कल्याण अडवानी
Introductory / TSW Citation
फेमस सिंधी साहित्यकार – शाह जो रिसालो – साहित्य अकादमी अवार्ड 1968 – सिंधी भाषा
भारत जे सिंधी साहित में ऐतिहासिक साहितिक रचना जो मानु हासिल सिंधी साहित्य रचना शाह जो रिसालो जी मुलहु कथ (Evaluation) जे रचनाकार, साहित अकादमी अवार्ड (सिंधी भाषा) सां नवाज़ियिल सिंधी साहित्यकार प्रो. कल्याण बूलचंद अडवानी खे विरलन खे हासिल थियण वारो कमालियत (perfection) जो दरिजो हासिल आहे। महाकवी कालीदास जी शकुंतला सिंधी भाषा में पेश करण सबब केतिरा ई खेसि सिंधी तरजुमेकार जे रूप में बि यादि कंदा आहिन।
बायोग्राफी - कल्याण अडवानी
1958 जो साल सिंधी साहित्य जे इतिहास जो यादिगार साल आहे छो जो इन साल में साहित्य अकादमी अवार्ड (सिंधी भाषा) हासिल कयल, नामवर सिंधी लेखक कल्याण अडवानी जो किताब “शाह जो रिसालो” शाया थियो हुओ।
10 दिसंबर 1911 ते हैदराबाद सिंध में जावल कल्याण अडवानी ,अंग्रेजी ऐं पर्शियन साहित्य में M.A. पास ऐं पेशे जे लिहाज खां लेकिचरार हुओ। कल्याण अडवानी काफी लम्बे अरसे तायीं सिंध जे मशहूर कॉलेज डी जी नेशनल कॉलेज सां जुडियो रहियो आहे। पहिरियूं हुन हिक विद्यार्थी तोर कल्याण अंग्रेजी ऐं पर्शियन साहित्य में M. A. जी डिग्री हासिल कयी ऐं पोय सिंधी भाषा जे लेक्चरर तोर कॉलेज सां जुडियो।
1942 में खेसि तरकी मिली ऐं हू कॉलेज जे सिंधी डिपार्टमेंट जे हेड जे ओहदे ते मुकरर कयो वयो पर देश जे विरहांङें सबब मज़बूर थी 1947 में बियन सां गडु लड़े भारत आयो।
भारत में कल्याण अडवानी मुंबई (उन समे में बॉम्बे) में रहन लगो। डी जी नेशनल कॉलेज जी शोहरत ऐं संदस सेखारिण जे आधार ते कल्याण अडवानी खे 1948 में जय हिन्द कॉलेज में अंग्रेजी जे प्रोफेसर जी नौकरी मिली। अठावीह साल नोकरी करण खां पोय हुन 1976 में रिटायरमेंट वरती। भारत में सिंधी भाषा खे संविधान जी मंजूरी मिलण वारी हलचल में हू शामिल हुओ।
27 मार्च 1994 में मुंबई में कल्याण अडवानी जो सुरगुवास थियो।
कल्याण अडवानी - साहित्यिक सफर
कल्याण अडवानी जो लिखियिल साहित इहो अहिसासु कराये थो त सूफी मत वारी सिंधी नज़म (कविता) ऐं शाह अब्दुल लतीफ़ संदस दिल जे काफी वेझो आहिन। कॉलेज जी पढ़ायी दोरान लिखियिल लेखन सां साहित्यिक सफर जी शुरुआत करण हुजे या अदबी जीवन जा शुरुआती लेख, कल्याण अडवानी जी रचनाउन में मथियां बयी विषय संदस लेखणी जो मरक़ज़ रहिया आहिन।
कल्याण अडवानी खे पर्शियन तोड़े अंग्रेजी में बि सुठी महारत हासिल हुयी पर हिन साहित सेवा लाय पहिंजी अबाणी बोली सिंधी भाषा चूड़ी। सिंधी भाषा वासिते हुन जी हुब ऐं लगाव इन गालिह सां बि ज़ाहिर थिये थो त लेकिचरार जी नोकरी मिलण खां पोय हुन सिंधी मैगज़ीन लतीफ़ बारी शुरू कयी।
पहिंजे लेखन वसीले, जेके फुलेली, खुद जी लतीफ़ बारी ऐं बियन अखबारुन ऐं रिसालन में छपिजन्दा पया हुआ, साहित्यिक योगदान जी शुरुआत करण वारे कल्याण अडवानी जो पहिरियों लेखे जोग ऐं अहमियत वारो साहित्यिक योगदान तरजुमे जे रूप में सामहूं आयो। 1946 में हुन महाकवी कालीदास जी शकुंतला जो सिंधी तरजुमो करे सिंधी भाषा में किताब जे रूप में पेश कयो। इहो किताब न सिर्फ मशहूर थियो पर अवार्ड हासिल करण जोगि बि साबित थियो। भारत लड़े अचण खां पोय सिंधी साहित्य जी मकबूल त्रिमूर्ती ते पंहिंजन नुक़तचीनी निगाह वारन विचारन खे कल्याण अडवानी ट्रिन अलग अलग किताबन शाह लतीफ़ (1951), सामी (1953) ऐं सचल (1954) जे रूप में पेश कयो।
इन खे शायद त इंकलाबी फेसिलो बि चयी सघिजे थो जो कल्याण अडवानी सिंधी साहित्य जे सिरमोर शाह साहिब जी रचनाउन जी मुलहु कथ लिहाज खां छंड छाण करण बाबत सोचियो। शाह साहिब खे समझण ई आम इंसान वासिते बेहद डुखियो आहे सो इहो कमु सवलो कोन हुओ पर कल्याण अडवानी इहो कमु कमालियत ऐं लासानी क़ाबिलियत सां पूरो कन्दे 1958 में हिक किताब शाह जो रिसालो (मुलहु कथ लिहाज खां छंड छाण) जे रूप में पेश कयो। संदस कामियाबी में इन गालिह जो बि वडो हथु आहे त कल्याण अडवानी न सिर्फ शाह साहिब जे डुखियिन अल्फ़ाज़न जो अरथु आम सिंधी खे समझ में अचण वारी सिंधी भाषा में डिनो आहे पर शाह साहिब जी हर हिक कवीता, हर हिक सुर (Chapter) बाबत समझाणी बि डिनी आहे।
किताबन जे तादाद जी गणप करण वारा शायद मायूस थियन ऐं उन्हन खे कल्याण अडवानी जो योगदान शायद घटि नज़र अचे पर हिन नामचीन खोजी सिंधी साहित्यकार जो सिंधी साहित्य जी ट्रिन अजीमोशान शख़्सियतुन शाह – सचल – सामी ते छंड छाण जे नज़रिये सां कयल कमु सिंधी साहित जो सुनहरो वरकु आहे। शाह साहिब जो “शाह जो रिसालो” ऐं कालिदास जी “शकुंतला ” कल्याण आडवानी जो सिंधी भाषा तोड़े सिंधी साहित खे डिनल अहिडो योगदान आहे जहिं वासिते खेसि सदियिन तायीं यादि पयो कयो वेन्दो।
कल्याण अडवानी - लिखियिल किताब
कल्याण बूलचंद अडवानी जे लिखियिल किताबन मां कुछ चूंडियल ऐं अवार्ड हासिल कियिल किताबन जा उनवान आहिन: –
शाह लतीफ़ (1970) ऐं सचल सरमसत (1971) बयी किताब साहित्य अकादमी छपाया
राज़ ओ नियाज़ (1960)
शाह जो रिसालो (1958)
सचल (1954)
सामी (1953)
शाह लतीफ़ (1951)
शकुंतला जो सिंधी तरजुमो (1946)
Books Window
.
.
.
अवार्ड - कल्याण अडवानी
साहित्य अकादमी अवार्ड (सिंधी भाषा): 1968
किताब जो उनवान: शाह जो रिसालो (मुलहु कथ -Evaluation)
बिया अवार्ड
केतिरन ई मोकन ते सिंधी साहित्य जी सेवा वास्ते कल्याण आडवानी जो सत्कार कयो वयो आहे। भारत सरकार 1970 में लेखकन जो जेको डेलीगेशन फ्रांस मोकिलियो हो कल्याण अडवानी उन में शामिल हो। सिंधी साहित मंडल पहिरियूं ई 1958 गोल्ड मेडल डयी कल्याण अडवानी जो सत्कार करे चुको हो।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.