कला प्रकाश
Introductory / TSW Citation
फेमस सिंधी लेखिका – सिंधी नॉवेल – साहित्य अकादमी अवार्ड 1994 – (27) सिंधी अदीब
कला प्रकाश हिक फेमस सिंधी नॉवेल लेखिका आहे जहिं पहिंजी खासि मयारु वारी लेखणी सां साबित कयो आहे त सिंधी औरत, मरदन खां पोयिते कोन्हे चाहे उहो खेतर सिंधी भाषा में लिखी सिंधी साहित्य जी सेवा या सिंधी तहज़ीब खे महफूज़ रखण जो छो न हुजे। कहिं बि कुटुंब वासिते इहा फ़खुर जी गालिह आहे त ज़ाल मुडुस बिन्ही खे सिंधी भाषा वासिते साहित्य अकादमी जे मान वारे लेखिये वेन्दड साहित्य अकादमी अवार्ड सां नवाज़ियो वञे। कला प्रकाश खे इहो अवार्ड 1994 में “आरसीअ आडो ” वासिते मिलियो त संदस मुडुस डॉ मोती प्रकाश खे 1988 में “से सभु सांढियम साह सीं ” वासिते साहित्य अकादमी अवार्ड मिली चुको हुओ।
बायोग्राफी - कला प्रकाश
02 जनवरी 1934 ते कराची सिंध में जावल कला प्रकाश सिंधी साहित्य जगत में हिक कामियाब ऐं फेमस सिंधी लेखिका जो दरिजो रखन्दी आहे। जे हकीकत में डिसजे त संदस सही सुञाणप आहे त हुअ हरदिल अज़ीज़ लेखिका आहे जहिं जा लिखियिल सिंधी नॉवेल माणुहुन खे बेहद वणन्दा आहिन। सिंधी नॉवेल ऐं कहाणिन खां सिवाय कला प्रकाश जी लिखियिल कविताउन [नज़म ] जो हिकु किताब ऐं संदस सिंध यात्रा जो मुसाफिरी विचूरनामो [ travelogue] बि छपिजी चुका आहिन। 1954 में मोती प्रकाश सां संदस शादी थी। 1977 खां डॉ मोती जी नौकरी सबब जोड़ो दुबई में रहण लगो। अटकल 25 सालन खां पोय 2002में हू भारत वापस मोटिया ऐं आदिपुर में रहण लगा। इहो कला जो सिंधी तहज़ीब ज़िंदह रखण जो जज़्बो हुओ जो हुअ इंस्टिट्यूट ऑफ़ सिन्धोलॉजी मारफ़त सिंधी भाषा ऐं सिंधी साहित्य सेवा में लगी वयी।
कला प्रकाश जे सिंधी अदबी दुनिया जे सफर जी शुरुआत संदस 1953में लिखियल कहाणी “डोही बेडोही” सां थी हुयी। इहा कहाणी मुंबई मां छपिजन्दड मशहूर माहवारी मैगज़ीन “नयी दुनिया” में छपी हुयी। “हिक दिल हज़ार अरमान ” इहो उनवान आहे कला प्रकाश लिखियिल पहिरियें सिंधी नॉवेल जो। इहो सिंधी नॉवेल ऐतिरो त कामियाब थियो जो भारत में 1972 में बियो भेरो ऐं पाकिस्तान में 1973 में पहिरियों भेरो वरी छापियो वियो। 1984 में कला प्रकाश सिंध यात्रा ते वयी जहिंजो सफर विचूरनामो बि छपिजी चुको आहे।
“पखिन जी प्रीत” संदस वेझडायी में छपियिल किताब आहे। हिन वक़त तायीं कला प्रकाश जा अठ सिंधी नॉवेल, कुछ कहाणिन ऐं कविताउन जा किताब छपिजी चुका आहिन ऐं 1994 में खेस “आरसीअ आडो ” वासिते साहित्य अकादमी अवार्ड पिण मिली चुको आहे। हिक इंटरव्यू में कला चयो हुओ त सिर्फ सिंधी साहित्य में पर हर भाषा जे साहित्य में शायरी संदस पसंदीदा सिन्फ़ आहे बावज़ूद इन गालिह जे त संदस छपियल किताबन में सिर्फ हिकु सिंधी कविता संग्रह आहे।
05 अगस्त 2018 जी सुबूह सिंधी साहित्य जे वासिते सिज जे उभिरण जी न पर सिज जे लहण जी खबर खणी आयी छो जो सुबूह जो 8 बजे मुंबई में कला प्रकाश जो सुरगवासु थियो।
अदबी योगदान - छपियल किताब
कला प्रकाश जा सिंधी नॉवेल
1957 – हिक दिल हज़ार अरमान – 1960 – शीशे जी दिल – 1988 – वक़त:: विथयूं -विछोटियूं – 1992 – आरसीअ आडो – 1998 – पखिन जी प्रीत – 2004- समुंड ऐं किनारो – 2010 – अनोखा पंध प्यार जा
सिंधी कहाणी संग्रह
1973 – मुरक ऐं ममता – 1993 – वारन में गुल -2008 – इन्तिज़ार
कवीता संग्रह
1963 – ममता जूं लहरुं
Books Window
कला प्रकाश - अवार्ड
साहित्य अकादमी अवार्ड (सिंधी भाषा): 1994
किताब जो उनवान : आरसीअ आडो (सिंधी नॉवेल)
बिया अवार्ड
1965 – अखिल भारत सिंधी बोली ऐं साहित सभा
1992 – महाराष्ट्र सिंधी अकादमी अवार्ड
2001 – ईश्वरी जीवतराम बख्शानी अवार्ड
2010 – प्रियदर्शनी अकादमी अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.