कृष्ण राही
Introductory / TSW Citation
फेमस सिंधी कवी – साहित्य अकादमी अवार्ड 1971 – सिंधी भाषा – सिंधी अदीब
1971 में सिंधी भाषा वासिते साहित्य अकादमी अवार्ड हासिल करण वारो फेमस सिंधी कवी कृष्ण राही अहिड़ो विरलो सिंधी साहित्यकार आहे जंहिं जी सिंधी नज़म तोड़े नसर रूप वारी रचनाउन वासिते खेसि अवार्ड मिलिया आहिन। महाराष्ट्र राज्य जी सिंधी साहित्य अकादमी त पहिरियों भेरो 1989 में किताब वसण संदा वेस वासिते त बियो भेरो 2001 में लाइफ टाइम अचीवमेंट अवार्ड डयी कृष्ण राही जी सिंधी साहित्य जी सेवा जी क़दरसानी कयी आहे।
बायोग्राफी कृष्ण राही - कृष्ण सुंदरदास वच्छानी
सिंधी भाषा वासिते साहित्य अकादमी अवार्ड हासिल कयल फेमस सिंधी कवी कृष्ण राही जो जन्म 25 मई 1932 ते लाडकाणो सिंध में थियो हुओ। देश जे विरहांङें सबब भारत लड़े अचण वक़त कृष्ण जी उमिर 15 साल हुयी मतलब हुन जी उमिर ऐतिरी बि घटि न हुयी जो भारत में थाईंको थियण जी जफ़ाकाफ़ी में रुधियिल सिंधी समाज खे जिन तक़लीफ़ुन, दुखन ऐं बेहद अण वणन्दड हालतुन खे मुहं डियणो पयो उहे बि यादि न रखी सघे। वच्छानी कुटुंब जे कुझु थाईंको थियो त कृष्ण जी स्कूली तैलीम वरी शुरू थी। कृष्ण बॉम्बे यूनिवर्सिटी मां B.A. जो इम्तिहान पास कयो। डिग्री हासिल करण खां पोय थोरे ई अरसे में हिन खे भाभा एटॉमिक रिसर्च सेंटर में नौकरी बि मिली वयी।
कृष्ण राही जे साहित्यिक सफर जी शुरुआत संदस नोकरी नौकरी कन्दे कहाणियूं लिखण सां थी। इहे कहाणियूं मुंबई जे अखबारुन ऐं रिसालन में वक़त ब वक़त छपजंदियूं रहन्दियूं हुयूं । जहिं करे 1956 में जडहिं संदस कहाणी संग्रह हिक किताब लुरक ऐं मुरक जे रूप में शाया थियो त कृष्ण खे न सिर्फ शोहरत हासिल थी पर सिंधी अदबी दुनिया में मकबूलियत जे दोर जी पिणु शुरुआत थी। वक़त सार कृष्ण राही पहिंजे सिंधी भाषा ऐं सिंधी साहित्य खे योगदान वधाये कविताऊं ऐं साहित्यिक नुक़तचीनी लिखण पिणु शुरू कयी। 1969 में संदस लिखियिल ऐं छपियिल कविताउन जे किताब कुमाच खां पोय त हू सिंधी अदबी दुनिया में नामवर शख्सियत बणिजी पयो। उन समे जे सिंधी साहित्य जी छंड छाण ऐं साहित्यिक परख करण वारन जे नज़रिये में कृष्ण राही अहिड़ो सिंधी साहित्यकार हो जंहि जी रचनाउन में सिंधी लोक कला जी खुशबू ऐं खूबियूं समायल हुयूं। पहिंजे लगभग पंजाहु सालन जे साहित्यिक जीवन में कृष्ण राही किन मैगजीन्स जे एडिटर तोर बि कमु कयो हुओ।
उन समे जे साहित्य नुकतचीनीकारन जी नज़रुन में कृष्ण राही अहिड़ो सिंधी कवी हुओ जंहि जी कविता में पुराणे रिवायती सिंधी कविता लिखण जे तरीके जो काफी चिट्रो असर त नज़र अचे थो पर जेको तरकीयाफ्ता सिंधी कविता लिखण जे ढंग में पिणु दखल रखे थो। हकीकत में डिसजे त पहिंजे कविता संग्रह कुमाच वसीले इहो डेखारियो आहे त सिंधी कविता लिखण जो संदस पहिंजो बियन खां जुदा तरीको आहे। इहो उहो आहे तरीको आहे जंहिं में सिंधी कविता लिखण जे पुराणे रिवायती तरीके जी सुरिहां सां गडु तरकीयाफता सिंधी कविता लिखण जे ढंग जो बेहतरीन संगम आहे। इन किताब जी हिक कविता “सिंध ऐं सिंधी ” में कृष्ण सुंदरदास वच्छानी जो अबाणे मुल्क खां विछिड़जण ण जो दर्द ज़ुबान ते अची वयो आहे। हिन जो चवण हो चाहे हिते [भारत में] केतिरियूं ई नदियूं आहिन पर छा सिंधी कौम वासिते पहिंजी सिंधु नदी खे विसारिण सवलो आ ? कृष्ण राही ऐं संदस जीवन संगिनी माया राही (2015) सिंधी अदबी दुनिया में साहित्य अकादमी अवार्ड सां नवाज़ियिल ट्रियां जोड़ो आहिन।
06 अप्रैल 2007 ते सिंधु नदी खे तोड़े अबाणे मुल्क सिंध खे यादि रखण वारे लासानी सिंधी साहित्यकार कृष्ण राही जो सुरगुवास थियो।
अदबी योगदान - कृष्ण राही
कृष्ण राही जे लिखियिल किताबन जा उनवान ऐं छपिजण साल हेठि डिजन था: –
1987 वसण संदा वेस
1969 कुमाच
1956 लुरक ऐं मुरक
Books Window
अवार्ड - कृष्ण राही
साहित्य अकादमी अवार्ड (सिंधी भाषा): 1971
किताब जो उनवान: कुमाच
बिया अवार्ड
1990 महाराष्ट्र सरकार हिन खे गौरव पुरस्कार सां नवाज़ियो आहे।
महाराष्ट्र सिंधी साहित्य अकादमी, पहिरियों भेरो 1989 में किताब वसण संदा वेस वासिते त बियो भेरो 2001 में लाइफ टाइम अचीवमेंट अवार्ड डयी कृष्ण राही जी सिंधी साहित्य जी सेवा जी क़दरसानी कन्दे संदस सत्कार करे चुकी आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.