी में परिवाह कयो वयो।
अदबी योगदान - लिखियल किताब
सिंधी भाषा में सिंधी कहाणी तोड़े सिंधी नॉवेल जो सिरजन करे हरी मोटवानी इन सोच खे गलति साबित कयो त वधीक पढिहियल हुजण ऐं साहित्यिक योगदान इहे पूर विछोट लीकूं आहिन।
हरी मोटवानी जा लिखियल किताब
1983- पनियरा पखी
1988 – जुड़ियिल जिन सां जिंदु
1988 -अबो
1990 – अझो
1991 – खुद्दार
1994 – अछा वार कारा भंवरां
1997 – आखिरी पन्ना
1999९ – विभाजन [हिंदी में]
Books Window
अवार्ड - हरी नारायणदास मोटवानी
साहित्य अकादमी अवार्ड (सिंधी भाषा): 1995
किताब जो उनवान: अझो (सिंधी नॉवेल)
बिया अवार्ड
हरी मोटवानी जो केतिरा ई भेरा सत्कार थियो आहे। के अहिड़ा खास चूंड मोका आहिन: –
1993 – अदबी योगदान अवार्ड प्रो राम पंजवानी कल्चरल सेंटर पारां
1994 – खुदार वास्ते महाराष्ट्र सरकार पारां अवार्ड
1994 – श्री राम कृष्ण जय दयाल हारमनी अवार्ड – हीउ हरी जे दिल जे वेझो हो छो जो इहो अवार्ड खेस मदर टेरेसा पहिंजन हथन सां डिनो हो।
1996 -अदबी योगदान अवार्ड शरतचंदर बर्थडे सेलिब्रेशन कमेटी पारां
2001 – सरस्वती अवार्ड हिंदी साहित्य समेलन प्रयाग जे दौरान
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.