ईश्वर मूरजानी
Introductory / TSW Citation
सिंधी कहाणी – जीजल – सिंधी साहित्य – फेमस सिंधी लेखक – सिंधी साहित्य अकादमी अवार्ड 2019
ईश्वर मूरजानी हिकु अहिड़ो सिंधी साहित्यकार आहे जहिं खास करे सिंधी कहाणी – शार्ट स्टोरीज वसीले सिंधी साहित्य में योगदान डिनो आहे। सिंधी कहाणी लिखण जे सिलसिले में जेके बिया नाला मुहिंजे धियान में अचन था से आहिन गोबिंद माल्ही – हालांकि खेस मुख्य तोर सां नॉवेल नवीस लेखियो वेंदो आहे पर संदस लिखियिल सिंधी कहाणी – शार्ट स्टोरीज न सिर्फ असिराइतूं पर आम माणुहू खे बि पसंद पवण वारियूं आहिन। सिंधी अदब में महिला कहाणीकार तोर मशहूर पोपटी हीरानंदानी, कला प्रकाश ऐं इंदिरा वासवानी । ईश्वर मूरजानी जी सिंधी कहाणी लिखण में महारत जो अंदाज़ इन गालिह मां मिले थो जो संदस छपियल 12 किताबन मां अठ सिंधी कहाणी संग्रह आहिन सिर्फ ऐतिरो ई पर खेस 2019 जेको सिंधी भाषा वासिते साहित्य अकादमी अवार्ड मिलियो आहे उहो पिण कहाणी संग्रह जीजल वास्ते मिलियो आहे। धियान डियण जोगो आहे त सिंधी भाषा में जीजल जो उपयोग माउ [माता] वास्ते थिये सो इहो चयी सघिजे थो त विद्या जी देवी माता – जीजल सरस्वती पहिंजे बालक ईश्वर मूरजानी खे पहिंजे आशीर्वाद जे रूप में जसु ऐं मशहूरी डिनी।
बायोग्राफी - ईश्वर मूरजानी
ईश्वर मूरजानी जो जन्म 17 जुलाई 1942 ते टंडो आदम सिंध में थियल आहे मतलब हू उन्हन सिंधी साहित्यकारन जी जमात जो हिसो आहे जिन जे बालपणे खे भारत लड़े अचण जी मज़बूरी सबब पैदा थियल दुखन ऐं तक़लीफ़ुन खुशगवार बणिजण न डिनो। पिता लालचंद ऐं परिवार भारत लड़े अची अलवर में थाईंको थियण चाहियो पर उहे लड़े जयपुर जे वेझो सांगानेर में रहण लगा। 1951 में मूरजानी कुटुंब बेहतर सहूलियतुन ऐं धंधे जे वधीक मोकन खे धियान में रखी अहमदाबाद गुजरात हलिया आया।
अहमदाबाद हिकु अहिड़ो शहर आहे जिते शुरुआत खां ई निसबती तोर ते सिंधी आदमशुमारी वधीक रही आहे। अहमदाबाद में न सिर्फ सिंधी अखबारुं छपिजन पर अदबी इजलास ऐं मीटिंग थींदियूं रहन। स्कूली तैलीम हासिल करण वारे उन वक़त जे बालक ईश्वर खे न सिर्फ सिंधी साहित्य पढ़िहण में चाहु अचण लगो पर हू अदबी प्रोग्रामन में बि हाज़िरी भरिण लगो। गोबिंद माल्ही साहिब जी सिंधी कहाणी शरणार्थी खेसि बेहद मुतासिर कयो। बी ए इम्तिहान पास करे धंधे ते धियान डियण वारे ईश्वर मूरजानी सिंधी साहित्य सिरजन ते वधीक धियान डियण जो पको विचार कयो। जीयं त खेस सिंधी कहाणी में खास चाहु हुओ सो हुन इन रुख में ई रचना करण जो फेसिलो कयो।
मूरजानी साहिब जे हेल ताईं शाया थियल 12 किताबन मां 9 कहाणी संग्रह, 2 नॉवेल ऐं हिकु मज़मून संग्रह आहिन। बांध (हिंदी लघु कथायें) ऐं I Take the Baby (अंग्रेजी नॉवेल) खां सिवाय बाकी 10 किताब सिंधी में आहिन। मूरजानी साहिब जो पहिरियों किताब – कहाणी संग्रह -जाहिर- 1972 में छपिजियो हुओ त जीजल 2018 में जहिं वासिते साहित्य अकादमी साल 2019 जो सिंधी भाषा वासिते साहित्य अकादमी अवार्ड डयी सिंधी साहित्य में ईश्वर मूरजानी जे योगदान जी साराह कयी।
ईश्वर मूरजानी जे सिंधी कहाणी खेतर में अचण खां अगु हिक काफी नंढे अरसे लाय इन खेतर में हिक खालु जो अहसास पे थियो पर ईश्वर मूरजानी सां गडोगडु कुछ बियन बेहतरीन रचनाकारन, गुनो समतानी, मोहन कल्पना, लखमी खिलानी , हरी हिमथानी, इंदिरा वासवानी, मुमकिन आहे के नाला शामिल थियण खां रहिजी विया हुजन, न सिर्फ सिंधी कहाणी लिखण जी कला में का कमी महसूस थियण डिनी पर हर सिंधी घर में सिंधी कहाणी जा शैदाई पैदा करण में लेखे जोग योगदान डिनो। ईश्वर मूरजानी साहिब सिंधी कहाणी लिखण जे बुनियादी तत्वन, पेश करण जो तरीको – भाषा बाबत पाबंद रहण ऐं इलिम अख़लाक़ , सामाजिक हलचल, सामाजिक तबदील या वकती विषयन खे कहाणी जो आधार बणायिण – ते खास डिनो सो हिन साहिब जूं लिखियिल सिंधी आखाणियूं सिर्फ आम शहरी जे मन खे पसंद पयूं पर नक़ादन वटि बि साराह करण खां सिवाय बी गालिह बाकी न रही।
अदबी योगदान - लिखियल किताब
ईश्वर मूरजानी जे छपियिल सिंधी किताबन जी लिस्ट:
सिंधी कहाणी संग्रह
ज़ाहिर – दुशमन – पहाड़ – खुशीराम जी गोलिहा में – गरदिश – झिरकियूं – शार्ट कट – जीजल
बिया किताब
दीवारुं (सिंधी नॉवेल) – सिंधी कहाणी (साहित्यिक मज़मून)
Books Window
ईश्वर मूरजानी - अवार्ड
साहित्य अकादमी अवार्ड (सिंधी भाषा): 2019
किताब जो उनवान: जीजल
बिया अवार्ड
सिंधी साहित्य में डिनिल योगदान वास्ते NCPSL ब (2) भेरा संदन सत्कार तोर अवार्ड
गुजरात साहित्य अकादमी पारां साहित्य गौरव पुरस्कार
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.