इंदिरा वासवानी
Introductory / TSW Citation
फेमस सिंधी लेखिका – सिंधी औरत – साहित्य अकादमी अवार्ड 2012 – सिंधी टीचर
इंदिरा वासवानी अज़ोके मॉडर्न ज़माने जी सिंधी औरत जी नुमाइन्दगी करे थी जेका न सिर्फ उची तैलीम हासिल करण, तैलीम तोड़े पहिंजी सलाहियतुन जो समूरो उपयोग करण में विशवास करे थी। उची तैलीम हासिल कयल इंदिरा पहिंजी हयाती जी शुरुआत सिंधी टीचर तोर कयी। सिंधी साहित्य में हिक नयीं सुरिहां तोर हुन पहिंजी पंहिंजो नालो (इंदिरा जे पहिरियें सिंधी कहाणी संग्रह जो उनवान) रोशन कन्दे सिंधी अदबी दुनिया खे पंहिंजी मौजूदगी जो अहसास करायो। पहिंजे सिंधी साहित्यकार पति प्रो हरीश वासवानी वांगुर हुन पिणु भारत जे अदबी संसार जो वड़े में वडो अदबी अवार्ड, साहित्य अकादमी अवार्ड हासिल कयो आहे।
बायोग्राफी -इंदिरा हरीश वासवानी
मीरपुर खास सिंध में 21 अगस्त 1936 ते जन्म वठण वारी इंदिरा वासवानी सिंधी अदबी दुनिया मां सिर्फ पंजी सिंधी औरत आहे जहिं खे सिंधी भाषा वासिते साहित्य अकादमी अवार्ड मिलियो आहे। खेस इहो अवार्ड संदस सिंधी कहाणिन जे संग्रह “मिटीअ खां मिटीअ तायीं” 2012 में मिलियो। इंदरा वासवानी जे मुड़स ऐं सिंधी अदबी दुनिया जी मकबूल शख्सियत प्रोफेसर हरीश वासवानी खे इहो अवार्ड 1987 में मिली चुको हुओ मतलब ज़ाल मुडुस बिन्ही इहो अवार्ड कयो आहे। सिंधी अदबी दुनिया मां डॉ मोती प्रकाश ऐं कला प्रकाश खां पोय इंदिरा ऐं हरीश बियो अहिड़ो सिंधी जोड़ो आहिन जिन बिन्ही खे मुल्क जे वड़े में वड़े अदबी अवार्ड सां नवाज़ियो वियो आहे।
M.A., B.Ed. इंदिरा वासवानी टीचर जे कम सां हयाती जी शुरुआत कई ऐं गांधीधाम, आदिपुर जे जे. एस. आदर्श कन्या महाविद्यालय जे प्रिंसीपल जे ओहदे ते हूंदे रिटायरमेंट वरती। सिंधी अदबी दुनिया सां इंदरा वासवानी जी शुरुआती वाकफियत हिक नामवर तैलीमदान ऐं फेमस सिंधी लेखक प्रो. हरीश वासवानी जी जीवन संगिनी जे रूप में हुयी पर 1988 खां वठी, जडहिं हिन जो पहिरियों सिंधी कहाणिन जो किताब “नालो ” उनवान सां छपजियो तडहिं खां इंदिरा वासवानी पहिंजी अलहदा सिरजनातमक वाकफियत हासिल कयी आहे। किताब जे उनवान नालो वांगुर इंदिरा जो नालो बि सिंधी अदबी माहिरन तोड़े सिंधी किताब पढ़हन्दड आम माणुहुन में पसंदीदा बणिजी वियो।
इंदिरा वासवानी खे नेशनल बेस्ट टीचर अवार्ड बि मिली चुको आहे। मुख्य तौर सिंधी कहाणियूं लिखन्दड इंदिरा कुछ कविताऊं बि लिखियूं आहिन। खेस आल इंडिया रेडियो जे केतिरन ई टॉक शो ऐं फीचर प्रोग्राम में बहरो वठण जो बि आज़मूदो आहे। इंदिरा ऐं हरीश वासवानी खे हिक धीउ शेफाली वासवानी आहे। इंदिरा वासवानी जो 17 अक्टूबर 2012 ते सुरगवासु थियो।
अदबी योगदान - लिखियल किताब
मुख्य तौर सिंधी कहाणियूं लिखन्दड इंदिरा कुछ कविताऊं बि लिखियूं आहिन। संदस लिखियल किताबन जी चूंड लिस्ट
नालो
मंजीरी
मिटीअ खां मिटीअ तायीं
Books Window
अवार्ड - इंदिरा वासवानी
साहित्य अकादमी अवार्ड (सिंधी भाषा): 2012
किताब जो उनवान: मिटीअ खां मिटीअ तायीं (सिंधी कहाणी संग्रह)
बिया अवार्ड
नेशनल बेस्ट टीचर अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.