प्रो. लछ्मण हर्दवानी
Introductory
सजो नालो: लछ्मण परसराम हर्दवाणी
जनम तारीख़: 03 May 1942
जनम इसथान : सेवण सिंध
सुरुगवासु : 09 अगस्त 2023 पुणे
मशहूरी: सिंधी लेखक- तरजुमेकार – सिंधी डिक्शनरियूं – देवनागिरी लिपि
खासि जाण: 2021 में प्रो हर्दवाणी साहिब वासिते थियण वारियूं खासि गालिहियूं उमिर जो अठों डहाको (80 साल) पूरो करण ऐं शाया थियल किताबन जी सेन्चुरी (हिन वक़त किताबन जो तादाद 99 आहे) पूरी करण। सिंधी अदब में प्रो लछ्मण खे हिक लेखक खां हिक तरजुमेकार तोर बि वधीक मान ऐं शोहरत हासिल आहे छाकाण हिन साहिब न सिर्फ हिंदी ऐं मराठी किताबन जो सिंधी में तरजुमो कयो आहे पर सिंधी साहित्य जे तरजुमेकार तोर कमु करे सिंधी साहित्य खे मराठी ऐं हिन्दी साहित्य में शामिल कयो आहे। देश में सिंधी देवनागिरी जे विदवान जे रूप में मशहूर प्रो हर्दवाणी केतिरियूं ई सिंधी डिक्शनरियूं (शब्दकोश) ठाहे सिंधी साहित्य जी लासानी सेवा कयी आहे।
बायोग्राफी - प्रो. लछ्मण परसराम हर्दवाणी
सिंधी साहित्य – सिंधी भाषा – तरजुमेकार – देवनागिरी लिपी – सिंधी डिक्शनरी
जडिहिं सिंधी देवनागिरी लिपी जे वाधारे ऐं सिंधी साहित्य जी गालिह थिये थी त सिंधी अदबी दुनिया में जेको हिकु नालो उफ़क़ ते उकेरी बिहे थो सो आहे प्रो. लछ्मण हर्दवाणी। हेल तायीं हर्दवाणी साहिब जा 10 सिंधी डिक्शनरियूं [कोष] समेत हिन्दी, मराठी, इंग्लिश ऐं सिंधी देवनागिरी में 99 किताब छपिजी चुका आहिन। प्रो. हर्दवाणी न सिर्फ सिंधी भाषा वास्ते देवनागिरी लिपी जे उपयोग जो कटर हिमथायी आहे पर हिन साहिब केतिरा ई लेख बि लिखिया आहिन जेके साबित कनि था त पुराणे शुरुआती दौर में सिंधी भाषा लिखण वास्ते देवनागिरी लिपी कमि आंदी वेन्दी हुयी। इहो त भारत ते अंग्रेजन जी हुकूमत जे दौरान थियो जो सिंधी भाषा वास्ते अरेबिक लिपी मंज़ूर कयी वयी।
3 मई 1942 ते सेवण सिंध में जन्म वठण वारे लछ्मण खे पंजन सालन जी नंढी उमिर में विरहांडगें सबब भारत लड़े अचण जे तकलीफ वारे दौर मां गुजारिणो पियो। संदस कुटुंब पहिरियूं पुणे अची रहियो पर पोय अहमदनगर वञी रहण लगो। लछ्मण खे स्कूली सिखिया वास्ते मराठी मीडियम स्कूल में दाखिल कियो वियो शायद इन जो ई असर आहे जो प्रोफेसर साहिब जी लेखणी ते मराठी भाषा जो असर नज़र अचे थो। हिंदी ऐं मराठी में एम.ए. करण खां पोय लछ्मण उन सागे कॉलेज में हिंदी जे प्रोफेसर तोर कमु करण लगो। 35 सालन तायीं कमु करण खां पोय 2002 में हू रिटायर थिया ऐं हिन समे विमान नगर पुणे में रहन पिया।
लिखण सां गडु रंग मंच या स्टेज बि प्रो. लछ्मण हर्दवाणी जो पसंदीदा खेतर आहे। कॉलेज जीवन में हुन अटकल 14 मराठी नाटक पेश किया जिन मां कुछ में बतोर अदाकार पिण कमु कियो। सिंधी नाटकन जे शौकीनन वास्ते प्रोफेसर साहिब न सिर्फ चार मराठी नाटक सिंधी में तरजुमो किया आहिन पर कामियाबी सां स्टेज ते पेश बि किया आहिन।
सिंधी साहित्य में प्रो. हर्दवाणी साहिब जो तमाम अहमियत वारो योगदान आहे सिंधी डिक्शनरियूं या शब्द कोश जीयं त आध्यात्म शब्द कोश, परिभाषा शब्द कोश, भक्ति साहित्य शब्द कोश ऐं सिंधी भाषा विज्ञान कोश वगैरह। खास गालिह इहा आहे जो इहे सभु देवनागिरी लिपी में आहिन। प्रो. साहिब जे लिखियिल किताबन में वडो हिसो मराठी ऐं हिंदी मां तरजुमो कियिल साहित्य जो आहे। हर्दवानी साहिब कुछ लासानी सिंधी साहित्य जो मराठी में तरजुमो पिण कियो आहे। हिन साहिब सामी जा सलोक ऐं श्रीमद भगवत गीता [मंघाराम कलवाणी] जहिड़ा कुछ अरबी लिपि में लिखियिल किताब देवनागिरी लिपी में बि पेश किया आहिन।
अदबी योगदान
लछ्मण हर्दवाणी जो अदबी योगदान इन लिहाज खां बेमिसाल आहे जो हुनन न सिर्फ पहिंजी रचनाउन सां साहित्य खे मालामाल कियो आहे पर गडोगडु मराठी मां सिंधी में या सिंधी मां मराठी में [कुल 14 किताब] तरजुमो करण ऐं लिपी बदिलायिण जो कमु करे बि योगदान डिनो आहे। प्रो. हर्दवाणी जे किताबन जी चूंड लिस्ट हेठि डिजे थी।
सिंधी किताब
मराठी सिंधी शब्द कोश – सांवल सतगुरु – सिंधी मराठी शब्दकोश – गोदड़ी वारो घनश्याम: बाबा हरदासराम – सिंधी कोश – साहित जो आलोचनात्मक अभ्यास – सिंधी पहाका कोश – कार्टून कला – न्यू सिंधी लाफिंग क्लब – सिंधी भक्ती साहित शब्दकोश – परिभाषा शब्दकोश – सिंधी आध्यात्म शब्दकोश – झूलेलाल – शुध्द सिंधी कीयं लिखिजे -नवों सिंधी व्याकरण – अचो त सिंधी सिखूं – सिंधी भाषा विज्ञान कोश – स्वामी भगत राम महाराज – बाबा गेलाराम – बाबा हरदासराम – सिंधी वर्णमाला – सचल सरमसत जी कविता – सिंधी पहाका ऐं चवणियूं – बाल भारती – जर्मन मराठी सिंधी शब्दकोश
तरजुमो कयल किताब / लिपियान्तर
Books Window
प्रो. लछ्मण हर्दवाणी - अवार्ड्स
साहित अकादमी तरजुमो अवार्ड : साल 1992
किताब जो उनवान : युग जो अंतु
बिया अवार्ड :
प्रियदर्शनी पुरस्कार
जेठी सिपहमलानी पुरस्कार
ज्ञानेश्वर दर्शन – गोल्डन जुबली विशेष पुरस्कार
सावेडी भूषण पुरस्कार
नाट्य गौरव पुरस्कार
सिंधु भूषण पुरस्कार
साहित्य रचना सनमानु [Life Time Achievement Award]
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.