लक्ष्मण भाटिया कोमल
TSW Citation
फेमस सिंधी कवी – अख़बार नवीस – नाटककार – साहित्य अकादमी अवार्ड 1976 – सिंधी ड्रामा
इहो आम रायो आहे त 1947 जो विरहांङें जे हादसे खे सिंधी कौम जे इतिहास में सभु खां वधीक तकलीफ भरियो, डुखिन हालतुन, परेशानिन ऐं असंतोष खे जन्म डियण वारो दोर रहियो। अजु जडहिं मां उन दोर खे कामियाबी सां मुहं डयी, थाईंकीं थी सिंधी कौम खुशहाली जी राह ते अगते वधन्दी जेको हासिल कयो आहे खासि करे सिंधी साहित्य ऐं सिंधी साहित्यकारन जे रूप में त मां ज़रूर हिमथ कंदुम उन 1947 खां पोय गुजिरियिल पहिरियें डहाके खे डुखियो दोर चवण बारे बयान सां ग़ैर रज़ामंद थियण जो।
उन समे जे लक्ष्मण भाटिया जहिड़े सिंधी युथ जेको पंहिजे बालपणे ऐं जवानी जी शुरुआत में जे विच वारी उमिर में हुओ उन इन असंतोष जी बाहि सबब पैदा थियल तपति जी शकती खे अजायो वञण डियण जी जगह ते पहिंजी सिरजनातमक शकती में बदिलाये सिंधी साहित्य में अमोलक योगदान डिनो आहे। लक्ष्मण भाटिया हिकु सिंधी नज़म, सिंधी ड्रामा ऐं अख़बार नवीसी जे खेतरन जो नामवर ऐं मकबूल नालो आहे।
बायोग्राफी - लक्ष्मण भाटिया कोमल
सिंधी अदबी दुनिया जी नामवर ऐं हर दिल अज़ीज़ शख्सियत लक्ष्मण भाटिया “कोमल” जो जन्म सिंध जे दादू शाह ज़िले में 26 मार्च 1936 ते थियिल आहे। साहित्य अकादमी अवार्ड सां नवाज़ियिल फेमस सिंधी कवी, अख़बारनवीस ऐं नाटककार लक्ष्मण भाटिया, सिन्धियिन जे सिंध छड़े भारत अचण वक़त सिर्फ यारिहन सालन जो बारु हो। B.Com. जी डिग्री हासिल करण सां गडु हुन डिप्लोमा इन जर्नलिज्म जो कोर्स बि कयो आहे।
लक्ष्मण भाटिया केतिरा ई साल टाइम्स ऑफ़ इन्डिया दिल्ली सां जुड़ियो रहियो आहे ऐं नौकरी मां रिटायर थियण वक़त हू चीफ सब एडिटर जे ओहदे ते हुओ। नामवर सिंधी कवी हुअण सां गडु लक्ष्मण भाटिया बाल साहित्य ऐं तरजुमे जो बि माहिर आहे। सुर सोरठ, मूमल राणो, सुहिणी मेंहार जहिड़ी सिंधी लोक कहाणिन खे ओपेरा [संगीत ऐं अदाकारी ] रूप में आणिण जो जसु लक्ष्मण भाटिया खे आहे। मुम्बई ऐं दिल्ली में ओपेरा जा 25 खां बि वधीक शो करण खां सिवाय हिन कुछ हिक अंकी नाटक ऐं हिकु सिंधी ड्रामा बि पेश कियो आहे। घणि हुनरी , कवी, अख़बारनवीस, नाटककार शख्सियत लक्ष्मण भाटिया जी सिंधी साहित्य ऐं सिंधी बोलीअ जी सेवा जी क़दरसानी कन्दे साहित्य अकादमी खेस 1976 में संदस सिंधी कविताउन जे किताब “जीउ झरोखो ” वासिते मानवारे साहित अकादमी अवार्ड सां नवाज़ियो आहे।
लक्ष्मण भाटिया जी इहा लासानी कामियाबी आहे जो हुन मूमल राणो, सोरठ राय डियाच ऐं सुहिणी मेंहार जहिडिन सिंधी लोक कहाणिन खे अंग्रेजी ओपेरा जहिड़ो रूप डयी, सिंधी ड्रामा में बदिलाये स्टेज नाटक जे रूप में पेश कयो आहे। सिंधी भाषा, सिंधी सभ्यता ऐं सिंधी साहित्य जे वाधारे में संदस योगदान बाबत इहो जुमिलो काफी आहे त लक्ष्मण भाटिया कोमल हिकु अहिड़ो सिंधी साहित्यकार आहे जंहि साहित्य अकादमी अवार्ड ट्रे भेरा हासिल कयो आहे।
लक्ष्मण भाटिया सिंधी साहित्य अकादमी जे बाल साहित्य पुरस्कार 2011 जी ज्यूरी जो मेंबर हो। बिया मेंबर हुआ श्री हरी हिमथानी ऐं डॉ प्रेम प्रकाश। लक्ष्मण भाटिया कविता ऐं सिंधी ड्रामा लिखण ऐं स्टेज नाटक जे रूप में पेश करण सां गडु सिंधी बाल साहित्य सिरजन में पिणु योगदान डिनो आहे। हिंदी अंग्रेजी भाषाउन ते सुठो जाबितो हुअण सबब लक्ष्मण भाटिया कोमल हिक तरजुमेकार पिणु सिंधी साहित्य खे मालामाल करण में का कसर कोन छड़ी आहे। हुन पहिंजी बायोग्राफी बही खाते के पने इन उनवान सां हिंदी भाषा में लिखी आहे। 23 दिसंबर 2014 ते लक्ष्मण भाटिया हिन फानी दुनिया में पंहिंजी हयाती जो सफर पूरो कयो।
लक्ष्मण भाटिया कोमल - लिखियल किताब
लक्ष्मण भाटिया कोमल सिंधी साहित्य खे पहिंजी कविता सां मालामाल करण सां गडु बियन भाषाउन जे साहित्य जो सिंधी में तरजुमो पिण कियो आहे। हिन जा लिखियल कुछ मकबूल ऐं मशहूर किताब हेठि डिजन था।
बुल्ले शाह [तरजुमो] – हिकड़ो हो राजा [बाल साहित्य] – जीउ झरोखो [कविता] – मीरा बाई [तरजुमो] – नवों सुबूह [Mayokovsky जी हयाती ऐं कम] – पनछण जो परलाव [तरजुमो] – बही खाते के पने [हिंदी भाषा में बायोग्राफी]
सिंधी लोक साहित जे खेतर में मूमल राणो, सुहिणी मेंहार ऐं सुरु सोरठि – जहिडा संगीत नाटक पेश करण लक्ष्मण भाटिया जो अमोलक योगदान आहे।
Books Window
अवार्ड - लक्ष्मण भाटिया कोमल
साहित्य अकादमी अवार्ड (सिंधी भाषा): 1976
किताब जो उनवान: जीउ झरोखो
साहित्य अकादमी सिंधी तरजुमो अवार्ड : 1996
किताब जो उनवान: पण छणण जो परलाव
बिया अवार्ड
लक्ष्मण भाटिया खे सोवियत लैंड नेहरू पीस अवार्ड बि मिलियो आहे।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.