प्रोफेसर एम. यू. मलकानी
Introductory / TSW Citation
भारतीय सिंधी साहित्यकार – मॉडर्न सिंधी नाटक जो पितामह – साहित्य अकादमी अवार्ड (सिंधी भाषा) 1969
हिक अंक वारे सिंधी नाटक कला जी बुजुर्ग शख्सियत – सिंधी ड्रामा , स्टेज ते पेश थीन्दड मॉडर्न सिंधी नाटक जो पितामह – विरहांडगें खां पोय वारी पहिरियीं सिंधी पीढ़ी जो लेखक या भारतीय सिंधी साहित्यकार – इहे कुछ लक़ब आहिन जेके हैदराबाद सिंध जे ज़मींदार कुटुंब श्री उधवदास मलकानी घर 24 दिसंबर 1896 ते जन्म वरतल फेमस सिंधी लेखक प्रोफेसर मंघाराम मलकानी सां जुडियिल आहिन। चयो वेंदो आहे त नंढे हूंदे खां ई मंघाराम खे ज़मींदारी जे कमन में को खास चाहु कोन हो। बी ए पास करण खां पोय जडहिं हुन अंग्रेजी जे लेक्चरर तौर डी जे सिंध कॉलेज कराची में कमु करण शुरू कियो त पक थी वयी त हुन खे कुटुंब जे विरासती ज़मींदारी जे कम जी भेट में सिंधी भाषा ऐं साहित्य वास्ते वधीक कशिश आहे।
बायोग्राफी - प्रोफेसर मंघाराम मलकानी
पहिंजे सिंधी साहित्य जे काफी लम्बे अदबी सफर दौरान मंघाराम मलकानी महसूस कयो त सिंधी भाषा जी पहिंजी खास संस्कृति ऐं सभ्यता पोयन कदमन ते आहे। इहा मंघाराम जी सिंधी भाषा संस्कृति ऐं सभ्यता वासिते चाह हुयी जो हिन खानचंद दरयानी ऐं कुछ बियन हमखियालन सां मिली 1923 में रबींद्रनाथ लिटरेरी एण्ड ड्रामेटिक क्लब बरपा कियो। प्रो मलकानी सिंधी अदबी संगत पिणु बरपा कयी। इहा हकीकत आहे त प्रो मलकानी खे सिंधी नसर जी तारीख़ वासिते साहित्य अकादमी अवार्ड मिलियल आहे पर सिंधी साहित्य जी सिंधी ड्रामा – स्टेज नाटकन जे दायिरे में संदस योगदान सदियिन तायीं यादि रखियो वेन्दो।
देश जे विरहांङें सबब मलकानी कुटुंब बि लड़े भारत आयो. मंघाराम खे मुंबई (उन वक़त बॉम्बे) जे जय हिन्द कॉलेज में नोकरी मिली ऐं हुन रिटायर थियण तायीं बिये कम जी गोलिहा बि कोन कयी। प्रोफेसर मलकानी सिंधी लेखकन, कवी ऐं अदबी शख़्सियतुन जी संस्था सिंधी साहित्य मंडल जो 1949 खां 1962 तायीं तेरिहां साल प्रेसीडेंट रहियो हुओ हो। इन लम्बे अरसे दौरान नवजवान सिंधी अदीबन , नवन सिंधी लेखकन ऐं कविन में हू हिक बुजुर्ग सलाहकार जे रूप में मशहूर थी वियो। हिन जा सुझाव ऐं नवन लेखकन कविन जे कम जी कियिल छंड छाण न सिर्फ उन्हन जी होसिला अफ़ज़ाई कन्दी हुयी पर गडोगडु सिंधी बोली ऐं सिंधी साहित्य जो बि वाधारो पयी करे।
भारत में सिंधी भाषा खे संविधान जी मंज़ूरी मिलण बाबत जेका हलचल शुरू थी उन में प्रो मलकानी जो सरगम बहिरो हुओ। 1953 में एशिया जे लेखकन जी कॉन्फ्रेंस जे दौरान मंघाराम खे भारतीय लेखकन जी अगुवानी करण जो मोको मिलियो हुओ। इन कॉन्फ्रेंस जे दौरान बतोर मेहमान आयल भारत जे राष्ट्रपति श्री डॉ राजेंद्र प्रसाद खे इहो समझायिण में कामियाब थियो त सिंधी भाषा जो इतिहास केतिरो न आलिशान आहे ऐं देश जे विरहांङें सबब सिंधी भाषा, सिंधी साहित्य जे बचाव जे नज़रिये सां संविधान जे अठें शेडयूल में सिंधी भाषा जो शामिल थियण छो ज़रूरी आहे। हालांकि सिंधी भाषा खे अठें शेडयूल में काफी पोय मतलब 10 अप्रैल 1967 ते शामिल किया वियो।
मलकानी जी वक़त जी हदुन खां परे वारी रचना “सिंधी नसर जी तारीख ” जेका 1968 में छपिजी ऐं जहिं वासिते खेसि 1969 में साहित्य अकादमी अवार्ड (सिंधी भाषा) सां नवाज़ियो वयो सा दरअसल छपिजण खां डह साल अगु लिखजी तैयार हुयी। 01 दिसंबर 1980 में हिन जो पुणे में सुरगवासु थियो। सिंधी साहित्य हिन अज़ीम फनकार लेखक खे सदायीं हिक हर दिल अज़ीज़ नाटक कार जे रूप में याद कन्दो रहंदो।
मंघाराम मलकानी - नाटक कार (सिंधी ड्रामा) ऐं कलाकार
प्रो मलकानी खे अहिसासु थियो त सिंधी भाषा तोड़े सिंधी साहित्य सिंधी ड्रामा – स्टेज नाटकन जे दायिरे में सिंधी नज़म तोड़े नसर जी भेट में काफी घटि वाधारो ऐं सिरजनातमक कमु थी रहियो आहे। खानचंद दरयानी ऐं कुछ बियन हमखियालन सां मिली 1923 में रबींद्रनाथ लिटरेरी एण्ड ड्रामेटिक क्लब बरपा कियो। तरजुमो कयल नाटकन जी भेट में हिन पहिंजन हिक अंकी सिंधी ड्रामा ते वधीक धियान डियण शुरू कयो। 1931 खां 1945 तायीं मंघाराम गुजराती नाटकन में बि कमु कयो हो।
मंघाराम मलकानी सिंधी साहित्य खे 34 हिक अंकी नाटक ऐं 04 सिंधी ड्रामा लिखी मालामाल कयो आहे। हिन जी इन बेमिसाल योगदान सबब हिन खे मॉडर्न सिंधी नाटक जो पितामह ऐं सिंधी स्टेज जे बुजुर्ग जे रूप में अजु बी याद कियो वेन्दो आहे। प्रो एम यू मलकानी सिंधी ड्रामा लिखण ऐं स्टेज नाटक पेश करण खां सिवाय हिंदी फिल्म “इंसान या शैतान “, जहिं में हिन जी हीरोइन जड्डन बाई (फेमस एक्ट्रेस नरगिस जी माउ) हुयी, में बि कमु कयो आहे।
मंघाराम मलकानी - अदबी योगदान
तमाम कोशिशिन खां पोय बि असां वास्ते इहो मुमकिन न थी सघियो आहे त असां हिन अजीमोशान शान फनकार – सिंधी नाटक जे पितामह जे योगदान ऐं अवार्ड्स जी समूरी जाण शामिल करे सघऊं। मंघाराम मलकानी जा लिखियिल सिंधी नसर जी तारीख खां सिवाय बिया कुछ किताब आहिन: –
अदबी उसूल – जीवन चहचिटा – खुर खुबीता पिया टिमकन
प्रोफेसर मलकानी जे कुछ मशहूर नाटकन जा नाला
आखरीन भेटा- औलाद – कूडो कलंक – मेलाप – नालायक पुट्र – पाप जो कीतो – पापु किन पुण्य – प्रीत जी रीत – समुंड जी गजगोड़ – टी पार्टी
Books Window
मंघाराम मलकानी - अवार्ड
साहित्य अकादमी अवार्ड (सिंधी भाषा): 1969
किताब जो उनवान: सिंधी नसर जी तारीख
बिया अवार्ड
इयें त बेशुमार सिंधी संस्थाउन मंघाराम मलकानी जो सत्कार कयो आहे ऐं हिन खे केतिरा ई अवार्ड बि मिलिया आहिन पर कोशिश करण खां पोय बि सिंधी ड्रामा – हिक अंकी सिंधी नाटकन जे हिन बेताज बादशाह जे हासिल अवार्डन जी समूरी तफ़सील हासिल करण में असां कामियाब न थी सघिया आहियूं।
Famous and popular Sindhi folk singer Bhagwanti Navani is eventually immortal as she even after losing the physical existence still alive at hearts of thousands and thousands of Sindhi music lovers. Often called as Sindhi Koyel Bhagwanti was born on 01 Feb 1940 at Nasarpur. Undisputed queen of Singing Sindhi Lada (marriage ritual songs) Bhagwanti will always be remembered for singing Sukhamani Sahib (Guru Bani) in Sindhi. She also acted in Sindhi film Sindhua Je Kinare. On 22 Oct 1986 she left for heavenly abode.