लखमी खिलानी
Introductory
सिंधी भाषा – साहित्य अकादमी अवार्ड 1996 – सिंधी लेखक – इंडियन इंस्टिट्यूट ऑफ़ सिन्धोलॉजी
सिंधी लेखक लखमी खिलानी जो शुमार सिंधी साहित्य जे संसार जे उन्हन चूंड सिंधी साहित्यकार शख़्सियतुन में थींदो आहे जिन खे सिंधी साहित्य अकादमी पहिरियूं संदन सिंधी भाषा में लिखियल असुल रचना वासिते ऐं पोय बियो भेरो तरजुमो कियिल रचना वासिते, साहित्य अकादमी अवार्ड सां नवाजे चुकी आहे। आमु तौर त इहो बि न थींदो आहे त को शख्स जहिं खेतर में सिखिया हासिल करे उन जे बिलकुल मुख्तलिफ खेतर में कमु करे बेमिसाल कामियाबी हासिल करे ऐं उहो बी पहिंजी हयातीअ जे पोयें हिसे में। सिंधी अदबी दुनिया जे मशहूर सिंधी साहित्यकार में अहिड़ो हिकु नालो आहे सिंधी लेखक लखमी खिलानी।
अधूरी रचना करे साजिश सां गडु बंद दरवाजा खणी मिटीअ जी महक हलंदी हली वयी
हाय मुहिंजी दिल चवे आजाद सचल हुओ मुंद जो टिड़ियल पहरियों गुलाब न हुयी कली
(रंगीन अखर छपियल किताबन जा उनवान आहिन )
बायोग्राफी - लखमी खिलानी
02 अक्टूबर 1935 ते जन्म वरतल लखमीचंद भिरयोमल खिलानी जी ज़िंदगी ऐं कम इन गालिह जो बेहतरीन मिसाल आहे त हिक खेतर में सिखिया वरतल इंसान उन खेतरन जे बिलकुल उबतड खेतर में बि रश्क जोग कामियाबी हासिल करे सघे थो। 1958 में बनारस हिन्दु यूनिवर्सिटी मां सिविल इंजीनियरिंग में डिग्री हासिल करे लखमी खिलानी कलकता जी हिक कंपनी में इंजीनियर जे ओहदे ते कमु करण वयो हो पर हू मशहूर आहे हिक सिंधी साहित्यकार – सिंधी लेखक तोर। केतिरन खे शायद अज़ब लगे छो जो आमु तौर विज्ञान ऐं साहित्य हिक बिये जा उबतड विषय लेखिया वेन्दा आहिन पर हकीकत आहे त 1964 खां वठी लागीतो छपिजन्दड सिंधी अदबी मैगज़ीन “रचना ” वासिते लखमी खिलानी जवाबदार आहे।
लखमी खिलानी कामियाबी जी दास्तां इते पूरी न थी थिये छो जो हू सिंधी साहित्य में बेशकीमती लेखियो वेन्दड, साहित्य अकादमी पारां डिनो वेन्दड साहित्य अकादमी अवार्ड – सिंधी भाषा वासिते हासिल करण में बि कामियाब थियो आहे। लखमी खिलानी खे 1996 में संदस लिखियल सिंधी कहाणी संग्रह “गुफा जे हुन पारि” वासिते साहित्य अकादमी अवार्ड सां नवाज़ियो वयो।
विद्यार्थी जीवन में लखमी खिलानी खे बनारस में तारा मीरचंदानी, सिंधी अदब जो नामवर नालो, सां मिलण जो वझु मिलियो हो। दरअसल तारा मीरचंदानी पहिरियीं शख्सियत हुयी जहिं लखमी खिलानी जी अदबी सलाहियतुन खे महसूस कियो हो पर हुन जे कुछ करण खां अगु ई लखमी खिलानी नौकरी वासिते कलकता पहुची वयो हो। इहा शायद सिंधी साहित्य जी खुशकिस्मती आहे जो कलकता में लखमी खे प्रोफेसर मंघाराम मलकानी जो संग मिलियो। जहिं जे हिमथायिण ते हुन 1973 में कलकता में अखिल भारत नाटक महोत्सव जो बंदोबसतु कयो। इन नाटक महोत्सव खां अगु लखमी 1964 में लखनउ जे साहित्य समेलन में हाज़िर रही चुको हो। लखनउ जे इन समेलन दौरान लखमी खिलानी सिंधी साहित्य जगत जी केतिरिन ई मशहूर ऐं नामवर शख़्सियतुन सां मिली चुको हो। जे सचु पुछिजे त मैगज़ीन “रचना ” जे बिज पोखिण जो कमु लखनउ में ई थियो हुओ।
विज्ञान जो विद्यार्थी लखमी खिलानी सोचीन्दो हो त जीयं विज्ञान में बायोलॉजी या जूलॉजी आहे तीयं सिंधी साहित्य में सिन्धोलॉजी छो न आहे? आखिर हिन कलकता जी पहिंजी वापार जी हुकूमत छड़े आदिपुर वञण जो फेसिलो कयो। इहो हिन जी बिना थकिये लागीतो मेहनत जो नतीज़ो आहे जो 2005 में इंडियन इंस्टिट्यूट ऑफ़ सिन्धोलॉजी सिल्वर जुबली पूरी कयी आहे।
अदबी योगदान - लिखियिल किताब
अजु तायीं लखमी खिलानी खे सत्यजीत रॉय जी बायोग्राफी लिखण खां सिवाय ट्रे सिंधी नॉवेल, चार सिंधी नाटक ऐं सत सिंधी कहाणी संग्रह लिखण जो मानु हासिल आहे। हिन कुछ तरजुमो बि किया आहे।
सिंधी कहाणी संग्रह : 1972 – रात जा दाग, 1978 – अधूरी रचना, 1981 – बंद दरवाजा, 1983 – गुफा जे हुन पारि, 1999 – मिटटीअ जी महक, 2000 – मुंद जो टडियिल पहिरियों गुलाब
हिन जो हिकु कहाणी संग्रह हिंदी में 1996 में छपजियो हुओ।
सिंधी नॉवेल: हाय मुहिंजी दिल (1996) – साज़िश (1970) ऐं अमृत अमृत (1974)
सिंधी नाटक: गुड्डा गुड्डियुं (1964) – वारीअ सन्दो कोटु (1967) – पहिंजो दुश्मन (1993) ऐं कूड़ा फास (2007)
Books Window
लखमी खिलानी - अवार्ड
साहित्य अकादमी अवार्ड (सिंधी भाषा): 1996
किताब जो उनवान: गुफा जे हुन पारि (सिंधी कहाणी संग्रह)
बिया अवार्ड
1998 साहित्य अकादमी तरजुमो अवार्ड किताब असमय वासिते
2008 गुजरात साहित्य अकादमी पारां साहित्यकार गौरव पुरस्कार
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.