कृष्ण खटवानी
TSW Citation
घणि खेतिरी सलाहियत वारो- फेमस सिंधी लेखक – सिंधी नॉवेल – साहित्य अकादमी अवार्ड 1980
कुदरत कहिं हिक शख्स खे विरले ई ऐतिरिन सलाहियतुन सां मालामाल कन्दी आहे जेतिरियूं फेमस सिंधी नॉवेल ऐं सिंधी कहाणी लिखन्दड मकबूल सिंधी साहित्यकार कृष्ण खटवानी में हुयूं । सिंधी साहित्य पढ़ण जे शौकीनन में कृष्ण खटवानी पहिंजे अफ़साना लिखण, चाहे उहा हिक सिंधी कहाणी या को सिंधी नॉवेल, जे ढंग सबब बेहद मशहूर ऐं हरदिल अज़ीज़ हुओ। संदस लिखियल किताब – सिंधी नॉवेल याद हिक प्यार जी खे साल 1980 जो सभ खां बेहतरीन सिंधी किताब, सिंधी भाषा जी सभ खां सुठी साहित्यिक रचना तोर चूंडियो वयो ऐं खेसि मानवारे साहित्य अकादमी अवार्ड सां नवाज़ियो वयो।
टुटल तारु साणु , सत डीहं आहे अमर प्रेम अजु याद हिक प्यार जी
मिठड़ी तो न सुंञातो आजाद सचल जो आशियानो वयी व्यर्थ जिंदगी
(रंगीन अखर कृष्ण खटवानी जे छपियल किताबन जा नाला आहिन )
बायोग्राफी - कृष्ण खटवानी
कृष्ण खटवानी जो जन्म दीवान ईदनदास खटवानी जे पुट्र जे रूप में सिंध जे नवाबशाह जिले जे गोठ थारु शाह में 07 नवंबर 1927 ते थियो हो। कराची में स्कूली तैलीम हासिल करण खां पोय वधीक पढ़ायी जी मुराद सां हिन शान्ती निकेतन में दाखिला वरतो।
बियन लखें सिंधी हिंदुन वांगुर खटवानी कुटुंब खे बि सिंध छड़े भारत अचिणो पियो पर उन वक़त तायीं कृष्ण सुशीला सां शादी करें चुको हो। जोड़े खे ब पुट्र ऐं हिक धीउ कुल ट्रे औलाद आहिन। भारत अची कृष्ण खटवानी मध्यप्रदेश जे इंदौर शहर में पलासिया कॉलोनी में रहण लगो। पहिंजे समे जे सिंधी साहित्यकारन में हिन जे घर “सिंधु ” खे ओतक तोर मशहूरी हासिल हुयी। इंदौर अचण ते सिंधी साहित्यकारन में आराम सां विहण ऐं वक़त गुज़ारी जी पसंदीदा जगह जे रूप में कृष्ण खटवानी जो घरु मशहूर हुओ। इन मशहूरी जो हिकु वडो सबब हुओ त उते पढ़िहण वास्ते घणो कुछ मौजूद हूंदो हो।
जेतोणिक कृष्ण खटवानी आमु माणुहुन जे पसंदीदा सिंधी नॉवेल लेखक जे रूप में मशहूर हो तहिं हूंदे बि सिंधी नज़म, सिंधी ड्रामा, नाटक ऐं सिंधी कहाणी लिखण ऐं वेन्दे बायोग्राफी या मुसाफिरी जो बयान लिखण में बि, हिन खे महारत हासिल हुयी। पहिंजे अदबी सफर में कृष्ण खटवानी सिंधी साहित्य खे 18 किताबन सां मालामाल कियो आहे जिन मां छह नॉवेल आहिन। हिन जे लिखियिल कुछ किताबन जो बियन भाषाउन में तरजुमो पिण कयो वयो आहे।
“याद हिक प्यार जी ” कृष्ण खटवानी जी लासानी रचना आहे जहिं लाय 1980 में हिन खे साहित्य अकादमी जे मान वारे साहित्य अकादमी अवार्ड – सिंधी भाषा सां नवाजे सिंधी साहित्य लाय कियिल सेवा लाय हिन जो सत्कार कियो वियो। “याद हिक प्यार जी ” हिन जे खास नमूने जी लेखणी – जहिं मूजिब पहिंजे अखरन जी लासानी चूंड सां विषय जो विसतार कन्दे रचना जे आखिर तायीं पढ़हन्दड जो चाह बरकरार रखन्दो हो – जो बेहतरीन मिसाल आहे।
सिंधी अदबी दुनिया में कृष्ण खटवानी खे हिक लेखक जे बदिरां हिक चित्रकार लेखियो वेंदो हो छो जो हिन जे समे जे लगभग सभनी नक़ादन (अदबी लिहाज खां खूबियुं ऐं खामियूं बुधायिन्दड) रायो हो त कृष्ण किताब लिखण जी जगह ते पंहिंजी लासानी अखर चूंड वसीले लिखियल अखरन खे मूरत रूप में आणे चित्र ठाहे थो। हिन जी हर साहित्यिक रचना चाहे उहा “अमर प्रेम” हुजे या “सत डीहं ” में लफजन जी चूंड ऐतिरी सही ऐं मुनासिब आहे जो जणु कहिं चित्रकार हिकु दिलकश चित्र ठाहिण लाय माकूल ऐं हकीकी रंग चूड़ियां हुजन।
कृष्ण खटवानी सेंट्रल साहित्य अकादमी जे सिंधी एडवायजरी बोर्ड जे कोऑर्डिनेटर तौर 1993 खां 1997 तायीं कमु कियो हो। 11 अक्टूबर 2007 ते कृष्ण खटवानी जो पहिंजे रहन्दड घर में स्वर्गवास थियो।
अदबी योगदान - लिखियिल किताब
सिंधी कहाणी संग्रह
1943 – टुटल तारू : 1962 – बिन्दुरी : 1973 – मिठड़ी तो न सुञातो : 1980 – परदेसिण ऐं अकेली :1985 – जियापे जो साधन : 1993 – विपहरी ऐं धुंधला चेहरा
सिंधी नॉवेल
1961 – अमर प्रेम: 1962 – मुहिंजी मिठड़ी सिंध: १९७८ – व्यर्थ ज़िन्दगीयूं : 1978 – याद हिक पियार जी : 1985 – सत डीहं : 1996 – तरन्दड बादल
बिया किताब
1943 – सियासी मुदबर : 1976 – आशियानो : 1989 – हिक ड्रिघी शान्त – 1992 – मुहिंजा मारुअड़ा
किताबी झरोखो
कृष्ण खटवानी - अवार्ड
साहित्य अकादमी अवार्ड (सिंधी भाषा): 1980
किताब जो उनवान: याद हिक पियार जी
बिया अवार्ड
भारतीय भाषा परिषद कलकता पारां सिंधी अदबी योगदान वासिते अवार्ड
मध्यप्रदेश हिंदी साहित्य परिषद पारां “सामी” अवार्ड
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.