डॉ जगदीश लछाणी
Introductory / TSW Citation
सिंधी साहित्य – सिंधी तैलीमदान – सिंधी लेखक – साहित्य अकादमी अवार्ड 2017
सिंधी भाषा वासिते 2017 जे साहित्य अकादमी अवार्ड सां हिकु मज़ेदार संजोग जुडिजी वयो आहे। डॉ जगदीश लछानी जन जे 2017 तायीं छपियल किताबन जो तादाद आहे पंजाहु ऐं साहित्य अकादमी जे इतिहास में डॉ लछाणी साहिब इहो मानवारो अवार्ड हासिल करण वारा पंजाहुवां सिंधी साहित्यकार आहिन। उल्हासनगर जे एस डी टी कालानी कॉलेज ऑफ़ आर्ट्स, साइंस ऐं कॉमर्स जे प्रिन्सीपाल तोर कम कयल डॉ जगदीश लछाणी जन हिक शानदार सिंधी तैलीमदान तोर बेहद मशहूर आहिन। साहित्यिक नुक़तचीनी तोड़े बाल साहित्य संदन पसंदीदा दायिरा आहिन त सिंधी लोक कहाणियूं हिन अदल में जोश जगाये वधीक सिरजनातमक सिंधी साहित्य रचिण वासिते हिमथायिन थियूं। टीम TSW जे धियान में इहा गालिह आयी आहे त सिर्फ मथे साहित्य अकादमी वारो संजोग न पर बिया केतिरा ई संजोग डॉ जगदीश जी ज़िंदगी सां जुडियल आहिन जेके हेठि शेयर कजन था।
खामोश जिंदगी में साहित जी रुपरेखा डीठी सुधा, उसूल ऐं आलोचना बुधी कुए आंदी कुंवार
गियान गंगा वही दिल जी दुनिया में ,लाहूती लडे वया मां त आजाद सचल आशींदे लज मरां।
रंगीन अखर डॉ लछाणी जे किताबन जा उनवान आहिन।
बायोग्राफी - डॉ जगदीश लछाणी
“आशीन्दे लज़ मरां ” कहिं बी बायोग्राफी जी शुरुआत इन्हन अखरन सां थींदे डिसी तव्हां खे अज़ब थींदो हूंदो पर हकीकत में इहो उनवान आहे डॉ जगदीश लछाणी जे उन किताब जो जहिं वास्ते सिंधी तैलीमी तोड़े अदबी संसार जी हिन लाड़ली शख्सियत खे 2017 जे सिंधी भाषा वासिते साहित्य अकादमी अवार्ड सां नवाज़ियो वयो आहे। हाणे हिक बी मज़ेदार ऐं अज़ब वारी गालिह ते धियान डियो जगदीश लछाणी जन 50वां सिंधी अदीब आहिन जिन खे सिंधी साहित्य जो इहो आला दरिजे जो अवार्ड मिलियो आहे ऐं हेल तायीं संदन छपियल किताबन जो तादाद बि 50 आहे।
4 दिसम्बर 1939 में पीर गोठ सिंध में सोभराज लछाणी जे घर जन्म वठण वारे जगदीश लछाणी खे बियन बारन जी भेट में कुछ वड़े अरसे वारो बालपणो नसीब थियो छो जो उन समे सिंध जा सिंधी बुड तर में हुआ त उहे सिंध में रही सघन्दा या उन्हन खे भारत लड़े वञणो पवन्दो? नतीज़े तोर जगदीश जी स्कूली तैलीम जी शुरुआत भारत में अचण खां पोय अठन सालन जी उमिर में थी।
जे धियान डिजे त 2001 में जडिहिं मुंबई यूनिवर्सिटी मां हिन अदल खे पी एच डी मिली त हू पहिंजी उमिर जे सतें डहाके में हुओ। हिन साईं जे लिखियल किताबन मां पहिरियों किताब खामोश ज़िंदगी (नंढियूं आखाणियूं) 1957 में छपजियो हो त 50 हों किताब राम पंजवानी (हिंदी भाषा में खास मज़मून) 2017 में छपिजियो आहे मतलब 60 सालन जो अदबी सफर। हाणे जे इहो चयिजे त डॉ जगदीश लछाणी जे जीवन ते तैलीम ऐं अदब जी हुकूमत रही आहे त छा गलत थींदो?
डॉ जगदीश लछाणी पहिंजी तैलीम खेतर जी ज़िंदगी जी शुरुआत 1958 में बतोर स्कूल टीचर कयी हुयी। पोस्ट ग्रेजुएशन करण खां पोय हू उल्हासनगर जे एस डी टी कालानी कॉलेज ऑफ़ आर्ट्स, साइंस ऐं कॉमर्स सां जुडियो जिते हुन अगते हली प्रिंसीपल जो ओहदो माणियो। कुछ वड़े अरसे वारे बालपणे वांगुर जगदीश लछाणी खे अटकल चैईन डहाकन जे अरसे वारो तालिबे -इल्म तोर सिखण वारो अरसो बि नसीब थियो आहे। हुन 1963 में पूना जी डिग्री हासिल कयी त बी एड , एम ए (हिंदी तोड़े सिंधी में ) ऐं एम फिल करण खां पोय 2001 में मुंबई यूनिवर्सिटी मां पी एच डी हासिल कयी आहे। मतलब 1963 खां 2001 तायीं हुन बतोर विद्यार्थी जीवन जो लुतुफ़ माणियो आहे।
डॉ जगदीश लछाणी जन पहिंजी पेन तोड़े विचारन खे विषयन जी कहिं हद अंदर महदूद रखण जी जगह ते केतिरिन ई विषयन ते लिखियो आहे तहिं हूंदे बि इहो महसूस थिये थो त बाल साहित्य, अदबी नुक़तचीनी ऐं टेली प्ले संदन खास पसंदगी जा विषय आहिन। सिंधी लोक कहाणियूं बि हिक बियो अहिड़ो विषय आहे जेको न सिर्फ हिन अदल जी दिल जे वेझो आहे पर जहिं बाबत लिखंदे हिन जे कलम खे बि वधीक ख़ुशी मिले थी।
सिंधी अदबी तोड़े तैलीमी उफ़क़ खे वधीक रोशन बणायिण ऐं भारत तोड़े दुनिया जी सिंधी कौम जी राह रहबरी में डॉ जगदीश लछाणी जे योगदान जी क़दरसानी कन्दे NCPSL हिन अदल खे लाइफ टाइम अचीवमेंट अवार्ड (पंज लख रूपया रोक) सां नवाज़ियो आहे। इहो अवार्ड डॉ जगदीश लछाणी खे गुजिरियिल 3 जून 2018 ते मुंबई में थिएल हिक शानदार प्रोग्राम में डिनो वियो।
देश विदेश जी किन यूनिवर्सिटी वासिते पी एच डी सिंधी जे Evaluator/Examiner तोर कम करण वारा डॉ जगदीश लछाणी जन काफी वड़े अरसे तायीं सिंधी भाषा जे बोर्ड ऑफ़ स्टडीज जे मेंबर तोर मुंबई यूनिवर्सिटी ऐं महाराष्ट्र राज्य बोर्ड ऑफ़ सेकंडरी एंड हायर सेकंडरी एजुकेशन पुणे सां जुडियिल हुआ। हिनन NCPSL नई दिल्ली ऐं महाराष्ट्र राज्य सिंधी साहित्य अकादमी जे मेंबर तोर बि सिंधी भाषा जे विकास जे रुख में योगदान डिनो आहे।
छपियल किताब - अदबी योगदान
डॉ जगदीश लछाणी जे छपियल किताबन जी चूंड लिस्ट हेठि डिजे थी।
सिंधी बाल साहित्य
रूपनगर जी राजकुमारी – बाल कहाणियूं – कूअन जी बसती -विज्ञान जूं आखाणियूं – कुकुड़ ऐं केंचुओ – आखाणियूं – अटॉमिक धमाको – दादा की कहानियां (हिंदी में )
सिंधी नॉवेल
सुधा – मन जोगी
बिया किताब
नाटक ई नाटक – खामोश ज़िंदगी – सिंधी अदबी रूपरेखा – नओं साहित्य – झिरकी लधो तखो – साहित्य रूप -उपन्यास सिंधी उपन्यास – शाह ऐं सूफी मत – सिंधी लोक कहाणियूं – ज्ञान गंगा (कहाणी संग्रह) – सिंधी कहाणी जो ओसर – लाल हीरे जी गोलिहा – साहित्य जी परख – अदबी तसवीरूं – जोगिअरा जहान में – अदबी तनक़ीद – एम कमल जी शाइरी – मोहन कल्पना – पवन शाल कबूल – अदबी रिहान – नसर नज़म ऐं उन जो अदबी पसमंज़र – रोशन राह – मक़ाला ऐं तबसरा – श्याम जयसिंघानी – लाल पुष्प – प्रेम प्रकाश – वासदेव मोही – नयीं कविता – यादुन जा वरक़ – लाहूती लड़े वया – दिल जी दुनिया – गुनो समतानी (हिंदी में) – आशीन्दे लज़ मरां – राम पंजवानी (हिंदी में) – शाइरी वासदेव मोही जी – शाह लतीफ़ ऐं जोगी
Books Window
डॉ जगदीश लछाणी - अवार्ड
साहित्य अकादमी अवार्ड (सिंधी भाषा): 2017
किताब जो उनवान: आशींदे लज मरां
बिया अवार्ड
1988 – सेंट्रल हिंदी डायरेक्टरेट न्यू दिल्ली पारां अवार्ड
1999 – महाराष्ट्र सिंधी अकादमी जो बेस्ट बुक अवार्ड साहित्य जी परख वासिते
2000 – N.C.P.S.L. जो बेस्ट बुक अवार्ड साहित्य जी परख वासिते
2002 – राइटर्स ऐं आर्टिस्ट वेल फेयर फाउंडेशन पारां सिंधी साहित्य जे योगदान वासिते अवार्ड
2008 – NCPSL पारां एम कमल जी कविताउन वासिते अवार्ड
2011 – सिंधी सभा मुंबई पारां शेख अयाज़ अवार्ड
2012 – प्रियदर्शनी अवार्ड ऐं सेंट्रल साहित्य अकादमी न्यू दिल्ली जो बाल साहित्य पुरस्कार
2013 – युथ सर्किल ऑफ़ उल्हासनगर पारां लाइफ टाइम अचीवमेंट अवार्ड
2018 – NCPSL पारां लाइफ टाइम अचीवमेंट अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.